Daniel 7:3 - Dios Iwene

³ Ja̧danö, jwaibalawatjö ö'wejemubedö tebonö ju̧kwadö ödöbaedö latjebinobe, wainökwena ichejekwadö ödöbaedöma.

Daniel 7:3 ပူးပေါင်းရင်းမြစ်များ

Daniel 7:17

—Kwedajawö̧ tebonö ju̧kwadö ö'wejemubedöma, böjȩ la'aka luwedö ö'wejemubedö la'aka luwedö tjö̧ja̧kwa̧ badekwachobe. Jobadöma yöbawö wetjakobe böjȩtjö,

Apocalipsis 13:1

Ikenama, ojwe okwatjö sulabo̧ laebobe chedijatö. Jo̧bama uubiya jö̧kwe, jelemutjö doyulatajanö. Ja̧danö, ö'yekiyabi jö̧kwe, domulataja jawa ökiya. Ja̧danö, jo̧bama, bakwakakwena butjawa ökiya butjawo̧, la'aka luwo̧ ubutjawi̧danö butjawa ökiyama. Ja̧danö, uubiya bakwayukwena imibiya sulabenö wȩyukwo̧, Diosnöda ötjabi imibiya, Ötjöda Diossa, jö̧ba̧lö, imi wȩyukwo̧.

Apocalipsis 17:8

Jo̧ba isuju jö̧wökwe, 'yaba̧lajo̧ma ida̧ökö ö'wö baibajabe. Jo̧kwaijayonö ju'winö yemidanö 'yabibajö, laju möajutjö laebakwo̧. Yelösöda, lajutjö laebenama böjȩnö ju̧kwadö, ba̧kwȩlö̧jatebö ja̧kwawa'ye tjimibiya iwȩyudinököwö̧ma, ¡Ayö ¿dakwö baibajö? Wobinama yemidanö tjeachajabe, jö̧ba̧lö, tjedakwedö, tjöbajale jalakanö baibanö. Ja̧danö, yemidanö tjebachajo̧ma, lajutjö labeibö jelobe i̧'yakwo̧. Jobetjö bakwo̧ma jo̧ba sulabo̧nö kwabö loakobe, yemidanö 'yaibajökönö— jejenö yöawijatö ángelma ötjönöma.