Deuteronomio 10:13 - Dios Iwene

¹³ ja̧danö okobe jwiinö kwuluwo̧duwi Isabenö Jo̧ Dios ökwödönö wei̧ babe ökwödönö yötawi̧ jawa ja̧bö kwö̧jaduwobö. Ja̧da ökwödönö weobe chömöledö, ja̧danö baikwö yöta̧la jejenö wei̧ma, ökwödönö suli̧ öwaedotö jö̧ba̧löma jejenö webö̧kö̧, otiwanö kwö̧jaduwobö ösödobetjö̧, ökwödönö pjaatakwawa baibanö jejenö webo̧ chömöledö.

Deuteronomio 10:13 ပူးပေါင်းရင်းမြစ်များ

Proverbios 9:12

Jao chömöledö, jweinö omukwatö kwö̧jaduwitjö̧ma otiwanö kwö̧jaduwakwedöja. Jobekwö kwö̧jaduwokobe jweinö omukwatö ja̧kwawa yötjawi̧ kwöpöjödaduwitjö̧ma. Isabenö, jweinö omukwatö ja̧kwawa yötjawi̧ oböda kwöpöjödaduwitjö̧ma usula kwemawaduwakwedöja— jobekwö yöawinobe Salomónma.

Deuteronomio 10:12

Tupakwö yöawinobe Moisesma, israel jojodönö: —Ja̧danö chömöledö israel jojodö, kwuluwo̧duwi Isabenö Jo̧ Dios ökwödönö wei̧ma, di̧ya? Sule bi̧yada weobe chömöledö: Kwuluwo̧duwi Isabenö Jo̧ Diosnö yebabinö omukwatö, jo̧ba ösödi̧danö ja̧bö ja̧nö, jo̧banö ile nibebö kwösödaduwobö. Ja̧danö okobe jwiinö kwomajadöduwinöbi, kwo̧'woduwinöbi jwaikwöda kwuluwo̧duwi Isabenö Jo̧ Dios ömöayedö kwö̧jaduwobö,

Deuteronomio 10:14

Chömöledö, kwuluwo̧duwi Isabenö Jo̧ Diosma okobe jwiinöbi, okobe deinöbi inesö la'aka tjuluwo̧, okobe jwiinö mölejȩbi, bö̧jebi, okobe jwiinö bö̧jȩnö ji̧bi, inesö la'aka luwo̧ma jo̧bada.

Deuteronomio 6:24

Ja̧danö ditebobe dichibanö öbibajo̧, Isabenö Jo̧ma bi̧ya weawa ökwödönö weinobe, Ba̧kwelöjatebö kwuluwo̧duwi Isabenö Jo̧ Diosnö yebabinö omukwatö kwösödaduwo, jö̧ba̧lö. Ja̧danö jejenö weinama, ökwödönö pjaatobö weinobe, lekwe möle otiwanö dö̧jakobetjö̧. Ja̧danö, jejenö wei̧ a̧ja̧kwö dö̧jobetjö̧, babe otiwanö dö̧jobe.

Santiago 1:25

Baikwö kwö̧jaduwobö jo̧be: Dios yöawi̧, iteda iwenetjö yöawi̧ma ö'wiawakwa̧lö̧jönö a̧ja̧kwö kwomukwata̧laduwo. Chö̧ja̧wo̧dö, Dios iwenema tjöba dekwawöte i̧sebi̧danö ökwödönö i̧sebobe Dios ösödi̧ma. Ja̧danö, ökwödö sulabe dujuna̧li̧ i̧sebobe. Ja̧danö, Dios ösödi̧danö ja̧kwawa i̧sebobe. Nöinö i̧sebobe Dios iwenema. Jo̧kwaobetjö̧ Dios iwene kwa̧ja̧kwaduwaja̧ ikena kwo̧'wo̧duwi̧ jwibibökönuwi Dios wei̧ma. Dios wei̧ a̧ja̧kwö kwi̧sebaduwobö jo̧be chö̧ja̧wo̧dö. Ju'wi wanedö yötawa chö̧ja̧wo̧dö: Ökwödöma böjȩ sulabenö ji̧kwö 'dii̧ osiju ka̧lenasijunö yö̧dekwinobe. Ja̧danö, Dios yöawi̧ma ejachajibinö pjabatö dö̧jibinö pjaatinobe, Dios otiwanö omukwati̧danö omukwatö dö̧jobö. Chö̧ja̧wo̧dö, kwo̧'wo̧duwi jwikibaduwoko Dios yöawi̧, iteda iwenetjö yöawi̧ma. Dios yöawi̧ a̧ja̧kwö yöawi̧danö omukwatö ja̧köbaduwo chö̧ja̧wo̧dö, kwö̧jaduwi̧ma. Ja̧danö, Dios yöawi̧danö ja̧bö jo̧ma Dios jwiinö pjaatökwe, okobe jwiinö böjȩnö ja̧nö ja̧i̧ma.