Deuteronomio 12:18 - Dios Iwene

¹⁸ Ja̧ jaye kwuluwo̧duwi Isabenö Jo̧ Dios omudawö ujunakwa̧ comunidadtjöda kwukwaduwobö ja̧kobe, kwuluwo̧duwi Isabenö Jo̧ Dios öba a'otjö. Jau chömöledö, Diosnö ösödö, jo̧ba öba a'o kwo̧'woduwi ösöwachibanö kwukwaduwobö ja̧kobe chömöledö, –Okobe jwiinö dotidi̧tenia otiwanö pjabato̧ Diosma, –jö̧ba̧lö, ökwödöbi, kwi̧tji̧muduwibi, kwömöayedöduwibi, kwitebo comunidadnö ju̧kwadö Levisaso jojodöbi.

Deuteronomio 12:18 ပူးပေါင်းရင်းမြစ်များ

Proverbios 3:17

Jao chitji̧, jobujuma, jweinö omukwatö ja̧kwawa wanekwachujuma ökwönö öjibi̧danö öbibuju okobe jwiinö kwi̧'yenama kwo̧'wo̧ ösöwanö kwi̧'yobö.

Isaías 12:3

Ojwese'do otiwe'dotjö owö kwo̧'woduwi ösöwachibi̧danö, kwö̧jibaduwinö pjabato̧kwö dötewinö ja̧nö kwo̧'woduwi ösöwachibanö kwö̧jaduwakwedöja.

Hechos 16:34

Ikenama te'ada̧lakwawa jojoma Pablonö Silasnö tebatijetö eju okwa tjukwobö. Tebachö Pablonö, Silasnö kwakwawa iyö mesasötenö junijetö, ¡Jö̧jö̧ kwaduwi! jö̧ba̧lö. Ja̧danö te'ada̧lakwawa jojobi, ejunö ju̧kwadöbi tjo̧'wo̧ ösöwobe ji̧jadötö, Babema Diosnö dösödadösa, jö̧ba̧lö. Ikenama tjebachajijadötö ka̧lena ba̧kwawejube.

Hechos 2:46

Ju'wi möle jwiinö Jesúsnö ösödadöma bakwainö omukwata̧lö, Dios eju okwa tebachö ji̧abijadötö. Tjejubiyatjö kwanöbi tebachö ji̧abijadötö, tjo̧'wo̧ ösöwanö, sulabenö tjomukwati̧ jwiinö.

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

Gálatas 5:22

Jo̧kwaijayonö Dios O̧'wo̧ Luwo̧ do̧'wo̧ luwo̧nö otidi̧ma wainö ji̧ chömöledö. Baikwö yötawa: Dios O̧'wo̧ Luwo̧ otidi̧ma chömöledö, biya̧: ösödabikwawi̧bi, tjo̧'wo̧ ösöwi̧bi, tjo̧'wo̧ luwo̧nö wene jwiinö ja̧kwawabi, tjo̧'wo̧ 'dibachibö ja̧kwawabi, jojodönö dösölö̧jinö ja̧danö otiwanö ja̧awabi, jö̧tja̧li̧danö ja̧awabi,

Deuteronomio 12:14

Jelobetenia kwiyaduwobö jwiobe chömöledö, sule bakwasokwena tjitebotjö, Isabenö Jo̧ omudawö ujunakwemi comunidadtjöda kwiyaduwobö ja̧kobe. Ja̧danö jobe Dios ejutjö okobe jwiinö ju'wi ökwödönö yöbawö weti̧ jawa jobetjö Diosnö ösödö ja̧köbaduwobö ja̧kobe.

Deuteronomio 12:19

Isabenö jejenö kwö̧'da̧deduwinö ju̧kwadö Levisaso jojodönö kwiteada̧laduwobö jo̧be chömöledö, jo̧kwajabetjö̧ teada̧lönö kwö̧jaduwo, ba̧kwelöjatebö kwiteboduwi nijinö kwö̧jaduwayi, ba̧kwelöjatebö jobadönö omukwatö kwiteada̧laduwakobetjö̧, —jö̧ba̧lö yöawinobe Moisesma, israel jojodönö.

