Jemi ikenama, jobekwö yöbawö junajadö, okobe deinö jobe ju̧kwadö Juda jojodöma Baalnö ösödakwawejube 'ya̧nö, pjolö lotjinobe. Ja̧danö, Baalnö ösödakwawötebi, o̧'wo jawabi 'dabebö lotjinobe, ja̧danö Baaltjö jojodötjö ö'weje pjabato̧ Matan mikwo̧nö, ösödakwawöte a'otjö kwabö lotjinobe. Ja̧danö, ju'wibi tjöbeba̧lö eda̧ladönö ujuninobe Joyadama, Isabenö Jo̧ eju otiwanö tjötjeba̧lobö.
Deuteronomio 13:10 - Dios Iwene10 Jobadöma kwuluwo̧duwi Isabenö Jo̧ Dios, Egipto nijitjö ju'wedö tjömöayedö kwö̧jinaduwelö ichejebina Diosnö kakatibaduwobö sulabenö ötjibobö tjisakwobetjö̧, jejenö inawiya ikwö kwabö loköbaduwobö ja̧kobe chömöledö. အခန်းကိုကြည့်ပါ။ |
Deuteronomio 13:10
15 ပူးပေါင်းရင်းမြစ်များ
Ja̧danö, Moisésma yöbawijetö jobadönöma: —Isabenö Jo̧, ökwödö dösödökwe Diosma weobe ökwödönö baikwö: Bakwo̧nökwena kwölöte'obiya a̧ja̧tjo̧nö yubibö kwi'yaduwo kwö̧jaduwemi okobe jwiinö, bemi teachakwawemitjö, jelemi teachakwawobekwö, jelemi teachakwawobekwö, okobe jwiinö. Ja̧danö, jobe 'ya̧nö tibatö loköbaduwo okobe deinö kwömöledö ömadönö, kwöja̧wo̧dönöbi, kwejubiya pjeanö ju̧kwadönö ömadönöbi— weiawö̧
—Ja̧danö sulabenö Diosnö kakatibaduwobö öbibadö, –Dios yöawi̧ yöbawadösa, –jö̧ba̧lö omöna yöba̧ladönöbi, –Tji̧'wi̧dinö tjedi̧ labebö lobadösa, –jö̧ba̧lö omöna yöba̧ladönöbi kwabö loköbaduwobö ja̧kobe chömöledö, kwuluwo̧duwi Isabenö Jo̧ Diosnö kakatibaduwobö sulabenö ötjibobetjö̧. Jau chömöledö, kwuluwo̧duwi Diosda Egipto nijitjö lakebaduwinö ichejebinama, jo̧bada ju'wedö tjömöayedö kwö̧jinaduwelö kwö̧jibaduwinö pjabatinama, jo̧kwaijayonö jobadö sulabenö öbibadöma jo̧ba wei̧ kakatibaduwobö ötjibobe, wanedö yötawa, Kwuluwo̧duwi Isabenö Jo̧ Diosma jweinö weinobe otiwanö kwekachaduwakwa̧ma manama, ja̧manöda otiwanö kwekachaduwobö, jo̧kwaijayonö jobadöma ja̧matjö 'da̧bachibö, jelobekwö kwi̧'yaduwobö ötjibobe, sulabenö. Jo̧kwajabetjö̧ jobadönö kwabö loköbaduwobö ja̧kobe, inesö suli̧ kwö̧'da̧deduwitjö̧ söbebö loköbaduwakobetjö̧.
Ja̧danö, lȩbebö kwabö loköbaduwenama, tjedaja̧ yöbawadöda abönö inawiya tjikwawobö ja̧kobe, ja̧danö tjikwaja ikena okobe deinö ju'wedö jojodöbi tjikwawobö ja̧kobe, sulabenö ja̧bajo̧ ö'wö baibenanö kabatö. Jejenö ja̧bö inesö suli̧ ju'wedö tjösödawö̧nö ösödakwawa kwiteboduwi israel nijitjö söbebö loköbaduwobö ja̧kobe chömöledö, —jö̧ba̧lö yöawinobe Moisesma.
Jemi ikenama, jejenö yötjawiawö̧, okobe deinö itebo comunidad ömadöma jo̧banö inawiya ikwawö lotjobö ja̧kobe, ö'wö baibenanö kabatö, jo̧bajayo̧ kwö̧'da̧deduwitjö ö̧jobö jwiobetjö̧. Ja̧danö, jejenö jo̧bajayo̧nö kwabö lobö, inesö suli̧ kwö̧'da̧deduwitjö söbebö loköbaduwena, ja̧danö ju'wibi, ju'wedö israel jojodöma baledaja̧ tja̧ja̧kwena, ja̧danö a̧ja̧kwö yetjabena, –Jo̧ba ja̧bö ö̧jinadanöma ja̧bö dö̧joko, –jö̧ba̧lö.
Ja̧danö mölejȩbe edö, mölejȩnö la̧jadönö jawo̧nöbi, yö̧te jawo̧nöbi, si̧li̧'idönöbi kwösödaduwoböma omukwatökönaduwi. Ju'wedöma ö'öbönö kwomukwataduwobö öbibö yötja̧lena, –Mölejȩnö la̧jadönö dösödobö otiwa, –jö̧ba̧lö, jo̧kwaijayonö sulabenö öbibö yötja̧li̧ma ösödökönaduwi, ja̧danö jobadönö bȩbachibö ösödökönaduwi. Jau chömöledö, duluwo̧ Isabenö Jo̧ Diosma bö̧jȩ ba̧kwemeachibanö ju̧kwadönö pjabatö, jobadö mölejȩnö la̧jadönö jobe tjö̧lobö öninobe, jo̧kwaijayonö ja'yubebi jobadönö kwösödaduwobö jwiobe, Diosnöda kwösödaduwobö jo̧be.
Ja̧danö, wabekobe ichibö, Josuema Acannö yöa̧linobe, —Acan, ökwöma sulabenö ökwödö israel jojodönö wene jwökebajabetija, ja̧danö jejenö ökwödönö wene jwökebiökwe, Isabenö Jo̧ma balekwa mikwa ökwönö wene weajabe, ja̧danö babe möle ökwönö lȩebobe, —jö̧ba̧lö. Ikenama, jejenö jö̧a̧laja̧ ikenama, okobe deinö israel jojodöma Acannöbi, itji̧munöbi, ajwimunöbi inawiya ikwawö kwabö lotjinobe. Ikenama, kwabö lobajadö, tjiteba'o ökwölanö juwö lotjinobe.
ကြော်ငြာတွေ