Deuteronomio 19:15 - Dios Iwene

¹⁵ Tupakwö yöawinobe Moisesma: —Chömöledö, lȩekwa luwedö tjöba a'otjö jelo̧ sulabenö ja̧ina wene yötjawenama, sule bakwo̧da, –Bite sulabenö ja̧ina chedijatö, –jö̧ba̧lö yöawitjö̧ma, lȩekwa luwedö a̧ja̧kwö lȩtjebobö jwiena, sule bakwo̧da yöawajabetjö̧. Du̧ju̧tajaö̧kö̧, wamedukwaö̧kö̧ tjedaja̧ bakwainö yötjawitjö̧da yötjawi̧ tjösödobö ja̧kobe, ja̧danö yötjawi̧ ösödö, sulabenö ja̧binanö lȩekwa yötjawobö ja̧kobe.

Deuteronomio 19:15 ပူးပေါင်းရင်းမြစ်များ

1 Reyes 21:10

Ikenama, jo̧ba a'o duju̧taja sulabedönö weköbaduwo, jo̧banö omöna yötja̧lakobetjö̧, –Bite sulabenö yöa̧laja̧ da̧ja̧kwijatö, Diosnöbi jwiinö sulabenö yöa̧linobe, ja̧danö inesö la'aka duluwo̧nöbi jwiinö sulabenö yöa̧linobe, –jö̧ba̧lö omöna yötja̧lobö weköbaduwo. Ikenama, jo̧ba sulabenö ja̧ina jobekwö yötjawobetjö̧, jo̧banö lȩbebö, inawiya ikwawö kwabö loköbaduwonö, —jö̧ba̧lö laebobe Jezabel ji̧wȩyudinama.

1 Reyes 21:13

Ikenama du̧ju̧taja sulabedöma ichibö, öba a'o tjöbamatinobe, jadanö jojodö tjöba a'o yötja̧linobe Nabotnö, —Bite Nabotma jwiinö sulabenö yöa̧linobe Diosnöbi, inesö la'aka duluwo̧nöbi, —jö̧ba̧lö omöna yötjalinobe. Ikenama, Nabotnö tjötjebinobe comunidad apjude a'obe, ja̧danö comunidadtjö labebajadö, inawiya ikwawö lotjinobe Nabotnö.

Mateo 18:16

Jo̧kwaijayonö yökawi̧ a̧ja̧kwobö öpöjöditjö̧ma, ju'wedö kwömöledötjö bakwo̧nöö̧kö̧, du̧ju̧tajanöö̧kö̧ öbibö yemidanö 'ya̧wi, Dios damötjö weinadanö du̧ju̧tajaena, wa̧medukwaena ja̧i̧ edajadö, jo̧banö isabenö yöka̧li̧ wene jweinö yötjawakobetjö̧.

Juan 7:51

—Chömöledö, da'dödömine wetjinama ökwödönö weobe, bakwo̧nö lȩdebakwa̧ abönö jo̧ba yöawi̧ a̧ja̧kwö döwaisobö jo̧be. Ina wajwida jo̧ba yöawi̧ma, ¿Dakwö yöawobö? jö̧ba̧lö— jö̧a̧linobe Nicodemoma.

Juan 8:17

Moisés iwȩyudina, ja̧bö kwö̧jaduwobö iwȩyudinatjö yöawobe, Du̧ju̧tajanö bakwainö yötjawitjö̧ma jweinö yöawakwawa jȩna, jö̧ba̧lö.

2 Corintios 13:1

Jau chömöledö, babema yemidanö wa̧pötakwanö baibanö chi̧'yocha kwiteboduwibe, ja̧danö isabenö lȩtebocha ökwödötjö a̧ja̧kwökönö ina sulabenö ja̧badönö. Ja̧danö chömöledö, sulabenö ja̧badönö lȩtebenama, bakwo̧da jelo̧ ja̧ina yöawitjö̧ma juluwanö chösödökena, Dios damötjö weinadanö sule du̧ju̧tajaö̧kö̧, wa̧medukwaö̧kö̧ tjedina jawa jweinö yötjawitjö̧da lȩtebocha.

Deuteronomio 17:6

—Jo̧kwaijayonö, isabenö kwa̧ja̧kwaduwaja̧danö sulabenö tjösödojobö kwisakwaduwenama, sule bakwo̧da sulabenö ja̧tjaja̧ wene yöawitjö̧ma, lȩkebaduwobö jwiena, baikwö yötawa: Du̧ju̧tajaö̧kö̧, wamedukwaö̧kö̧ jweinö tjedaja̧ yötjawitjö̧ma, –Isabenö bite, bisuju sulabenö ja̧aja̧ dedajabe, –jö̧ba̧lö yötjawitjö̧ma, jenada yötjawi̧ kwösödaduwobö ja̧kobe, ja̧danö sulabenö ja̧bo̧nö kwabö loköbaduwobö ja̧kobe. Jo̧kwaijayonö sule bakwo̧da yöawitjö̧ma yöawi̧ kwösödaduwobö jwiakobe, ja̧danö lȩkebaduwobö jwiakobe.

1 Timoteo 5:19

Ja̧danö, ju'wibi yötawa Timoteo. Bakwo̧da Jesúsnö ösödadönö te'ada̧lakwawa luwo̧nö, Aaa, bitema sulabenö ja̧ajabe, jö̧ba̧lö yöa̧litjö̧ma, juluwanö a̧ja̧kwökönuwi yöa̧li̧ma. Jo̧kwaijayonö du̧ju̧tajaö̧kö̧, wa̧medukwaö̧kö̧, Bite sulabenö ja̧aja̧ dedajabe, jö̧ba̧lö yötjawitjö̧ma yötjawi̧ kwa̧ja̧kwo Timoteo, isabenö sulabenö ja̧obetjö̧.

Hebreos 10:28

Chömöledö, domukwato damötjö, bakwo̧ Moisés wei̧ öpöjödö, Cha̧ja̧kwökö, jö̧ba̧lö, kabatibo̧nö baledina. Jo̧banö kwabö lotjobö weinobe dujutaja, wa̧medukwa yötjawena, Bitema a̧ja̧kwökö, jö̧ba̧lö. Le jwiinö edö jo̧ba a̧ja̧kwö̧kö̧nö kwabö lotjobö weinobe. Jo̧kwaobetjö̧ chömöledö, Moisés wei̧ a̧ja̧kwö̧kö̧nöbi kwabö lotjobö weinobema