Deuteronomio 12:29 - Dios Iwene

²⁹ —Ja̧danö, ju'wibi yötawaduwakwö chömöledö: Juluwanö kwiteboduwi baibakwa̧ niji ölakwabikwawö tekachaduwakwedöja, jobe ju̧kwadö tjitebo 'döbebö, kwiteboduwi baibanö kwemaduwakobetjö̧, ja̧danö jejenö tekachaduwenama, jobe ju̧kwadö tjitebokwena jojodönö kwöba a'oduwitjö̧ söbebö loakobe, tjiteboinemima otiwanö kwemaduwobö. Ja̧danö jobadönö a'dewö lobajadö, tjiteboinemi niji emö, kwiteboduwi baibanö jobe kwö̧jaduwakwedöja.

Deuteronomio 12:29 ပူးပေါင်းရင်းမြစ်များ

Éxodo 23:23

Ja̧danö, wetökwe ángelso̧ma, kwabönöduwi 'yo̧ma ju'wedö tjiteboduwi tebachö öibakwo̧, Amorreo jojodö tjitebonö, heteo jojodö tjitebonö, ferezeo jojodö tjitebonö, cananeo jojodö tjitebonö, heveo jojodö tjitebonö, jebuseo jojodö tjitebonö. Ötjöma okobe deinö jobadönöma jwiinö söbebö lotakwo̧sa.

Deuteronomio 12:30

Jejenö kwöba a'oduwitjö̧ Dios söbebö loaja̧ ikenama, teada̧lönö kwö̧jaduwo chömöledö, jobadö tjösödawö̧nö tjösödina jawa kwomuwataduwapji jö̧ba̧lö. Jau chömöledö, tjiteboineminö ja̧nö, abebö kwa̧ja̧kwaduwoko, –Bemi nijinö tjitebokwena jojodö tjösödinadanö dösödobö jö̧da̧la, tjösödadawö̧nö tjösödinama, dakwö ja̧bö tjösödinada? –jö̧ba̧lö abebö kwa̧ja̧kwaduwoko, jobadö sulabenö tjösödinama ökwödönö 'daliwa baibapji jö̧ba̧lö.

Deuteronomio 19:1

Tupakwö yöawinobe Moisesma: —Chömöledö, kwuluwo̧duwi Isabenö Jo̧ Diosma ökwödönö iyakwa̧ niji ju̧kwadönö söbebö loakobe, tjiteboinemi nijinö kwö̧jaduwobö. Ja̧danö, jejenö jobadönö söbebö loaja̧ ikena, ökwödöma tjotidina comunidadbiyanö, ja̧danö tjotidina tjejubiyanö ökwödöma otiwanö kwö̧jaduwakwedöja.

Deuteronomio 9:3

Ja̧danö, yötja̧li̧danö isabenö juluwadö chömöledö, jo̧kwaijayonö bi̧ya̧ wenebi kwöwaisaduwobö jo̧be chömöledö, ojwe pekibaduwenama, kwuluwo̧duwi Isabenö Jo̧ Diosma kwabönöduwi peibakobe. Ja̧danö jo̧bama, ökwöla okobe jwiinö ubola juwö loi̧danö, jo̧ba kwuluwo̧duwi Diosda jobadönö ujuluwakobe, ja̧danö jo̧bada tjujulu 'döebakobe, juluwanö jobadönö kwujuluwaduwobö, ja̧danö juluwajadö, tjitebo niji̧ 'dökebaduwobö. Jau chömöledö, iteda yöbawö ujuninadanö, jejenö kwöpöjojodönö ölakwabikwawö ujuluwakobe kwuluwo̧duwi Isabenö Jo̧ma.

Josué 21:43

Jobekwö laebobe Isabenö Jo̧ israel jojodönö tjitebo baibanö iyina jawama. Damötjö Isabenö Jo̧ma tja'dödönö yöbawö ujuninobe, —Isabenö kwiteboduwi baibanö chiyakwo̧sa̧, —jö̧ba̧lö, ja̧danö yöbawö ujunina badekwachinö, isabenö jobadönö iyinobe. Ja̧danö, jejenö iyawö̧, tjitebo baibanö tjeminobe, ja̧danö tjitebokwena otiwanö tjö̧jinobe.

Josué 23:4

Ja̧danö, Diosma okobe jwiinö Canaan niji ökwödönö iyobe, okobe jwiinö Jordan ojwetjö, jawo̧ meajobekwö bajalenö jwaibalawabe ichibanö niji ökwödönö iyobe, kwiteboduwi baibanö. Ja̧danö, jejenö iyobetjö̧, okobe jwiinö ja̧ niji 'da̧batö junö, ökwödö bakwasokwena jojodönö 'da̧batö junö wetijatö, bakwasokwena kwiteboduwi baibanö, ida̧ökö dujuluwinemi nijibi, ina dujuluwokobe nijibi.