Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Deuteronomio 1:28 - Dios Iwene

28 Jobe di̧'yobö jwiobe, isabenö labobetjö̧. Jau, dömöledöma yedaibanö yötjawajabe, jobe ju̧kwadö inesö tjujuluma. Tjitebobetjö edö kwebachajadö, yötjawajabe: Jobe ju̧kwadöma ökwödötjö bajalekwönönö ödöbaedö, ökwödötjö bajalekwönönö juluwadö, ja̧danö tjitebo comunidadbiyama, otiwanö 'diinö tjöekwobe, tjöekwemima mölȩjȩbe ichibenanö. Ja̧danö ju'wibi, jobe inesö juluwadö ödöbaedö anaquitas jojodö ötjabawö̧nö dedijatö, jö̧ba̧lö tjedaja̧ yötjawinobe. Isabenö ja̧ niji tedachoböma jwiobe, labobe, –jö̧ba̧lö Dios jobe kwi̧'yaduwobö wei̧ma kwöpöjödinaduwobe.

အခန်းကိုကြည့်ပါ။ ကော်ပီ




Deuteronomio 1:28
20 ပူးပေါင်းရင်းမြစ်များ  

Ikenama yöba̧lakwawijadötö: —Duju̧kwemi comunidad dotido. Ja̧danö, comunidadnö o̧do möeju dotido mölejȩbe ichibanö. Jejenö dotiditjö̧ma okobe deinö böjȩnö ju̧kwadöma ökwödönö tjöwaisakobe, otiwanö tjotidinobe möejuma, jö̧ba̧lö. Ja̧danö, jejenö otidö ökwödöma bakwainö omukwatadö babibajadö benada otiwanö bakobe duju̧kwakobe. Jejenö dö̧jo böjȩ bakwemeachibanö wainökwena duju̧kwökakobetjö̧, ökwödötjö ju'wedö jelobe, ökwödötjö ju'wedö jelobebi— yöba̧lakwawijadötö.


Ja̧danö Edom jojodötjö la'aka luwedöbi jwiinö yebabidö, kwujulu kwisȩbaja̧ yötjawi̧ a̧ja̧kwö. Ja̧danö, Moab jojodötjö la'aka luwedöbi jwiinö yetjabobetjö̧ tjö̧tja̧wobe. Ja̧danö, okobe deinö Canaán nijinö ju̧kwadöma jwiinö yetjabobetjö̧ me'dawadöda tjuju̧kwobe.


Jobekwö badekwachenama, yebabinö okobe deinö tjö̧mamijuma 'waakobe, ja̧danö okobe deinö tjomajadenö jwiinö yetjaibakobe.


—Jejenö kwöpöjödinaduwi̧tjö̧, ökwödönö yöta̧lijatö, –Yekabiduwobö jwiobe, ja'yubebi yekabiduwobö jwiobe chömöledö.


Ja̧ Moab niji Dios iyina jawa labebö loawama baikwö laebobe: Ajayinö ba̧jȩkwadö anaquitas jojodödanö ichejekwadö inesö ödöbaedö emitas ötjabawö̧ma ja̧ nijinö tjö̧jinobe. Anaquitas jojodönöbi, emitas jojodönöbi ju'wedöma bakwainö ötjabinobe, inesö ödöbaedö Refaitas jö̧ba̧lö, jo̧kwaijayonö Moabitas jojodöma jobadönö emitas jö̧ba̧lö ötjabinobe. Ja̧danö, tjiteboinemima Diosma moabitas jojodönö iyinobe, tjitebo baibanö.


Ju'wi towibiya, kwakwawa wa̧jökö towibiyama wene jwiinö juköbaduwena chömöledö, ja̧ towibiyatjö comunidad pjolö loawa kwotidaduwobö, ja̧danö ja̧jaye kwakwawa wa̧jökö towibiya jubö, ölakwabikwawa jawa kwotidaduwena, ja̧ comunidad jojodönö kwujuluwaduwenanö kabatö, —jö̧ba̧lö yöawinobe Moisesma, israel jojodönö.


