Deuteronomio 10:14 - Dios Iwene

¹⁴ Chömöledö, kwuluwo̧duwi Isabenö Jo̧ Diosma okobe jwiinöbi, okobe deinöbi inesö la'aka tjuluwo̧, okobe jwiinö mölejȩbi, bö̧jebi, okobe jwiinö bö̧jȩnö ji̧bi, inesö la'aka luwo̧ma jo̧bada.

Deuteronomio 10:14 ပူးပေါင်းရင်းမြစ်များ

Génesis 14:19

Ikenama Abramnö badekwö Melquizadekma, Abramnö o̧'wo ösöwanö yöba̧lijetö: —Abram, La'aka Inesö Diosnö, mölejebi, böjȩbi otidinanöma ateba ökwönö dösölöjönö edö pjaatobö.

Génesis 14:22

Tea chemokobe— jö̧ba̧lijetö Abramma—. Ötjöma La'aka Inesö Diosnö, mölejȩbi böjȩbi otidinanöma yöbawö chujunajabe,

1 Reyes 8:27

—Chuluwo̧ Dios, ökwö kweju chotidajabe, jo̧kwaijayonö bö̧jȩnöda jö̧kö̧ja chuluwo̧. Jau chuluwo, inesö nöbo̧ja, mölejȩ inesö möjȩnöbi kwobiökenanö, jokwajabetjö̧ chöwaisa, beju bö̧jesejunö kwobioböma jwibo̧ja, jö̧balö.

Diosnö ösödo̧ Job mikwo̧ usula emawina jawa 41:11

Bakwo̧bi ötjönö iyajo̧, –Chiyaja̧ tjekatobö wetakwö, –jö̧ba̧lö ötjönö weobö jȩnaji̧? Ja̧maökö Job. Kwöwaisa, okobe jwiinö bö̧jȩnö ji̧ma, ötjöda chitea jo̧be, bakwo̧bi, –Tjebatitjö, –jö̧ba̧lö weoböma jwibo̧.

Éxodo 19:5

Jo̧kwaobetjö̧ ötjö weti̧ma ö'wi̧yawakwawalö̧jinö a̧ja̧kwö, ja̧danö, yöbawö junö chiwene a̧ja̧kwö, weti̧danö ja̧bö kwö̧jaduwitö̧ma okobe deinö böjȩnö jukwadö jojodötjö ökwödönöda 'da̧batö chujunena, ötjö cha'dȩlawö̧, jö̧ba̧lö. Jejenö 'da̧batö chujunena, ötjödasa okobe jwiinö böje luwo̧chobetjö̧, ja̧danö,okobe deinö böjȩnö ju̧kwadö tjuluwo̧chobetjö̧.

Éxodo 9:29

Jejenö jö̧a̧lökwe jöba̧lijetö Moisésma: —Jao kwatjö̧ma, bemi comunidadtjö atebena chömamiju mölejebekwö kabebö Isabenö Jo̧nö atebocha. Ikenama böba kwaawökönöbi, ja̧danö, inawi̧ya̧ tjoduwökönöbi baibakobe. Jejenö baibena kwöwaisachibakobe: Bö̧jenö baledi̧ma Isabenö Jo̧ Diosda wei̧, jojodö ösödö wetji̧makö, jö̧ba̧lö.

Isaías 66:1

Baikwö yöawobe Isabenö Jo̧ma: Chömöledö, mölejȩma, sule ötjö chiteaka inesö la'aka luwo̧ ö̧bakadanö jö̧jȩ, ja̧danö bö̧jȩma sule chömasapiya chöwanemidanö jö̧je. Jo̧kwajabetjö̧, ötjö chö̧jakwejuma, dakwö kwotidaduwobö? Otiwanö chö'wachemi ötjönö kwiyaduwobö jȩnaji̧?

Hechos 17:24

Jo̧bama böjȩbi, böjȩnö ju̧kwadönöbi otidina. Ja̧danö, böjȩ okobe jwiinö ju̧kwi̧ma otidina jo̧bama. Mölejȩbi, mölejȩnö ju̧kwadöbi böjȩbi, böjȩnö ju̧kwadöbi tjuluwo̧. Ja̧danö, tjuluwo̧obetjö̧ jojodö tjotidineju, jo̧banö tjo̧'wo̧ wana̧lakwaweju okwa jö̧kö̧ jo̧bama.

1 Corintios 10:26

Dios iwenema baikwö laebobe chömöledö: Böjȩbi, okobe jwiinö böjȩnö ji̧bi Duluwo̧ jawadaobe, jö̧ba̧lö laebobe. Ja̧danö, okobe jwiinö Duluwo̧ jawaobetjö̧, domajadenö sulabenö omukwatökönö dukwena.

1 Corintios 10:28

Jo̧kwaijayonö, bakwo̧ ökwönö Aaa, biya̧ma o̧'wo̧ jawa tjiyina jö̧ba̧lö yöawitjö̧ma, jejenö yöawobetjö̧ kwukwaduwoko, jo̧ba yöbawajo̧nö omukwatö, ja̧danö jo̧ba omajadenö omukwati̧ omukwatö kwukwaduwoko.

2 Corintios 12:2

Jau chömöledö, bakwo̧ Cristonö ösödo̧nö chöwaisa, ja̧danö jo̧banö baledina baikwö yötawa. Damötjö, catorce o̧biya jenanö, jo̧bama Dios ö̧jobe mölejȩbe kaekwajinobe. Jejenö kaekwajinama wajwita chömöledö, isabenö atji̧o kaekwajinenaö̧kö̧, sule i̧'wi̧di̧danö kaekwajinenaö̧kö̧, ötjöma wajwita chömöledö, sule Diosda waiso̧.

Deuteronomio 10:13

ja̧danö okobe jwiinö kwuluwo̧duwi Isabenö Jo̧ Dios ökwödönö wei̧ babe ökwödönö yötawi̧ jawa ja̧bö kwö̧jaduwobö. Ja̧da ökwödönö weobe chömöledö, ja̧danö baikwö yöta̧la jejenö wei̧ma, ökwödönö suli̧ öwaedotö jö̧ba̧löma jejenö webö̧kö̧, otiwanö kwö̧jaduwobö ösödobetjö̧, ökwödönö pjaatakwawa baibanö jejenö webo̧ chömöledö.

Deuteronomio 33:26

—Baikwö yötawaduwakwö ökwödö israel jojodönö: Ju'wedö tjösödawö̧tjö bakwo̧bi deobe, ökwödö kwösödaduwökwe Diosdanöbo̧ma. Jo̧bama mölejebenö kwebacho̧, ökwödönö pjabatö, iteda dejatinö ujulunö, mölejebenö kwebacho̧.