2 Timoteo 3:16 - Dios Iwene

¹⁶ Isabenö mikwawobe Dios iwenema Timoteo, Diosda yöawinobetjö̧. Jau Timoteo, okobe jwiinö Dios iwenema, Diosda yöawawö̧ tjiwȩyudinobe, ja̧danö Dios yöawi̧daobetjö̧, isabenö mikwawobe, ba̧ja̧döbi tjöba̧ja̧dobö, ja̧danö sulabenö ba̧ja̧dakwawa jwebeböbi jwetjebobö, ja̧danö, sulabenö ja̧tji̧ jwebeböbi jwetjebobö, ja̧danö otiwanö ja̧bö ja̧kwawa ba̧ja̧döbi tjöba̧ja̧dobö.

2 Timoteo 3:16 ပူးပေါင်းရင်းမြစ်များ

2 Samuel 23:2

Isabenö Jo̧ O̧'wo Luwo̧ma ötjönötjö yöawobe, bi̧ya yötawi̧ma iteda iwene yötawobe.

Proverbios 15:10

Ja̧danö, ju'wibi yötawa: Isabenö, bakwo̧, ajayinö Dios wei̧ a̧ja̧kwö ö̧jinatjö kabatibö jelobekwö omukwatö i̧'yajo̧nöma Dios jwiinö lȩebakwo̧. Ja̧danö, ju'wibi yötawa: Jwebebö yötjawi̧ öpöjödo̧ma isabenö debö i̧'yakwo̧.

Proverbios 15:31

Ja̧danö, ju'wibi yötawa: Ba̧kwo̧ jweinö omukwatadö jwebebö yötjawi̧ a̧ja̧kwo̧ma jweinö omukwatö ö̧jakwo̧.

Proverbios 6:23

Ja̧danö, ju'wibi yötawakwö chitji̧, wanedö: Ökwödö jwebebö yödawi̧ jawama dejuwa'yu dewinö dejati̧danö dejati̧ jweinö kwi̧’yobö. Ja̧danö, ökwödö jwebebö yödawi̧ jawama dewa’wo dejati̧danö dejati̧, dewa’wonö dejati̧danö kwö̧jobö. Ja̧danö chitji̧, ötjö kwabe'dobi, kwojo’dobi ökwönö jwebebö yödawi̧ma öwönö jweinö omukwatö kwö̧jobö yödawobe.

Mateo 13:52

Tupakwö yöawinobe Jesúsma: —Chömöledö, Moisés iwȩyudina jawa ba̧ja̧dadötjö mölejȩbe jo̧ yöbawö weena jawabi waisachibajadöma, isabenö otiwanö tjöba̧ja̧dakwedö, damötjö tjiwȩyudina jawa nöinö mikwawi̧ jawakwö, 'yayi̧ jawa tja̧ja̧kwaja̧ jawakwö otiwanö tjöba̧ja̧dobetjö̧— jö̧ba̧lö.

Mateo 21:42

Yötja̧lökwe, Jesúsma yöawinobe: —Ökwödöma ¿Dios iwene laebi̧ yöka̧linaduwökiji̧, baikwö laebi̧ma: O̧do otidadö biwa inawama mikwawököwa, jö̧ba̧lö tjöpöjödinawama, ju'wi inawatjö bajalekwönönö mikwawawa, abönö lödawawa baibinobe. Duluwo̧da jejenö baibobö ja̧binama, ja̧danö döbajale jalaka baibanö edadösa, isabenö otiwanö ja̧inobetjö̧, jö̧ba̧lö laebi̧ma, ¿yöka̧linaduwökiji̧?

Mateo 22:43

Tjatadökwe: —Dios weakwo̧ jö̧a̧linökwema David itji̧ tupadanö jojo ö̧jitjö̧ma, ¿tajawedö jo̧banö öabinada Davidma, chuluwo̧ jö̧ba̧lö? Jau, Dios O̧'wo̧ Luwo̧ David o̧'wo̧ luwo̧nö öba̧ja̧da̧lonö Davidma baikwö iwȩyudinobe:

Mateo 26:54

Jo̧kwaijayonö jejenö atebitjö̧ma, Dios iwene laebi̧danö baledökena chömöledö. Jau chömöledö, Dios iwenenö laebobe, isabenö babe baledi̧danö baledobö jo̧be— jö̧ba̧lö.