—Ja̧danö jemi tupakwöbi jobadö ölakwabikwawa luwedö jojodönö yötja̧lobö ja̧kobe, baikwö: –Ökwödötjö bakwo̧ yebabo̧, ja̧danö yebabinö me'dawo̧ ö̧jobeji̧? Jo̧babi ȩwa̧jobö jo̧be, ju'wedö ölakwabikwawa jojodökwö ja̧nö, jobadöbi jo̧ba yeabi̧danö yebabinö tjime'dawobö ja̧apji jö̧ba̧lö, –ölakwabikwawa luwedö yötja̧lobö ja̧kobe.


Tupakwö yöawinobe Moisesma, israel jojodönö: —Chömöledö, kwiteboduwinö ju̧kwadönö edö, yekabiduwoko, –Ayö, bidöma ökwödötjö bajalekwönönö ba̧jȩkwadö, dakwö jobadönö juluwö, tjitebo 'dödebakwajö, –jö̧ba̧lö.


Jwiinö jobadönö söbebö loinobe, israel nijitjö bakwo̧bi ö̧jibökenanö. Jo̧kwaijayonö israel nijitjö detjijayonö, jobadötjö o̧bukwedöma ina filisteo jojodö tjitebonö tjö̧jinobe, Gaza comunidadtjöbi, Gat comunidadtjöbi, Asdod comunidadtjöbi.


Jo̧kwaijayonö, ju'wedö chömöledö ötjökwö niji edö kwebachadöma, sulabenö jojodö yetjaibanö yötjawinobe, israel jojodö yebabinö Diosnö katjatibi̧ baibanö. Jo̧kwaijayonö, ju'wedö katjatibinajayonö, katatibijökötö ötjöma, jwaikwöda Chuluwo̧ Isabenö Jo̧ Diosnö ösödö, wei̧ cha̧ja̧kwijatö.


Ja̧danö, Calebma Hebrontjö anaquita jojodönö a'dewö loinobe, wapösokwa jojodö Anak itji̧mu tupadanö jojodönö, Sesaysaso jojodönöbi, Ajimansaso jojodönöbi, Talmaysaso jojodönöbi.


Ja̧danö, jejenö da̧ja̧kwobetjö̧, jwiinö yedaibijatö, dujulu ja'yubebi jwienanö baibanö. Jo̧kwajabetjö̧ yebabinö ja̧nö, babema ökwödökwö dölakwabikwawoböma jwibadösa, kwuluwo̧duwi Isabenö Jo̧ Diosma isabenö juluwo̧ jö̧ba̧lö döwaisobetjö̧. Jau, Kwuluwo̧duwi Isabenö Jo̧ Diosma, mölejȩtjöbi, bö̧jetjöbi okobe jwiinö juluwo̧, jo̧kwajabetjö̧ jwiinö yedabobe ökwödönö.


Ja̧danö Josuenö yötjawinobe, —Isabenö Jo̧ Diosma isabenö canaan niji demobö iyajabe, jobe ju̧kwadöma isabenö tjö̧bawö yetjabobe ökwödönö, —jö̧ba̧lö Josuenö yötjawinobe.


Ja̧danö, jobadönö yöja̧linobe, —Chöwaisa, Isabenö Jo̧ma ditebo nijima juluwanö ökwödö israel jojodönö iyakobe, jö̧ba̧lö. Isabenö okobe deinö chitebo jojodöma yebabinö tjö̧bawö tjö̧jobe kwöbaduwi a'otjö, jwiinö yedabobetjö̧.


Hebron comunidad ajayinö Quiriat Arba mikwina comunidadbe 'ya̧nö, tjölakwabikwawinobe, ja̧danö jobetjö la'aka luwedö Sesay mikwo̧nöbi, Ajiman mikwo̧nöbi, Talmay mikwo̧nöbi tjujuluwinobe.


Moises ajayinö weinadanö, Juda jojodöma Hebron comunidad tjömöledöso̧ Calebnö tjiyinobe iteda itebo baibanö, ja̧danö jejenö tjiyiökwe, jobe ajayinö ji̧nadö Anac itji̧mu tupadanö jojodö wapösokwa jojodönö a'dewö loinobe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