Deuteronomio 1:40 - Dios Iwene

⁴⁰ Jo̧kwaijayonö babe ökwödö tjebachajö jojodö deobe kwebachaduwi, Jwaibalawa Duwobö lo̧bekwö, –jö̧ba̧lö lȩbebö weinobe Diosma.

Deuteronomio 1:40 ပူးပေါင်းရင်းမြစ်များ

Deuteronomio 11:4

Ja̧danö jwaibalawa Duwobutjö baledinabi edinadöja chömöledö, Egipto ölakwabikwawa jojodö ökwödönö lutjibenama, jobadönöbi, tjitea kolukiyabi, tja̧jwi̧mu kabayudö̧nöbi jwaibalawa okwatibö söbebö loobö weina edinadöja. Jau chömöledö, Isabenö Jo̧ma jwiinö söbebö loinobe Egipto ölakwabikwawa jojodönö, babe mölebi baibanö ina juluwöködö tjö̧jinö.

Deuteronomio 2:1

Moisesma tupakwö yöawinobe israel jojodönö: —Ja̧danö chömöledö, Cadestjö labebajadö, Isabenö Jo̧ weinadanö tjebachajö, jojodö deobe kwedachijatö, ja̧danö jwaibalawa Duwobu lo̧bekwö 'ya̧nö, lekwe möle Seir mösa'o niji söpödö kwedachijatö.

Jueces 11:16

Israel jojodö Egipto nijitjö latjebenama, jojodö deobenö tji̧'yinobe, jwaibalawa Mar Rojo ötjabawabe tji̧'yinobe, ja̧danö jobetjö Cades comunidadbe kwetjachinobe, Edom niji ö'öböbe.