Mateo 26:56

Baikwö yötawaduwakwö: Okobe jwiinö babe baledi̧ma baledajabe, Dios yöawi̧ yöbawinadö tjiwȩyudinadanö baledakobetjö̧— jö̧ba̧lö yöawinobe Jesúsma. Ikenama, okobe deinö Jesús öba̧ja̧di̧ waisachadöma jo̧banö le'dedibö dötjibajinobe.

Marcos 12:24

Jejenö abebö tja̧ja̧kwiökwe Jesúsma jö̧ba̧lijetö: —Ökwödöma Dios iwene jweinöma a̧ja̧kwöködöja. Dios ujuluma wajwibadöja, jojodö tjetjachakwa̧ma.

Marcos 12:36

Davidda Dios iwene wȩyudijetö, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö. Dios iteda weakwo̧nö yöawina wȩyudijetö Davidma. Baikwö wȩyudijetö iteda, Davidda Uluwo̧ jawa: Isabenö Jo̧ Dios baikwö jö̧ba̧lijetö ötjö Chuluwo̧nö. Ötjö chöwaisobekwöchobe bamati. Kwöpöjojodönö kwömasapa teebe kwöja̧tobö chödenanö baibanö bamati. Ökwönö pjatatocha kwöpöjöjödönö kwujuluwobö, jö̧ba̧lö wȩyudijetö.

Juan 10:35

Ja̧danö, Diosma jweinöda yöbawo̧. Jweinöda yöawinobe, Ökwödöma ötjö jojodö tjuluwedö chö̧ji̧danö ja̧döja, ökwödöbi jojodö tjuluwedö ja̧dököbaduwobetjö̧, jö̧ba̧lö. Jo̧kwaobetjö̧ jejenö Dios iwenetjö laebitjö̧ma, Ökwödöma Diosdanö ja̧döja, jö̧ba̧lö,

Juan 3:20

Ja̧danö, okobe deinö sulabenö ja̧badöma, dewinö dejati̧danö idejatobekwö 'ya̧wiböködö, sulabenö ja̧tji̧ öwaitjöda öwawapji jö̧ba̧lö.

Hechos 1:16

—Chömöledö, damötjö da'dömine Davidma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö yöbawö wȩyudijetö Judasnöma, Jesúsnö do̧batö tje'ewotö jö̧ba̧ladönö öbibö i̧'yakwo̧nöma. Damötjö jejenö laebijetö Dios iwenetjö, Davidmine iwȩyudinama. Ja̧ wene isabenö badekwachinobe, Judas sulabenö iyö loawa wene— yöbawijetö Pedroma—.

Hechos 18:25

Apolosma ajayima, Duluwo̧ jawa waisachiabijetö. Ja̧danö, o̧'wo̧ ösöwanö, jweinö yöbawiabijetö Jesús jawama. Jo̧kwaijayonö Juan Ojwenö Bu̧dato̧ yöbawiainada waisijetö, Jesús iminö ojwenö bu̧datakwawa öba̧ja̧di̧maökö.

Hechos 20:20

Jejenö baledijayonö ötjöma yayonö yebabökönö yöbawiachijatö ökwödönö. Bakwöta jawabi jwiinö yöbawiachijatö kwöwaisachibaduwobö do̧'wo̧ luwo̧ jawama. Judío jojodö yötjaweju okwabi, ökwödö kwejuduwikwenabi tebachö yöbawiachijatö ökwödönöma.

