Deuteronomio 2:22 - Dios Iwene

²² Ja̧danö, amonitas jojodönö pjaati̧danö, Seirnö ju̧kwadö Esau itji̧mu tupadanö jojodönöbi pjaatinobe. Jobadönö pjabatö, Seir nijinö ajayinö ji̧nadö horeos jojodönö söbebö loinobe, tjiteboinemi nijima, idöda tjitebo niji baibanö tjemobö, ja̧danö babe mölebi baibanö, ina jobe tju̧ju̧kwobe Esau itji̧mu tupadanö jojodöma.

Deuteronomio 2:22 ပူးပေါင်းရင်းမြစ်များ

Génesis 14:6

Ja̧danö ju'wedönöbi, horeo jojodönö ölakwabikwawö juluwijadötö, mö'ösa'iju Seir mikwa'iju ju̧kwobetjö Parán niji tebo jwiena ö'öbö tjichibenanö.

Génesis 36:8

Ja̧danö Esaú, ju'wi imi Edom mikwo̧ma, jelobekwö 'ya̧jo̧ Seir nijinö ji̧jetö, mö'ösa'iju la'aka ba̧ba̧lawena.

Deuteronomio 2:12

Ja̧danö, Esau itji̧mu tupadanö jojodönö Dios iyina labebö loawama baikwö laebobe. Ajayinö horeos jojodöma Seir nijinö tjö̧jinobe, jo̧kwaijayonö Isabenö Jo̧ israel jojodö tjitebo baibobö iyinadanö, Isabenö Jo̧ma Esau itji̧mu tupadanö jojodönö Seir niji iyinobe, tjitebo baibobö. Ja̧danö, jejenö iyiawö̧, Esau itji̧mu tupadanö jojodöma horeos jojodönö söbebö lotjinobe, ja̧danö tjiteboinemi nijinö, idöda tjitebo niji baibanö jobe tjö̧jinobe.

Deuteronomio 2:21

Jobadö zanzumitas jojodöma anaquitas jojodö tjö̧ba̧jekwi̧danö tjö̧ba̧jekwinobe ajayinöma, ja̧danö ödöbaedö tjö̧jidanöbi, juluwadö tjö̧ji̧danöbi tjö̧jinobe. Jo̧kwaijayonö ödöbaedö juluwadö tjö̧jijayonö, Isabenö Jo̧ma amonitas jojodönö pjabatö, jobadönö söbebö loinobe, tjiteboinemi nijinö, amonitas jojodöda tjö̧jobö, idöda tjitebo baibanö.

Deuteronomio 2:5

jobadökwö kwölakwabikwawaduwapji jö̧ba̧lö. Jobadö tjitebo Seir mösa'oma, ötjöma jobadö Esau itji̧mu tupadanö jojodönöda chiyijatö, tjitebo baibanö jobe tjö̧jobö, ja̧danö tjitebo niji ja'yubebi ökwödö israel jojodönö chiyökakwo̧sa. Jo̧kwajabetjö̧ jobadökwö kwölakwabikwawaduwobö jwiobe.