2 Timoteo 4:20 - Dios Iwene

²⁰ Erasto mikwo̧ma Corintio comunidadnö ö̧jibinobe, ja̧danö Trofimo mikwo̧ ö'wöchobetjö̧, Mileto comunidadnö chujunibinobe Trofimonö.

2 Timoteo 4:20 ပူးပေါင်းရင်းမြစ်များ

Hechos 18:1

Ikenama Pabloma Atenastjö labebö Corinto comunidadbe 'yi̧jetö.

Hechos 18:8

Jobe Corintonö jo̧ma, judío jojoma, judío jojodö yötjaweju la'aka luwo̧ma, Crispo mikwo̧ma, Pablo yöawi̧ a̧ja̧kwö Duluwo̧nö ösödijetö, Jesúsma chö̧jibinö pjabato̧, jö̧ba̧lö. Ja̧danö, jo̧ba ejunö ju̧kwadöbi okobe deinö ösödijadötö Jesúsnöma. Ju'wedöbi ba̧jekwadö Corintonö ju̧kwadöma, Pablo yöawi̧ a̧ja̧kwö ösödijadötö Jesúsnöma. Ikenama ösödajadönö ojwenö bu̧datijetö Pabloma.

Hechos 19:22

Jejenö jö̧ba̧lö i̧'yakwa̧ abönö webijetö ömöledönö, du̧ju̧tajanö, Macedoniabe tji̧'yobö, Timoteonöbi, Eratonöbi. Tji̧'yonö Pabloma ji̧bijetö Asia nijinö, ja'yube lekwe.

Hechos 20:15

Ju'wi dewachö Mitilene comunidadtjö labebö ȩwa̧jö ö'wejesa'o Quío mikwa'o badeibö döbaledijatö. Ju'wi dewachö jele'onö, Samos mikwa'onö dölamatijatö. Ju'wi dewachö jelö ja̧nöma Miletobe di̧'yijatö.

Hechos 20:17

Miletonö ichibö Pabloma bakwo̧nö webijetö Éfesobe 'ya̧nö yöawobö Jesúsnö ösödadönö te'ada̧lakwawa jojodönö tjichobö Pablo ö̧jobekwö.

Hechos 20:4

Ötjö, Lucas, Pablokwö chi̧'yijatö. Ju'wedöbi tjichijatö, bidö, Sópatro mikwo̧, Bereanö jo̧. Jo̧bama Pirro itji̧. Ju'wedö, Aristarcobi Segundobi mikwadö. Jobadöma Tesalónicanö ju̧kwadö. Jelo̧ Gayo mikwo̧. Jo̧bama Derbenö jo̧. Jelo̧, Timoteo. Ju'wedö Tíquicobi Trófimobi mikwadö. Jobadöma Asia nijinö ju̧kwadö.

Hechos 21:29

Ja̧danö, jobadöma ajayinö Pablonö jelo̧kwö kwetjachobe edijadötö. Jelo̧ma judíoso̧bö̧kö̧, Éfeso jojo, Tropimus mikwo̧. Jejenö tjedinobetjö̧ wajwibö omukwatijadötö, Pabloma Trófimonö teatajakö̧, jö̧ba̧lö, jeju okwa. Jejenö tomukwatijayonö Pabloma la'akatjöda tebatijökötö Trófimonö Dios eju okwa.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.