Deuteronomio 1:39 - Dios Iwene

³⁹ —Ja̧danö, ju'wibi yöawinobe Diosma ökwödönö: –Ökwödöma yöka̧laduwajabe, -Döpöjojodöma ökwödö damönö kwabö lobajadö, ditji̧munö do̧tjatakwedö, idöda tjö̧möayedö̧ batjibanö, -jö̧ba̧lö. Jo̧kwaijayonö baikwö yötawaduwakwö: Jobadö kwitji̧muduwi, tjömöayedö batjibanö tjemakwedö jö̧ba̧lö jö̧ka̧laduwajawö̧da chiyakwemi nijibe tetjachakwedö. Jobadöma babe möle ina pjebadö, ina suli̧bi otiwi̧bi wajwibadö, ja̧danö jobadönöda tjitebo baibanö niji chiyocha, ja̧danö jobadöma isabenö tjitebo baibanö tjemakwedö.

Deuteronomio 1:39 ပူးပေါင်းရင်းမြစ်များ

Romanos 9:11

Ja̧danö, jobadönö jemakwa̧ abönö, otiwanöbi, sulabenöbi ina ja̧tjakwa̧ abönö, Diosma jobadönö yöawinobe Rebecanöma. Baikwö laebobe Dios iwene, Rebeca ji̧tji̧munöma: Abönö pöema öjawo̧ wei̧da ja̧akwo̧, jö̧ba̧lö laebobe, Dios Rebeca ji̧tji̧munö yöawina, ina jemakwa̧ abönö. Jejenö yöbawö, Diosma i̧sebö yöawinobe, Ötjödasa omudawö juno̧ma, jö̧ba̧lö. Ja̧danö, iteda omukwati̧danöda, jobuju ji̧tji̧mutjö, bakwo̧nö omudawö ujuninobe. Jau chömöledö, jobadö ja̧tji̧ jawa omukwatökönö, Diosma itedada omukwati̧danöda omudawö ujuninobe.

Efesios 2:3

Jau chömöledö, ajayinöma Diosnö öpöjödadö ja̧tji̧danö ökwödöbi okobe deinö sulabenö ja̧bö ju̧kwiadinobe, Diosnö öpöjödö, domajade okwanö sulabe wei̧da ja̧bö. Ökwödö sulabe dösödi̧da, sulabe domukwati̧da ja̧bö ju̧kwiadinobe. Jo̧kwaobetjö̧ ökwödöma Diostjö 'da̧bachibö ja̧döma Dios lȩebi̧tjö lȩebakwawö̧da ji̧nadösa, chömöledö, okobe deinö Diostjö 'da̧bachibö böjȩnö ju̧kwadödanö.

Josué 5:7

Ja̧danö, jobadö nijibe tjichibo jö̧tja̧linemi, tji̧tji̧muda tjichibobö ujuninobe Isabenö Jo̧ma, ja̧danö jobadö debö 'yi̧nadö tji̧tji̧munöda tjötade bajalesa̧diju 'wibebö loinobe Josuema. Kwebachö tjö̧jonö la'akatjöda 'wibebö lotjinokobetjö̧, ja̧ möleda 'wibekwö lotjobö ji̧nobe.