Deuteronomio 18:20 - Dios Iwene

²⁰ Jo̧kwaijayonö bakwo̧, yöawobö wetököjayonö, Dios yöawi̧ yöbawo̧sa̧ jö̧ba̧lö jojodönö yöawitjö̧ma, jo̧banö kwabö lotjobö ja̧kobe, yöawobö wetököjayonö, Dios yöawi̧ yöbawo̧sa jö̧ba̧lö omöna yöa̧lobetjö̧. Ja̧danö, ju'wibi, bakwo̧, –Ju'wedö tjösödawö̧ diosbedö yötjawi̧ yöbawo̧sa, jobadö yötjawi̧ma baikwö yötawaduwakwö, –jö̧ba̧lö yöawitjö̧ma, jo̧banö kwabö lotjobö ja̧kobe, –jö̧ba̧lö yöawinobe Diosma.

Deuteronomio 18:20 ပူးပေါင်းရင်းမြစ်များ

1 Reyes 13:19

Ja̧danö, jejenö omöna yöa̧liökwe, Dios yöawi̧ yöbawo̧ma pöe yöa̧li̧ ösödinobe, jadanö jo̧bakwö 'ya̧nö, ejutjö ukwinobe, ja̧danö owinobe.

1 Reyes 18:19

—Babema baikwö wetakwö: Ötjöma Carmelo mösa'o chö̧jocha, ja̧danö kwömöayedönö weköbo, okobe deinö israel jojodönö ko̧ko̧dö, öbibö tjichejebobö chö̧jobekwö, Carmelo mösa'obe. Jadanö ju'wibi kwilekwo Jezabel jitea mesasötetjö kwadönöbi kwichejebo, tjösödökwe Baal yöawi̧ yöbawadö cuatrociento cincuentabedönöbi, tjösödoko Asera yöjawi̧ yöbawadö cuatrocientosbedönöbi, —jö̧ba̧lö weinobe Eliasma, Acabnö.

1 Reyes 18:27

Ja̧danö, möle ja'ö baibenama, Eliasma jobadönö obö yöa̧linobe, —Kwösödaduwökwe Baalnö labinö jwököbaduwo. Kwösödaduwökwema isabenö diosbo̧, jö̧tö? Jo̧kwajabetjö̧ labinö jwökeba̧laduwo, ökwödönö a̧ja̧kwakobetjö̧. Babema omukwatö ö̧jenaö̧kö̧, 'yo'obö ö̧benaö̧kö̧, jelobe kwebachö ö̧jenaö̧kö̧, a̧ba̧lenaö̧kö̧, labinö jwökeba̧laduwo, jo̧banö kwiwiludaduwakobetjö̧, —jö̧ba̧lö Baal yöawi̧ yöbawadönö obö jwöinobe Eliasma.

1 Reyes 18:40

Ja̧danö, Eliasma jojodönö weinobe, —Okobe deinö Baal yöawi̧ yöbawadönö do̧bataduwi, jobadötjö bakwo̧bi döibapji jö̧ba̧lö, okobe deinö jobadönö do̧bataduwidönö, —jö̧ba̧lö. Weawö̧, jobadönö do̧tja̧tinobe, ja̧danö jemi ikenama Eliasma jobadönö öbibö i̧'yinobe Quison ojwebe, ja̧danö jobe ojwetjö, okobe deinö jobadö Baal yöawi̧ yöbawadönö kwabawö loinobe.

Mateo 7:15

Tupakwö yöawinobe Jesúsma: —Chömöledö, ö'wiakwawönö edö kwö̧jaduwo sulabenö yöbawadönö. Jobadöma, Dios yöawi̧ yöbawadösa, jö̧ba̧lö yötja̧lijayonö, omöna yöba̧ladö. Ja̧danö wanedö yötawa: O̧bȩja̧dödanö ichejekwadö tjichejekwijayonö, o̧bȩja̧döböködö. Labidö. Tebo a̧wi̧li̧dödanöbedö chömöledö.

Deuteronomio 13:6

—Jau chömöledö, isabenö Diostjö 'da̧bachibö, ju'wedö tjösödawö̧nö kwösödaduwobö öbibadönö kwabö loköbaduwobö jo̧be, baikwö yötawa: Ökwöda yöne kwöjawo̧bi, ökwöda kwitji̧bi, ökwöda kwitjijubi, kwilekwobi, jelo̧ yö̧ne kwömöledöso̧bi Diosnö kakatibaduwobö öbibö, –Ju'wedö tjösödawö̧nö dösödo, –jö̧ba̧lö sulabenö ötjibitjö̧ma, ile nikebaduwawö̧ tjö̧jijayonö, yayonö jobadönö kwabö loköbaduwobö ja̧kobe, ökwödöbi kwa'dödöbi wajwiköbaduwawö̧nö kwösödaduwobö sulabenö ötjibobetjö̧. Jau chömöledö, bö̧jȩ ba̧kwemeachibanö ju̧kwadötjö ju'wedö tjösödawö̧nö̧ kwösödaduwobö sulabenö öbibö, bemi nijinö ju̧kwadö tjösödawö̧nö kwösödaduwobö ötjibitjö̧bi, jelobe ödö ju̧kwadö tjösödawö̧nö kwösödaduwobö ötjibitjö̧bi,

Deuteronomio 17:12

—Isabenö ökwödö lȩekwa jojodö jobadö Levisaso jojodö lȩekwa yötjawaja̧ kwa̧ja̧kwaduwobö ja̧kobe chömöledö, baikwö yötawa: Kwuluwo̧duwi Isabenö Jo̧ öba a'o otido̧ tjö̧'da̧de pjabato̧ yöawi̧bi, jobe jo̧ inesö lȩekwa luwo̧ yöawi̧bi öpöjödö, bakwo̧ lȩekwa luwo̧ öpöjödö, wainö lȩekwa yöawitjö̧ma, jejenö öpöjödo̧nö kwabö loköbaduwobö ja̧kobe, inesö suli̧ kwiteboduwi israel nijitjö dichö loköbaduwobö.