Hechos 20:27

Diosma ji̧kwa wene kwöwaisachibaduwobö ösödo̧. Jo̧kwaobetjö̧ ötjöma okobe jwiinö ji̧kwa wene yötawijatö, kwöwaisachibaduwobö Dios ösödi̧ma. Jejenö yötawinobetjö̧ yötawi̧ öpöjödinadö Dios lȩebi̧tjö ji̧bakwawa jwitji̧ma ötjö jawamaökö chömöledö. Idöda jawa— yöbawijetö Pabloma Jesúsnö ösödadönö te'ada̧lakwawa jojodönö.

Hechos 28:25

Ikenama, tjo̧wi̧ dȩwa̧jo, jö̧ba̧lö, ina wainö omukwatijadötö. Tjȩwa̧jakwa̧ abönö Pabloma yöbawijetö, bajaleapo yöawi̧ma: —Damötjö Dios O̧'wo̧ Luwo̧ma ba̧ja̧dijetö jelo̧nö, Dios yöawi̧ yöbawo̧nö, Isaías mikwo̧nö ökwödötjö ajayinö ji̧nadönö yöawobö. Ja̧ yöawinama jweinö yöbawijetö. Baikwö laebobe Dios iwenetjö:

Romanos 15:4

Jau chömöledö, Dios iwene damötjö tjiwȩyudina jawama, ökwödö döwaisachibobö tjiwȩyudinobe. Ja̧danö, tjiwȩyudina döwaisachenama, dujuluwachibanö döwaisachibena, ja̧danö juluwanö me'dawachibökönö, Diosnö do̧'wo̧ wana̧lö dö̧jena, Isabenö Dios jö̧a̧li̧danö baledakobe, jö̧ba̧lö.

Romanos 2:20

Ja̧danö, wajwibadönö jwebebo̧sa, tjemunöbi waisato̧sa, jö̧ba̧lö, kwomukwataduwena ökwödö judío jojodöma. Dios weina kwujuna̧laduwobetjö̧, okobe jwiinö waiso̧sa, okobe jwiinö jweinöda yöbawo̧sa, jö̧ba̧lö, kwomukwataduwena, ökwödö judío jojodöma.

Romanos 3:2

Isabenö mikwawinobe chömöledö, baikwö yötawa: Judío jojodönöda iyinobe Diosma, iteda iwene tjite'ada̧lobö, te'ada̧lakwawa luwedö baibanö tjite'ada̧lobö. Ju'wedönö iyinokobe, judío jojodönöda iyinobe chömöledö.

Romanos 4:23

Ja̧ Dios iwene laebi̧ma, Dios jö̧a̧lina, Chedemi bitema suli̧ jwibo̧, jö̧ba̧lö, laebi̧ma, sule Abrahamda omukwatobö laebokobe. Ökwödö bajaliya jojodöbi domukwatobö laebobe chömöledö. Ja̧danö, ökwödöbi Dios yöawi̧, Duluwo̧ Jesúsnö woawatjö yemidanö tjeachajinö ja̧bina yöawi̧ dösöditjö̧ma, ökwödönöbi yöawakwo̧ Diosma, Chedemi bidöma suli̧ jwibadö, jö̧ba̧lö.

1 Corintios 12:7

Jau chömöledö, Dios O̧'wo̧ Luwo̧ma bakwo̧nökwena do̧'wo̧ luwo̧nö jo̧, ¿jö̧tö? Ja̧danö, do̧'wo̧ luwo̧nö ja̧nö, ökwödönötjö iteda ujulu wainökwena i̧sekwobe chömöledö, okobe deinö bakobe pjadatakwawo jö̧ba̧lö.

Gálatas 3:8

Jau chömöledö, Dios iwenema damötjö tjiwȩyudinatjö laebobe judío jojodöböködöbi Dios yöawi̧ tjösödiökwe, Dios jobadönö: Bidöma sulabe jwibadö jö̧ba̧lö yöawakwa̧ma. Baikwö laebobe Dios iwene Abrahamnö otiwa jawa wene yöawinama: Ökwönötjö okobe deinö böjȩnö ju̧kwadönö pjatatocha, jö̧ba̧lö laebobe.

