2 Timoteo 3:7 - Dios Iwene

⁷ Jau Timoteo, jobadöma tjösödi̧ jawa tjisakwobetjö̧, ba̧kwȩlö̧jatebö ju'wi omöna yöawakwawabi, ju'wi omöna yöawakwawabi tja̧ja̧kwobe. Jo̧kwajabetjö̧ nöinö omöna yöawakwawa tja̧ja̧kwobetjö̧, isabenö waisakwawa tjöwaisobö jwibadö, ja̧danö juluwanö 'daliwanö tjö̧libobe.

2 Timoteo 3:7 ပူးပေါင်းရင်းမြစ်များ

Proverbios 14:6

Ja̧danö, ju'wibi yötawa: Bakwo̧, jweinö omukwatö ja̧kwawa yötjawi̧ öpöjödö obo̧ma la'akatjöda jweinö omukwatö ö̧joböma öwaisachibökakwo̧. Öwaisachiboböma waiya. Jobekwö waiyökökwe di̧ya sulojobö jö̧ba̧lö, di̧ya otiwojobö jö̧ba̧lö waiso̧ma. Jo̧ba waiso̧ma ju'wi jawabi ju'wi jawa öwaisachiboböma waiyökökwe.

Mateo 13:11

Jejenö atjebökwe, Jesúsma atadinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwaijayonö ju'wedö jojodönö jejenö iyinokobetjö̧, wanedö yöbawöda yötawobe jobadönö.

Juan 5:44

Ja̧danö, ökwödöma ¿dakwö kwöwaisachibaduwobö ötjönöma? Ju'wi jawa kwisakwaduwobe. Jojodö ökwödönö tjösödi̧da, pjatjati̧da kwisakwaduwobe. Dios jawa, bakwo̧da Dios jwiinö otiwi̧ jawama kwisakwaduwokobe— yöawinobe Jesúsma judío jojodö la'aka luwedönöma.

Efesios 4:14

Jejenö da̧peachadö badibenama, ökwödöma tjemu wajwibadödanö dö̧jökena, Dios iwenema. Ja̧danö, waisanö ja̧nö, ju'wedö wainö omukwatö yötjawi̧ma da̧ja̧kwökena. Wanedö yötawa chömöledö: Isowi, tjolanö nubökönö nönawowi, jwa̧lȩ'epjo ichobe balawa loobö jwa̧lȩ'epjo e'ewibobekwö 'yo̧wi. Ökwödöma jejenö dö̧jaduwoko. Jowi isowi balawa loobö jwa̧lȩ'epjo e'ewibidanöma e'ewibököwö̧sa, do̧'wo̧ luwo̧nö da̧peachö dö̧jenama. Ja̧danö ju'wedökwöma, ökwödönö tjo̧'wo̧ sulinö edö, sulabenö doma'a o̧pekwönö ja̧badöma tje'ewibököwö̧sa, isowi tjolanö nubökönö nönawowidanöma.

Deuteronomio 29:4

Jo̧kwaijayonö, ujulu öwawinö kwedinaduwajayonö, babe möle baibanö Isabenö Jo̧ma ina pjaatinokobe, i̧sȩbina okwa jawa kwöwaisachibaduwobö,chömöledö.

1 Timoteo 2:4

Jau Timoteo, Diosma jejenö ja̧bö dö̧jobö ösödo̧ okobe deinö böjȩnö ju̧kwadö tjö̧jibobö ösödobetjö̧, ja̧danö okobe deinö isabenö wene tjöwaisachibobö ösödobetjö̧.

2 Timoteo 2:25

Ja̧danö, Dios jawa öpöjödadö jobadönö öpöjödakwawö tjö̧jena, jobadökwö jwöjwöbakwawökönö dösölö̧jinö jwetjebobö jo̧be, Dios pjaatitjö̧ma bidöma sulabenö tjomukwati̧ kabatibö tjöbalewachena, ja̧danö isabenö wene tjösödena jö̧ba̧lö.

Hebreos 5:11

Ja̧danö, jo̧ba Melquisedecnö nöinö yötawo jö̧ta̧lijayonö jwiinö waiya ökwödönöma. Do̧kataduwökena kwo̧'wo̧ luwo̧duwi okwanö kwöda̧peachaduwokobetjö̧.