Daniel 9:22 - Dios Iwene

²² Jo̧bama ötjökwö yöba̧lakwawö chöwaisachibobö pjaatinobe, ja̧danö baikwö yöawinobe ötjönö: —Daniel, öwawatö chichajabe, otiwanö öwawinö kwöwaisachibobö.

Daniel 9:22 ပူးပေါင်းရင်းမြစ်များ

Daniel 10:11

Ikenama ötjönö yöawinobe: —Daniel, Dios jwiinö ösödökweja, ja̧danö ökwönö yötawobö weajabe, jo̧kwajabetjö̧ a̧laibö yötawi̧ kwa̧ja̧kwo— jö̧ba̧lö. Jejenö yöa̧li̧tjö̧, cha̧laibijatö, jo̧kwaijayonö ina tjö̧tawijatö.

Daniel 10:12

Jejenö tjöbawö chö̧jiökwe, yöawinobe baikwö: —Daniel, yekabi, Diosma isabenö akebi̧ a̧ja̧kwobetjö̧. Jau Daniel, ökwöma Dios öba a'otjö, mikwawö̧kö̧sa̧ jö̧ba̧lö, kwedina jawa kwöwaisachibobö akebinobe Diosnö, ja̧danö ja̧ möletjö baikwö bajalenö, akebi̧ a̧ja̧kwo̧ Diosma, ja̧danö jejenö akebiökwe ökwönö yötawobö weajabe Diosma.

Daniel 10:14

Jau Daniel, ökwö kwömöledö Israel jojodönö 'dö̧ibaji̧ möle baledakwa̧ kwöwaisachibobö yöbawö chichajabe, kwedina jawama 'dö̧ibaji̧ möle baledakwa̧ kwedinobetjö̧— jö̧ba̧lö yöawinobe.

Daniel 7:16

Jejenö chi̧'wi̧dinö cho̧'wo̧ tjobekwö ja̧nö, jelo̧ chi̧'wi̧dinö chedökwenö abebö cha̧ja̧kwatö, biya̧ dedi̧ma, ¿tajida? Labebö lobö yökawakwa̧ji̧ jö̧ba̧lö abebö cha̧ja̧kwatö chi̧'wi̧dinö. Abebö cha̧ja̧kwökwe, labebö lobö yöawatö, baikwö:

Daniel 8:16

Ja̧danö ojwe Ulai mikwödö bakwachödötjö jojo iwene ökwöobe cha̧ja̧kwijatö: —Gabriel, bite Daniel öwaisachibobö edaja̧ labebö lobö yöbawinö— jö̧ba̧lö cha̧ja̧kwijatö.

Apocalipsis 4:1

Ikenama, mölejȩbekwö chedemi apjude po̧ekwobe chedijatö. Jobekwö chedemi ötjönö ajayinö yöa̧li̧danö, trompeta pjutji̧danö labinö ökwöinö yöba̧lajo̧ma, ötjönö jwöi̧ cha̧ja̧kwijatö: —Baikwö mö ichi, ju'winö baledakwa̧ chi̧sebokwö—jö̧ba̧lö, jwöi̧ cha̧ja̧kwijatö.