Daniel 5:13 - Dios Iwene

¹³ Jejenö yöjawiökwe, Belsasarma Danielnö tjichejebobö weinobe, ja̧danö tjichejebajökwenö yöa̧linobe baikwö: —¿Ökwöma chabe'do Nabucodonosor Judá nijitjö öbibö ȩwa̧jinökwe Daniel mikwo̧ kwö̧jiji̧?

Daniel 5:13 ပူးပေါင်းရင်းမြစ်များ

Daniel 1:1

Judá nijitjö Joacim mikwo̧ma inesö la'aka luwo̧ ö̧binobe, ja̧danö Joacim jobe Jerusalénnö webö ö̧jonö, idaö̧kö wa̧pötakwa o̧biya weaja̧ ikena, öpöjojodöma tujuluwobö tjichinobe. Baikwö baledinobe, ju'wedö tjitebo la'aka luwo̧, Babilonia niji la'aka luwo̧ Nabucodonosor mikwo̧ma ichinobe iteda ömöayedö guardia jojodökwö, Judá niji jojodönö ujuluwobö. Ichibö, Judá nijitjö la'aka comunidad Jerusalén comunidad tjötjösawinobe, Jerusalén ju̧kwadönö tjujuluwobö.

Daniel 1:2

Ja̧danö, Isabenö Jo̧ Diosma weinobe, la'aka luwo̧ Joacimnöbi, ömöayedönöbi Nabucodonosor ujuluwobö. Ja̧danö Nabucodonosorma Joacimnö do̧atinobe, ja̧danö ju'wibi Dios Ejunö ji̧ jawatjöbi do̧atinobe, ja̧danö do̧batajo̧ öbibö ȩwa̧jinobe itebobe Babiloniabe. Ja̧danö, itebobe ichibö, iteda ösödökwe o̧'wo̧ jawa ejunö ödinobe Dios ejutjö do̧atina jawama. Jejenö iteda ösödökwe ejunö Dios eju jawa lödö i̧sebinobe Nabucodonosorma, chedemi ökwödö Babilonia jojodö dösödökwe o̧'wo̧ jawa duluwo̧ma bidö Judá jojodö tjösödökwe Diostjö bajalekwönönö juluwo̧ jö̧ba̧lö.

Daniel 1:21

Ja̧danö, Danielma lekwe möle jobe Babilonianö ja̧nö la'aka luwo̧ waisanö omukwatobö pjabatö ö̧jinobe. Lekwe o̧biya jobe ö̧jinobe, la'aka luwo̧ Ciro mikwo̧ luwo̧ yöbawö weina o̧ba, ajayi o̧ba baibenanö kabatö.

Daniel 1:6

Jejenö weökwe, Aspenazma tjichejebajawö̧tjö ju'wedönö omudawö ujuninobe, ja̧danö Judá nijitjö omudawö ujunajawö̧tjö ju'wedöma bidö, Daniel mikwo̧bi, Ananias mikwo̧bi, Misael mikwo̧bi, Azarías mikwo̧bi.

Daniel 2:25

Jejenö yöa̧liökwe, Ariocma juluwanö Danielnö öbibö i̧'yinobe la'aka luwo̧ Nabucodonosor ö̧jobekwö, ja̧danö jo̧banö yöawinobe baikwö: —Chuluwo̧, Judá nijitjö öbibö dichejebinawö̧tjö bakwo̧nö chöbadekwajabe, kwi̧'widikwina jawa labebö lobö yöawakwo̧nö— jö̧ba̧lö.

Daniel 2:48

Ikenama la'aka luwo̧ Nabucodonosorma nöinö otiwa jawa iyinobe Danielnö, ja̧danö jo̧banö kabebö ujuninobe, okobe jwiinö Babilonia niji la'aka luwo̧ baibanö, ja̧danö okobe deinö iteda ömöayedö waisanö omukwatadö ötjabiwö̧tjö la'aka luwo̧ baibanö.

Daniel 5:11

Isabenö kwömöayedötjö bakwo̧ ö̧jobe, juluwadö diosbedö tjo̧'wo̧ luwo̧ tjö̧jökwema. Kwabe'do Nabucodonosor ina yöbawö ö̧jayi, jo̧banö tjöbadekwajinobe, nöinö waiso̧nö, waisanö omukwato̧nö, bakwainö diosbedö tjomukwati̧danö omukwato̧nö tjöbadekwaijinobe. Ja̧danö ökwötjö ajayinö ji̧na la'aka luwo̧bina Nabucodonosorma jo̧banö ujuninobe, okobe deinö mea bobadötjöbi, si̧li̧'idönö waisachadötjöbi, tupakwö baledakwa̧ yöbawadötjöbi inesö la'aka luwo̧ baibanö.

