Daniel 11:15 - Dios Iwene

¹⁵ Jemi ikenama Siria la'aka luwo̧ma ichö, comunidad otiwanö 'diinö tjöbebö tjotidina comunidad tjösawö ichakobe ömöayedökwö, ja̧danö tjöekwemi 'dii jawa 'dobö loawaö̧kiya otidakobe, tjöekwemi 'dobö comunidad ujuluwobö. Ja̧danö ujuluwakobe Siria la'aka luwo̧ma, Egipto kwakwaakwawa jojodöma tjujulu jwitjakwedö, 'diinö ja̧nö kwakwatjakwawobö, jobadötjö juluwadöbi tjujulu jwitjakwedö.

Daniel 11:15 ပူးပေါင်းရင်းမြစ်များ

Daniel 11:14

Ja̧danö ja̧ möle jenanö, Egipto nijitjö ba̧jekwadö la'aka tjuluwo̧ wei̧ öpöjödö ölakwabikwawö tjö̧jakobe, ujulutjö latjebotö jö̧ba̧lö. Ja̧danö Daniel, ökwö kwömöledö Israel jojodötjöbi, ju'wedö kwakwaakwawa ösödadöbi Egipto la'aka luwo̧ ujulutjö latjebotö jö̧ba̧lö ölakwabikwawö kwakwatjakwawakobe. Bakwo̧ i̧'wi̧dinö edakobe, Egipto la'aka luwo̧ ujulutjö latjebakwa̧ma, ja̧danö ja̧ badekwachinö ja̧tjotö jö̧ba̧lö, kwakwatjakwawakobe, jo̧kwaijayonö waekwakobe, ujulutjö tö̧jibökakobe.

Daniel 11:6

Jemi ikenama, ja'yubenö lekwe o̧biya baledaja̧ ikena, Egipto niji la'aka luwo̧ma Siria niji la'aka luwo̧kwö bakobe omukwatö yöbawö tjujunakobe, bakobe omukwatö bakwo̧nökwena pjabatakwawö dö̧jakwedösa jö̧ba̧lö. Ja̧danö, jejenö pjabatakwawö tjö̧ja̧kwa̧ yöbawö tjujunenama, Egipto la'aka luwo̧ itjijuma Siria la'aka luwo̧nö jemakobe, bitenö chemitjö̧ma chabe'dobi chilekwebi bakobe otiwanö pjabatakwawö tjö̧jakwedö jö̧ba̧lö. Jo̧kwaijayonö, waekwakobe, ja̧'yubenö lekwajabetjö jobujunöbi, jilekwe Siria la'aka luwo̧nöbi, jitji̧nöbi, jö̧möayedönöbi ju'wedö kwabö lotjobö wetjachakobe, ja̧danö bakobe pjabatakwawö tjö̧jo̧ jö̧tja̧linama waekwakobe.

Daniel 8:7

Jo̧ba chiwoso̧ labinö ichobekwö chedijatö, ja̧danö obejaso̧ dökalataja juna̧lo̧nö mebibö töinobe, ja̧danö obejaso̧ uusaka dökalataja pabebö loinobe. Ja̧danö jejenö uusaka pabebö loajökwe, obejaso̧ chiwoso̧nö ölakwabikwawobö ujulu jwiinobe, ja̧danö chiwoso̧ma jo̧banö nijakwö ikwö loinobe, ja̧danö ja̧tö loinobe. Bakwo̧bi obejaso̧nö ö̧jibinö pjaatobö juluwo̧bi deinobe, isabenö juluwo̧ ö̧jinobe chiwoso̧ma.

Josué 1:5

Isabenö kwujuluwachibanö pjatatakwo̧sa, baikwö yötawa: Ina 'yaba̧lo̧ kwö̧jayi, kwöpöjojodötjö bakwo̧bi ökwönö ujuluwobö jwiakobe, okobe deinö kwöba a'otjö dötjibajakwedö. Jau Josue, Moiseskwö ja̧nö pjatatinadanö, ökwökwöbi ja̧nö pjatatakwo̧sa, isabenö ba̧kwelöjatebö ökwökwö chö̧ja̧kwo̧sa, la'akatjöda ökwönö katatibökakwo̧sa.