Deuteronomio 18:3 - Dios Iwene

³ Ja̧ Diosnö iyawatjö tjemakwa̧ jawa baikwö yötawa: Jojodö pakayanöö̧kö̧, obejanöö̧kö̧ kwabö juwö Diosnö tjiyenama, tjiyajökwe öböbe'obi, ibekasa'wijubi, ukwa'wo jawabi tjö̧'da̧de pjabatadönö tjiyobö ja̧kobe, tju̧kwa̧ baibanö.

Deuteronomio 18:3 ပူးပေါင်းရင်းမြစ်များ

Éxodo 29:27

Ja̧danö, bemi tupakwöma ötjötjö jojodötjö tjö̧'da̧denö pjabatadö batjibanö 'da̧batö kwujunena 'wibebö kwaköbajawö̧ o̧bȩja̧dö du̧ju̧tajadötjö ikena obeja iteba'o omukosa'o, ja̧danö i̧bȩjwa̧sa'o, ötjönö ösödö möakwö kabebö kwi̧sebaja̧ itebiyama. Ja̧ itebiyama wainö kwöwano Aarón, Aarón i̧tji̧mu̧ tjukwakwa̧ma. Ja̧danö, ba̧kwȩlö̧jatebö Israel jojodöma jejenö tjiyobö jo̧be Isabenö Jo̧nö, Diostjö jojodötjö tjö̧'da̧denö pjabatjatadö tjukwakwa̧ma. Ja̧danö, Israel jojodöma Isabenö Jo̧kwö ösökwö tjö̧jobö iyawa tjiyenabi, ja̧ tjiyi̧tjö Aaróntjö tupadanö jojodönö, Diostjö jojodötjö tjö'da̧denö pjabatadö tjukwakwa̧ma Diosnö tjiyobö jo̧be, omukosa'o, i̧bȩjwa̧sa'o.

Deuteronomio 12:27

Ja̧danö jobe ichibajadö, jwiinö ubinö iyawa kwuluwo̧duwi Isabenö Jo̧ Diosnö iyawötetjö kwiyaduwo, itebiabi, tjökwösobubi. Ja̧danö ju'wi iyawa jobetjö kwiyaduwi̧ma, tjökwösobu ebawinö loköbaduwo, kwuluwo̧duwi Isabenö Jo̧ Diosnö iyawöte ö'öbönö, jo̧kwaijayonö itebiama jobetjö kwukwaduwena.