Colosenses 3:17 - Dios Iwene

¹⁷ Jau chömöledö, okobe jwiinö yöka̧laduwi̧ma, Duluwo̧ Jesús jawa i̧sebö yöka̧laduwo, ja̧danö okobe jwiinö ja̧köbaduwi̧ma, Duluwo̧ Jesús jawa i̧sebö ja̧köbaduwo. Ja̧danö, Jesús pjaatinobetjö̧, ba̧kwȩlö̧jatebö Dabe'do Diosnö kwösödaduwo, Otiwanö pjabato̧ja, jö̧ba̧lö.

Colosenses 3:17 ပူးပေါင်းရင်းမြစ်များ

1 Reyes 18:32

Ja̧danö, ja̧ inawiyanö Isabenö Jo̧ Diosnö ösödö iyawemi otidinobe. Jemi ikenama, otidajo̧, iyawemi söpödö i̧sa̧la soinobe. Ja̧ soaja̧ma, ja'yubenö nöinö soinobe, soajemi ödebiyatjö quince litro jenanö a̧jibo jö̧a̧lenanö baibanö, soinobe.

Proverbios 3:6

Okobe jwiinö kwi̧'yenabi Isabenö Jo̧nö kwo̧'wo̧ wa̧na̧lö kwö̧jo, jo̧ba ökwönö öiboböda kwösödo. Jobekwö Isabenö Jo̧nöda kwo̧'wo̧ wa̧na̧lö kwö̧jitjö̧ma jweinö kwi̧'yobö, jwei̧ mananöda öibakwo̧.

Mateo 28:19

jo̧kwajabetjö̧ baikwö wetaduwakwö: Böjȩ bakwameachibanö tjitebokwena jojodönö yöbawö, ösödadönö chöba̧ja̧di̧ waisachadö batjibanö yöbawaduwi. Ja̧danö, Chabe'do Diosbi, ötjö Dios Itji̧bi, Dios O̧'wo̧ Luwo̧bi ökwödönö wedobetjö̧, diminö jobadönö ojwenö bu̧dataduwi.

Hechos 19:17

Ikenama ja̧ baledaja̧ yötjawi̧ma a̧ja̧kwö okobe deinö Éfesonö ju̧kwadöma, judío jojodöbi, judío jojodöböködöbi jwiinö yebabijadötö. Ja̧danö, Duluwo̧ Jesúsnö, Okobe jwiinö juluwo̧, jö̧ba̧lö, ösödö otiwanö yöba̧lijadötö.

Hechos 4:30

Ö'wöchadö otiwanö batjibinö dotidonö kwujulu i̧sebö pjabati. Ja̧danö, ökwödönö pjabati, Jesús ujulunö jojodö edajitjökö jawa di̧sebonö. Ja̧danö, pjabati jojodönö di̧sebobö, Ökwödöma Jesús ujulunö i̧sebadösa, jö̧ba̧lö. Ökwö suli̧ jwibo̧ weköbinökwe, ökwö weköbina ja̧bo̧ Jesús ujulunö di̧sebonö pjabati ökwödönöma— abebijadötö Diosnö.

Romanos 1:8

Chömöledö, ökwödönö nöinö yötawakwa̧ abönö, yötawaduwakwö chömöledö: Böjȩnö ju̧kwadö okobe deinö yötja̧lobe ökwödönöma, Roma jojodöbi Jesucristonö ösödadö, jö̧ba̧lö. Jejenö yötja̧li̧ a̧ja̧kwö, ötjöma jwiinö cho̧'wo̧ ösöwanö cha̧ja̧kwobe. Ja̧danö ösödö, Diosnö yöta̧lobe, Jesucristo midawö woinobetjö̧, ökwödönö Romanö ju̧kwadönö jwiinö otiwanö pjaatinobe, jö̧ba̧lö, yöta̧lobe Diosnöma chömöledö.

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

Efesios 1:17

Chömöledö, Duluwo̧ Jesucristo Uluwo̧ Diosnö, iteda Abe'donö, Jwiinö Otiwo̧ Dabe'do Diosnö atebobe pjaatobö ökwödönö. Atebobe kwo̧'wo̧ luwo̧duwi jawa kwöwaisachibaduwobö. Ja̧danö, Dios omukwati̧ma kwöwaisaduwemitjö o̧penönö kwöwaisachibaduwobö atebobe chömöledö.

Efesios 5:20

Jejenö lo̧bö Diosnö kwösödaduwo ba̧kwȩlö̧jatebö, jwiinö sulabenö baledenabi, otiwanö jenabi. Jesucristoma ökwödö kwuluwo̧duwiobetjö̧, Diosnö kwösödaduwo, Dabe'do ökwönö dösöda, otiwanö pjabato̧ja, jö̧ba̧lö.

Filipenses 2:11

bȩbachibö öwaetjöda yötjawakwedö, Jesucristoma inesö la'aka luwo̧ jö̧ba̧lö, ja̧danö jejenö yötjawi̧ma, öwaetjöda i̧sebakobe, Abe'do Diosma isabenö otiwanö ja̧bo̧ jö̧ba̧lö.

Colosenses 1:12

ja̧danö kwo̧'wo̧ ösöwanö ja̧nö Dabe'do Diosnö kwösödaduwakobetjö̧, otiwanö pjabato̧ja jö̧ba̧lö. Jau chömöledö, Dios ömöledöma, mölejȩbe ja̧nö Dios iyi̧tjö tjemakwedö, ¿jö̧tö? Ja̧danö, Dabe'do Diosma ökwödönö ja̧inobe, ja̧ jawa demo jö̧ba̧ladö badibanö.

