2 Timoteo 4:4 - Dios Iwene

⁴ Ja̧danö isabenö wene yöawakwawa a̧ja̧kwö kabatibö, böjȩ jojodö tja'dödöminetjö tja̧ja̧kwina jawada ösödö tjö̧jakobe.

2 Timoteo 4:4 ပူးပေါင်းရင်းမြစ်များ

Proverbios 1:32

Isabenö yötawaduwakwö: Ötjö yötawi̧ öpöjödö jelobekwö omukwatadöma wajwitjobe jweinö omukwatö tjö̧ji̧ma. Ja̧danö, yötawi̧ tjöpöjödobe, da̧ja̧kwobö jwiobe, da̧ja̧kwokobe, jö̧ba̧lö. Jo̧kwaobetjö̧ yelösöda söbebö lotjakwawö̧.

Isaías 30:10

Jobadöma tupakwö baledakwa̧ jawa tji̧'wi̧didanö edadönö sulabenö tjöbebö webadö, –Kwi̧'wi̧didanö edökönui, –jö̧ba̧lö, ja̧danö ötjö yötawi̧ yöbawadönö tjöbebö webadö, –Dios yöawi̧ jwei̧ wenema, ökwödönö yöbawökönui, –jö̧ba̧lö. Jobadönö webadö, –Otiwanö dö̧jakwa̧ jawada yöbawi, omöna jawada yökawo, -Chi̧'wi̧didanö chedajabe, -jö̧balö.

Mateo 13:15

tjomukwati̧ma omukwatöködö batjibinobetjö̧, ja̧danö tjölakiyu tumachajawö̧ batjibinobetjö̧, ja̧danö tjöbajale yi̧batadö batjibinobetjö̧. Jejenö baibinökötjö̧ma, otiwanö tjedo jö̧tja̧lena, ja̧danö otiwanö tja̧ja̧kwo jö̧tja̧lena, ja̧danö otiwanö tjomukwato jö̧tja̧lena, ja̧danö sulabenö tjomukwati̧ kabatibö, ötjönö tjösödena, jejenö tjösödi̧tjö jobadö tjö'wöchi̧ otidö lotakobetjö̧, jö̧ba̧lö laebobe Isaías iwȩyudinama.

Hechos 7:57

Jejenö jö̧a̧liawö̧ jobadö la'aka luwedöma, labinö jwöbeba̧lö, Da̧ja̧kwökö, jö̧ba̧lö, tjölakiyubiya tumatakwawijadötö. Ikenama Esteban ö̧jobekwö bakobe ö'öbakwawijadötö.

2 Tesalonicenses 2:11

Ja̧danö, isabenö wene tjöpöjödobetjö̧, Diosma weakobe, wajwibö tjomukwatobö, ja̧danö omöna wene tjösödobö.

1 Timoteo 1:4

Ja̧danö, jobadönö weköbo Timoteo, nöinö tja'dödö yötjawina jawa yötjawoko jö̧ba̧lö. Ja̧danö, jobadönö weköbo jojodö tja'dödönö nöinö tjomukwatokobö, Aaa, ötjötjö ajayinö ji̧nadöma bidö, bidö, jö̧ba̧lö. Ja̧ jawama, sule jojodö jwöjwötjakwawoböda ji̧, mikwawö̧kö̧. Jau Timoteo, Diosnö ösödöda tjöda̧peachobe tjo̧'wo̧ luwo̧nö, ja̧ jawa omukwatömaökö. Jo̧kwajabetjö̧ webidönö ja̧ jawa katjatibobö.

1 Timoteo 4:7

Ja̧danö, böjȩ jojodö tja'dödötjö tja̧ja̧kwina jawa, mikwawökö jawa yötjawi̧tjö 'da̧bachibö kwö̧jo, ja̧ jawa a̧ja̧kwö omukwatökönö. Jwaikwöda Dios ösödi̧ jawada isakwö kwö̧jo, ja̧da ja̧bö kwö̧jo.

1 Timoteo 6:20

Jau Timoteo, baikwö wetakwö: Dios ökwönö ja̧köbobö iyinama, te'ada̧lönö ja̧bö kwö̧jo. Ja̧danö, jojodö omöna yötja̧li̧ma kwa̧ja̧kwoko, mikwa jwii̧ jawa yötja̧li̧, Diosnö öpöjödö yötja̧li̧ma. Jobadöma, Aaa, biya̧ yöda̧li̧ma waisakwawa ji̧, jö̧ba̧lö yötja̧lijayonö, waisakwawa jwii̧ Timoteo.

2 Timoteo 1:15

Timoteo, kwöwaisa, ba̧jekwadö Asia nijitjö Jesúsnö ösödadöma ötjönö katjatibinobe, ja̧danö jobadötjö Figelobi, Hermógenesbi ötjönö katjatibinobe.

Tito 1:14

Ja̧danö, judío jojodö tja'dödö yötjawina jawa mikwa jwii̧ jawama tja̧ja̧kwoko, ja̧danö isabenö wene öpöjödadö wetji̧ tja̧ja̧kwoko.

Hebreos 13:25

Chömöledö, Diosnö ateba ökwödönö lȩlö̧jino edö pjaatobö. Tjo̧wi̧ta, biya̧da wȩyudö weta.

2 Pedro 1:16

Chömöledö, ökwödönö Duluwo̧ Jesucristo iteda ujulu i̧sebö ichakwa̧ wene yödawijatö, ¿jö̧tö? Jau chömöledö, Jesús yemidanö ichakwa̧ yödawijatö, ja̧danö jejenö yödawenama, jojodö omöna yötjawi̧dama yödawinokobe chömöledö. Jau chömöledö, isabenö duluwo̧ Jesucristo ujulu waisadösa, ja̧danö Jesucristo inesö ujulu döbajalenö edinadöda yödawijatö chömöledö.