Deuteronomio 18:21

—Jejenö yötawaja̧ a̧ja̧kwö, kwomajadeduwinö kwomukwataduwena, –Bakwo̧ Dios yöawi̧ yöbawo̧sa jö̧ba̧lö omöna yöba̧lo̧ yöawi̧ da̧ja̧kwenama, dakwö döwaisakwajö, Omöna, Isabenö Jo̧ yöawi̧ yöbawö̧kö̧, jö̧ba̧lö döpöjödobö? –jö̧ba̧lö kwomukwataduwena.

Deuteronomio 18:22

Baikwö yötawaduwakwö jobadönö kwöwaisaduwakwa̧ma chömöledö: Bakwo̧ isabenö Dios yöawi̧ yöawitjö̧ma, isabenö baledakwa̧ yöawi̧danö baledakobe. Jo̧kwajabetjö̧ bakwo̧, –Ötjöma Isabenö Jo̧ yöawi̧ yötawakwö, tupakwö baledakwa̧ baikwö yöawajabe, –jö̧ba̧lö yöawijayonö, yöawaja̧danö baledökötjö̧ma, jo̧banö kwöwaisaduwakwedöja, –Bitema omöna yöba̧lo̧, Isabenö Jo̧ yöawi̧ yöbawo̧sa jö̧a̧lijayonö, omöna yöa̧lajabe, Dios yöawajökö jawada yöawajabe, –jö̧ba̧lö kwöwaisaduwena. Ja̧danö, jejenö kwöwaisaduwobetjö̧, jo̧banö yekabiduwobö jwiakobe, —jö̧ba̧lö yöawinobe Moisesma, israel jojodönö.

2 Pedro 2:12

Jau chömöledö, jobadö sulabenö yöbawadöma tebonö ju̧kwadö omukwatöködödanö tjichejekwobe. Jau chömöledö, tebonö ju̧kwadöma, omukwatöködö, idöda la'akatjöda a̧dekwanö tjöwaisi̧ jawada ja̧badö, ¿jö̧tö? Ja̧danö, jobadö tebonö ju̧kwadöma, ju'wi jaye ja̧tjoböma bötjachibinöködö, sule 'daliwanö tjö̧lajibobö bötjachibinadö, ja̧danö jelo̧ kwabö loobö bötjachibinadö, ¿jö̧tö? Jobadö sulabenö yöbawadöbi ja̧danö chömöledö, okobe jwiinö wajwitji̧ jawama, omukwatökönö sulabenö yöba̧ladö. Ja̧danö tebonö ju̧kwadönö söbebö lotji̧danö, Diosma jobadönö söbebö loakobe.

Apocalipsis 19:20

Jo̧kwaijayonö kabayu dewo̧ wamenö wo̧ma, iteda ömöayedökwö ojwe okwatjö labebinanö do̧a̧lobe chedijatö. Ja̧danö, böjȩ teebetjö labebinanö, Dios iwene yöbawo̧sa, jö̧ba̧lö, omöna yöba̧lo̧nöbi do̧a̧lobe chedijatö. Ja̧danö, jo̧ba böjȩ teebetjö labebinama, ujulu i̧sebö jojodönö jelobekwö tjomukwatinö öbibo̧, ojwe okwatjö labebinanöbi, jo̧ba o̧'wo̧ jawabi tjösödinö. Ja̧danö, jo̧bama, jojodönö jelobekwö tjomukwatinö, tjöbanöbi, tjömamiju tjöwaisobekwöchobesamunöbi ojwe okwatjö labebina imi seyu do̧bö wȩyukwa tjösödobö öbibo̧. Ja̧danö, kabayu dewo̧ wamenö wo̧ma, jobadö du̧ju̧tajanöma, ina 'yaba̧ladönöma, ökwöla nöola okwa loobe chedijatö, jwiinö tubinö azufre mikwi̧ ubolanö.

Jueces 2:15

Kabatökönö israel jojodö tjölakwabikwawobö latjebenama, israel jojodönö pjabatökönö, tjöpöjojodanö ja̧nö, tjöpöjojodö jobadönö tjujuluwobö weinobe Isabenö Jo̧ma. Jejenö baledinama, Isabenö Jo̧ damötjö̧ yöawinadanö baledinobe. Damötjö̧ Isabenö Jo̧ma israel jojodönö yöbawö ujuninobe, —Ötjönö kakatibaduwitjö̧ma, ökwödönö lȩbebö kwöpöjojodö ökwödönö tjujuluwobö wetocha, —jö̧ba̧lö, ja̧danö yöawinadanö baledobetjö̧, jwiinö tjo̧'wo tjo̧bekwö usula tjemawinobe israel jojodöma.