Daniel 5:14

Ökwönö cha̧ja̧kwajabe, isabenö diosbedö tjo̧'wo̧ luwo̧ tjö̧jökweja jö̧ba̧lö, ja̧danö isabenö waiso̧ja, ja̧danö okobe jwiinö waisanö okwanö omukwato̧ja jö̧ba̧lö cha̧ja̧kwajabe.

Daniel 5:18

Chuluwo̧, Okobe Jwiinö Juluwo̧ Diosma kwabe'do Nabucodonosornö iyinobe inesö la'aka luwo̧ baibobö, ja̧danö ba̧jekwadö jo̧banö otiwanö tjomukwatobö, ja̧danö jo̧banö otiwanö yötja̧lobö iyinobe Diosma.

Daniel 5:2

Belsasar abe'domine Nabucodonosor ajayinö Judá jojodönö ujuluwinenama, Jerusalénseju Dios ejutjö orotjöbi platatjöbi otikwa'do̧ dȩja̧'di̧ju emö ȩwa̧jinobe Babiloniabe. Ja̧danö, Babiloniaseju o̧'wo jawa ösödakwawejunö ödinobe, chuluwo̧ chösödökwema bidö tjuluwo̧ Diostjö bajalekwönönö juluwo̧ jö̧ba̧lö. Ja̧danö, Belsasar ubasobu owenama, iteda ömöayedönö weinobe abe'do Nabucodonosor Jerusaléntjö ichejebina dȩja̧'di̧ju o̧'wo jawa ösödakwawejutjö tjichejebobö. Jejenö weinobe ja̧'dijutjö, jo̧babi, ömöayedötjö la'aka luwedöbi, i̧lȩkwa̧mubi ja̧tjö tjowobö, ökwödö Babilonia jojodö dösödawö̧ma, Judá jojodö tjösödökwe Diostjö bajalekwönönö juluwadö jö̧ba̧lö.

Daniel 6:13

Jejenö atadawö̧ la'aka luwo̧ Daríonö yötja̧linobe: —La'aka duluwo̧, damötjö iteda itebo Judátjö öbibö tjichejebinökwe Danielma ökwönö a̧ja̧kwö̧kö̧. Jelo̧nö aebobö jwiobe jö̧ba̧lö wȩyudö weköbinajayonö, yayonö mölekwena wa̧pötakwanö iteda ösödökwe Diosnö abebo̧— jö̧ba̧lö yötja̧linobe.

Daniel 8:1

Jejenö chi̧'wi̧dinö chedaja̧ ikena, Babilonia niji la'aka luwo̧ Belsasar ina la'aka luwo̧ ö̧bayi, ida̧ökö wa̧pötakwa o̧biya luwo̧ ö̧benama, yemidanö chi̧'wi̧didanö chedijatö.

Daniel 8:27

Jemi ikenama ötjö Danielma jwiinö chime'dawachibijatö, ja̧danö ju'wi mölekwena chö'wöchijatö. Jemi ikenama, a̧laibö la'aka luwo̧ wei̧ yemidanö otidö chö̧jijatö. Jo̧kwaijayonö, yemidanö otidö chö̧jijayonö, chedina jawa omukwatö cho̧'wo̧ tjo̧bekwö chö̧jijatö, ja̧ baledakwa̧ma, diya̧jö jö̧ba̧lö.

Juan 7:1

Jemi ikenama Jesús Galilea niji comunidadesda, ju'wi comunidadbi, ju'wi comunidadbi 'ya̧nö kweachinobe. Ja̧danö, Judea nijibe kwebachö i̧'yinokobe, jobe ju̧kwadö judío jojodötjö la'aka luwedöma jo̧banö kwabö lotjobö tjomukwatobetjö̧.

Juan 7:3

Ja̧ pjiesta ida̧ökö lekwokobetjö̧, Jesús ö̧ja̧wo̧döma Jesúsnö wetjinobe: —Döpöe, bena ji̧bökönuwi. Pjiesta baledö kwi̧'yo, Judeabema. Jobetjö ja̧nö kwujulu kwi̧sebo, kwöba̧ja̧di̧ waisachadö tjedobö ökwö kwi̧sebi̧ma— wetjinobe—.