Colosenses 2:7

Wanedö yötawa chömöledö: Jo̧batjö pokwö kwö̧jaduwobe ichejekwa, jo̧kwajabetjö̧ kwö̧jaduwi̧ bö'diama 'diinö jo̧banö do̧ba̧lö kwöda̧peachaduwo, jo̧banö jwaikwöda ösödö kwö̧jaduwakobetjö̧. Jau chömöledö, jejenö ökwödönö tjöba̧ja̧dinadanö kwö̧jaduwo, ja̧danö jwaikwöda Diosnö ösödö kwö̧jaduwo, otiwanö pjabato̧ja jö̧ba̧lö.

Colosenses 3:15

Ja̧danö, kwömöledöduwikwö wene jwiinö kwo̧'wo̧ luwo̧duwi ösöwachibanö kwö̧jaduwo chömöledö. Ja̧ kwo̧'wo̧ luwo̧duwi ösöwachibanö kwö̧jaduwi̧ma, Cristotjö ichi̧ chömöledö. Ja̧danö, kwömöledöduwi Cristonö ösödadökwö kwo̧'wo̧ luwo̧duwi ösöwachibanö kwö̧jaduwo jö̧ba̧lö, Diosma ökwödönö jwöinobe, Cristo iteba'o bakwa'o bakibaduwanö. Ja̧danö, Diosnö kwösödaduwo chömöledö, otiwanö pjabato̧ja jö̧ba̧lö.

Colosenses 3:23

Okobe jwiinö kwotidaduwi̧ma, otiwanö jwaikwöda kwotidaduwo, Biya̧ chotidi̧ma jojodö wetji̧maökö, Duluwo̧ wei̧da ja̧bö jo̧sa, jö̧ba̧lö.

1 Tesalonicenses 1:1

Ötjö Pablo mikwo̧sa, ja̧danö Timoteokwö Silvanokwö böja kwialusöja chiwȩyuda ökwödö Tesalónica comunidadnö ju̧kwadötjö Dabe'do Diosbi, Duluwo̧ Jesucristobi tjömöledönö. Dios ökwödönö lȩlö̧jinö edobö dösöda, kwo̧'wo̧ luwo̧duwi ösöwachibanö kwö̧jaduwobö.

1 Tesalonicenses 5:18

okobe jwiinö baledi̧ma, Diosnö kwösödaduwo, otiwanö pjabato̧ja jö̧ba̧lö. Jejenö ökwödö Cristo Jesúsnö dötewadö kwö̧jaduwobö ösödo̧ Diosma.

2 Tesalonicenses 2:17

ökwödönö kwo̧'wo̧ luwo̧duwi ösöwachibanö pjatjatobö dösöda, ja̧danö kwujuluwachibaduwanö pjatjatobö dösöda, yöka̧laduwi̧bi, kwotidaduwi̧bi ba̧kwȩlö̧jatebö otiwanö ja̧köbaduwakobetjö̧.

Hebreos 13:15

Ja̧danö chömöledö, ju'wi Diosnö iyö dumusidi̧ midawama jwiobe. Jesús iteda iyawinada jo̧be. Jejenö ji̧jayonö babe mölema ökwödöma Diosnö diyi̧danö juna̧ladösa, Jesús imidawinobetjö̧. Ja̧danö ¿tajida babe Diosnö diyi̧ma? Biya̧ chömöledö: Babe böjȩnö ja̧nö, Diosnö diyi̧ma jo̧banö ba̧kwȩlö̧jatebö abebö, ösödö, Dios ökwöma jwiinö otiwo̧ja, jwiinö pjabato̧ja, jö̧ba̧lö, dö̧ji̧.

1 Pedro 2:9

Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.

1 Pedro 4:11

Baikwö yötawa: Yöbawadöma, Dios yöawi̧ yötjawobö jo̧be, ja̧danö pjabatadöma, Dios ujulunö pjabatö tjö̧jobö jo̧be. Jejenö Dios iyinadanö ja̧bö kwö̧jaduwenama, Diosda ökwödönötjö pjaatobe jojodönö chömöledö. Ja̧danö Dios pjaati̧ edö okobe deinö Diosnö tjösödakobe, Jesucristo midawö woinobetjö̧ otiwanö pjabato̧ja jö̧ba̧lö. Jau chömöledö, Dabe'do Diosda ba̧kwȩlö̧jatebö dejatinö juluwo̧ma ja̧danö jo̧bada inesö la'aka luwo̧ma, babebi ba̧kwȩlö̧jateböbi, jejenö otiwa.

1 Juan 2:23

Chömöledö jejenö omukwato̧ma, Jesús Dios Itji̧bö̧kö̧, jö̧ba̧lö, Dioskwö dötewinö 'yö̧kö̧. Jo̧kwaijayonö Jesúsnö ösödo̧ma, Jesúsma Dios Itji̧, dö̧jibinö imidawobö weinökwe, jö̧ba̧lö, Dioskwö dötewinö 'yo̧.

1 Juan 3:18

Chö̧ja̧wo̧dö chösödawö̧, sule yöba̧lödama yöda̧laduwoko, Dios ile niebi̧danö dö̧ja̧wo̧dönö ile nibebö dö̧jaduwo, jö̧ba̧löma. Yöba̧lödama yöda̧laduwoko, i̧seböbi di̧sebaduwo, dö̧ja̧wo̧dönö pjabatö do̧'wo̧ luwo̧nö isabenö lȩlö̧jino edö.