Deuteronomio 12:5

Ökwödö kwuluwo̧duwi Isabenö Jo̧ Diosma, okobe jwiinö israel jojodö bakwasokwena tjitebotjö bakwöta comunidad 'da̧batö ujunakobe, iteda itebo comunidad, inesö Isabenö Jo̧ kwö̧'da̧deduwinö ö̧ji̧ i̧sȩkwelö baibanö. Jobe 'da̧batö ujunajemibe kwi̧'yaduwo, jobetjöda jwiinö ubinö iyawabi, ju'wi iyawabi, domulataja jawatjö bakwöta jawa kwiyaduwi̧bi, ju'wi kwiyaduwobö kwösödaduwi̧bi kwiyaduwobö. Jobetjöda Diosnö kwiyaduwakwa̧ yöbawö kwujunaduwi̧ma kwiyaduwo, ja̧danö jobetjöda kwajwi̧muduwi pakayadötjöbi, obejadötjöbi ajayinö tjemawö̧nö kwiyaduwo.

Deuteronomio 12:7

Ja̧danö jobe ökwödöma kwömöledöduwikwö kwuluwo̧duwi Isabenö Jo̧ Dios öba a'o ja̧nö, kwo̧'woduwi ösödachibaduwanö kwukwaduwo. Jau chömöledö, kwuluwo̧duwi Isabenö Jo̧ Diosma otiwanö kwotidaduwi̧tenia pjaatakobe, jobe ja̧nö otiwanö kwö̧jaduwobö, ja̧danö jejenö pjaatiawö̧, jobe öba a'o kwo̧'woduwi ösöwachibaduwanö kwukwaduwobö ja̧kobe.

Deuteronomio 14:23

ja̧danö ja̧ 'da̧batö kwujunaduwaja̧ jawama, Dios ejutjö kwuluwo̧duwi Isabenö Jo̧ Dios öba a'otjö kwukwaduwobö ja̧kobe, 'da̧batö kwujunaduwaja̧ trigo waji̧bi, ubasobubi, olivo o̧tesobubi, kwajwimuduwi pakayadötjö abönö tjemawö̧nöbi, kwajwimuduwi obejadötjö abönö tjemawö̧nöbi. Diosma kwiteboduwitjö jelobe 'da̧batö ujunakobe, iteda eju comunidad baibanö, ja̧danö jobetjöda Dios öba a'otjö ja̧ 'da̧batö kwujunaduwaja̧ jawa kwukwaduwobö ja̧kobe. Jejenö ja̧köbaduwobö ja̧kobe chömöledö, ba̧kwelöjatebö kwuluwo̧duwi Isabenö Jo̧ Diosnö yebabinö kwösödaduwobö kwöwaisachibaduwakobetjö̧.

Deuteronomio 15:20

Jobadö abönö tjemawö̧nö öbibö, Dios ejube kwi̧'yaduwobö ja̧kobe, jobe Dios öba a'otjö ökwöbi, kwejunö ju̧kwadöbi kwuluwo̧duwi Isabenö Jo̧ Dios öba a'o kwukwaduwakobetjö̧. Jejenö o̧ba bakwabakwena ja̧köbaduwobö ja̧kobe chömöledö. Isabenö Jo̧ma iteda eju itebo baibanö ju'wi comunidad omudawö ujunakobe, ja̧danö o̧ba bakwabakwena jobetjö ajayinö tjemawö̧nö kwabö kwukwaduwobö ja̧kobe.

1 Samuel 1:4

Ja̧danö, ba̧kwelöjatebö Diosnö juwö iyena, Elcanama ömöledökwö Dios öba a'o ukwo jö̧tja̧li̧ jawatjö 'da̧batö ba̧kwo̧nökwena iyinobe ilekwo Penina mikwujunöbi, jitji̧munöbi,