Deuteronomio 11:10 - Dios Iwene

^10-11 —Isabenö otiwobe, babe tekachaduwakwemi nijima chömöledö, baikwö yötawa: Kwöwaisaduwa Egipto nijitjö batjo otikwa chömöledö, jobetjö kwichinaduwobetjö. Ju'wi kwakwawa jawa batjoma, ba̧kwelöjatebö ojwiyo sa̧sa̧ba̧lö tjotidobö ji̧, kwakwawa wa̧jakobetjö̧, jö̧tö? Ja̧danö, ja̧jaye batjo tjotidi̧danö, Egiptotjö batjo tjotidenama, ödebiya lödajadö, ju'wibi ba̧kwelöjatebö ojwiyo sa̧sa̧ba̧lö tjotidobö jo̧be, jötö̧? Jejenömaökö babe tekachaduwakwȩmi nijima chömöledö. Jobema mösa'ijubi, wabekijubi jȩmi niji chömöledö, ja̧danö ojwiyo otiwanö o̧bemi niji, jo̧kwajabetjö̧ ojwiyo sa̧sa̧bö kwotidaduwoböma jwiakobe.

Deuteronomio 11:10 ပူးပေါင်းရင်းမြစ်များ

Isaías 19:10

Ju'wedö kamisi otidajibadöbi tjo'wo tjo̧bekwö tjö̧jakwedö, jadanö okobe deinö ju'wedö tjotidobö tjimidinawö̧bi o̧'wo tjo̧achö tjö̧jakwedö.

Isaías 37:25

Ju'wibi ju'wedö tjitebotjö ojwese'diju sobö, ojwiyo dowobö chemijatö, ja̧danö jwiinö ba̧jȩkwadö chömöayedönö öbibö, Egipto nijinö kwetachijatö, ba̧jȩkwadö kwedachajabetjö̧ Egipto niji ojwebiya kököachibenanö baibanö, -jö̧ba̧lö ötjönö öpöjödö yöka̧lajabe.

Deuteronomio 11:9

ja̧danö lekwe möle ja̧ kwiteboduwinö wene jwiinö kwö̧jaduwakobetjö̧. Jau chömöledö, ja̧ niji kwa'dödönö yöbawö ujuninobe Isabenö Jo̧ma, jobadönöbi, tji̧tji̧mu tupadanö jojodönöbi ja̧ inesö otiwemi, ajikwakwawedöbi otiwanö tjöbötjachemi, ja̧danö batjobi otiwanö wa̧jemi niji iyobö, jo̧kwajabetjö̧ jo̧ba wei̧ a̧jakwö kwö̧jaduwo, lekwe möle otiwanö jobe kwö̧jaduwakobetjö̧.

Deuteronomio 8:7

Jau chömöledö, kwuluwo̧duwi Isabenö Jo̧ Diosma isabenö pjabato̧ ökwödönö, babe juluwanö ökwödönö öibakobe, inesö otiwemi nijinö kwö̧jaduwobö. Ja̧ otiwemi niji baikwö labebö lobö yötawa: Ja̧ nijitjö, ojwebiya nöinö lo̧be, ja̧danö ojwese'diju welachibobe, ja̧danö niji teebebi okwobe, sobö waköbaduwobö. Mösa'ijutjöbi, wabekijutjöbi jejenö ojwiyo nöobe ja̧ nijima.