Colosenses 1:26 - Dios Iwene

²⁶ Jau chömöledö, Dios la'akatjöda tojö ujunina wene yötawobe. Ajayima Diosma ja̧ wene tojö ujuninobe chömöledö, jo̧kwaijayonö babema iteda ömöledönö i̧sebinobe.

Colosenses 1:26 ပူးပေါင်းရင်းမြစ်များ

Mateo 13:11

Jejenö atjebökwe, Jesúsma atadinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwaijayonö ju'wedö jojodönö jejenö iyinokobetjö̧, wanedö yöbawöda yötawobe jobadönö.

Mateo 20:7

Aebawö̧: Ökwödönö webo̧ deobetjö̧, dotidokobe, jö̧ba̧lö tjatadinobe. Yötja̧lökwe: Ökwödöbi chöbatjobe otidö 'ya̧duwi, jö̧ba̧lö weinobe.

Marcos 4:11

Jejenö abebö tja̧ja̧kwökwe jobadönö jö̧ba̧lijetö: —A̧ja̧kwaduwitjö. Diosma ökwödönöda wanedö yöawakwawa labebö loi̧ma kwöwaisachibaduwobö weobe, Dios La'aka Luwo̧ ö̧jobe tjuju̧kwena jawama. Ökwödönöda kwöwaisachibaduwobö weobe Diosma wanedö yöawakwawa labebö loi̧ma. Ju'wedöma, ötjönö öpöjödadöma, wanedö yöawakwawada yötawawö̧, labebö lobökönö.

Lucas 8:10

Atjebökwe, Jesúsma jobadönö yöawinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwajabetjö̧ ökwödönö jweinö yöbawö labebö lobö yötawocha. Jo̧kwaijayonö ju'wedönö sule wanedö yöbawöda yötawobe, labebö lobökönö. Jejenö jobadönö yötawobe, Dios iwene damötjö tjiwȩyudinadanö badekwachakobetjö̧, Baikwö laebobe Dios iwene damötjö tjiwȩyudinama: Jobadöma tjedijayonö, waisachibanö tjedoböma jwitjakwedö, ja̧danö tja̧ja̧kwijayonö, waisachibanö tja̧ja̧kwoböma jwitjakwedö, jö̧ba̧lö laebobe Dios iwene damötjö tjiwȩyudinama. Ja̧ laebachi̧ma bidönö wanekwachobe, jo̧kwajabetjö̧ ökwödönö labebö lobö yötawijayonö, ju'wedönö sule wanedö yöbawöda yötawobe— jö̧ba̧lö yöawinobe Jesúsma iteda öba̧ja̧di̧ waisachadönöma.

1 Corintios 2:7

Jau chömöledö, yödawi̧ wene waisakwawa ji̧ma, Dios jawa waisakwawa ji̧da böjȩ jawamaökö, ja̧danö la'akatjöda jojodö wajwitjina wene. Jau chömöledö, jojodö la'akatjöda wajwitjinajayonö, böjȩ otidakwa̧ abönö Diosma ida̧ökö omukwatö ujuninobe, ökwödönö otiwanö pjaatobö.

Colosenses 2:2

Jejenö chotidobe kwomajadeduwinö kwujuluwachibaduwakobetjö̧, ja̧danö bakobe kwömöledö Jesúsnö ösödadökwö dötewanö ja̧nö kwösödabikwawaduwakobetjö̧. Jau chömöledö, Dios ajayinö tojö ujuninökwenö kwöwaisaduwobö chösöda, Cristonöda kwöwaisaduwobö chösöda chömöledö, isabenö otiwanö kwöwaisaduwakobetjö̧, Dios i̧tji̧mubedösa jö̧ba̧lö.

Colosenses 4:3

Ja̧danö, ökwödönö pjabatö Diosnö akebaduwo chömöledö, jojodönö jo̧ba iwene yödawobö pjaatakobetjö̧, jojodö wajwitjina wene, Cristo jawa wene yödawobö pjaatakobetjö̧. Ja̧danö, öwaetjöda ja̧ wene labebö lobö yötawobö akebaduwonö, yötawo jö̧ta̧li̧danö yötawobö akebaduwonö chömöledö. Jau chömöledö, ja̧ Cristo jawa wene yöbawö chö̧jobetjö̧, ka̧lena ba̧kwaweju okwa chö̧bobe babema.

2 Timoteo 1:10

Ja̧danö babema ja̧ omukwatö ujunina wene ökwödönö i̧sebinobe, dö̧jibinö pjabato̧ Cristo Jesús ichinenama. Jau Timoteo, Cristo Jesúsma woawa ujulu söbebö loinobe, ja̧danö otiwa jawa wenetjö isabenö ja̧kwawa, ba̧kwȩlö̧jatebö ja̧kwawa ökwödönö i̧sebinobe.