Deuteronomio 29:29

—Jau chömöledö, isabenö Dios wei̧ a̧ja̧kwö dö̧jobö jo̧be, ökwödöbi, ditji̧mu tupadanö jojodöbi. Duluwo̧ Isabenö Jo̧ Diosma, ju'wedö wajwitji̧ jawa waiso̧ chömöledö, ja̧danö ja̧ öwaisi̧ jawatjö, ju'wijayema tojö ujunajabe, –Ötjöda chöwaisobö jo̧be, –jö̧ba̧lö. Jo̧kwaijayonö, iteda wei̧ jawa, ökwödönö i̧sȩbina jawama, ökwödö jawa, ba̧kwelöjatebö a̧ja̧kwö dö̧jobö. Jo̧kwajabetjö̧ ökwödöbi di̧tji̧mu tupadanö jojodöbi bi'ye Dios wei̧ wȩyukwa'yenö laebi̧ jawa a̧ja̧kwö dö̧jobö jo̧be chömöledö, —jö̧ba̧lö yöawinobe Moisesma, israel jojodönö.

Deuteronomio 4:36

—Ja̧danö mölejȩbetjö ökwödönö yöawina jawa, baikwö labebö lobö yötawa: Bö̧jetjö iteda inesö ökwöla kwedaduwobö weinobe, ja̧danö iwene ökwölatjö ökwöi̧ kwa̧ja̧kwaduwobö weinobe, ja̧nötjö̧ ökwödönö ba̧ja̧dö jweebobö, jweinö omukwatadö kwö̧jaduwakobetjö̧.

2 Timoteo 2:25

Ja̧danö, Dios jawa öpöjödadö jobadönö öpöjödakwawö tjö̧jena, jobadökwö jwöjwöbakwawökönö dösölö̧jinö jwetjebobö jo̧be, Dios pjaatitjö̧ma bidöma sulabenö tjomukwati̧ kabatibö tjöbalewachena, ja̧danö isabenö wene tjösödena jö̧ba̧lö.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

Hebreos 11:1

Chömöledö, Diosnö tjo̧'wo̧ wana̧lö ja̧kwawa, jö̧ba̧löma ¿dakwö jö̧ba̧lö laebobeda? Baikwö labebö lobö yötawaduwakwö: Chömöledö, Diosnö do̧'wo̧ wana̧lö ja̧kwawa, jö̧ba̧löma, Dios yöbawö ujunina badekwachakwa̧ te'ada̧lö ja̧kwawa. Ja̧danö, yöbawö ujunina badekwachakwa̧ma ina dedököjayonö, Isabenö, Dios jö̧a̧li̧danö baledakobe, jö̧ba̧lö, te'ada̧ladösa. Jejenö jo̧be Diosnö do̧'wo̧ wana̧lö dö̧ji̧ma.

Hebreos 3:7

Jo̧kwaobetjö̧ chömöledö, jwaikwöda Diosnö do̧'wo̧ wana̧lö di̧'yobö jo̧betjö̧ Dios O̧'wo̧ Luwo̧ yöawina, da'dödöminenö sulabenö tjö̧jina yöawinama tjöbeba̧lö̧jönö domukwatobö jo̧be. Isabenö chömöledö, Dios O̧'wo̧ Luwo̧ yöawina domukwatobö jo̧be, döwaisachibobö, Ökwödöma da'dödömine tjö̧ji̧danö dö̧joböma yelösöda jwiobe, jö̧ba̧lö. Baikwö laebobe Dios iwenetjö, Dios O̧'wo̧ Luwo̧ yöawina: Babema ötjö yötawi̧ kwa̧ja̧kwaduwena

Hebreos 4:12

Isabenö chömöledö, Dios wei̧ a̧ja̧kwö jwaikwöda di̧'yaduwo Dioskwö ö'wachö döbamatakobetjö̧ do̧'wo̧ luwo̧ okwanö. Dios iwene, Jesúsnötjö yöawinama yelösöda juluwobetjö̧ Dios wei̧ da̧ja̧kwobö jo̧be. Ja̧danö chömöledö, Dios iwene, 'yaba̧lo̧ iweneobetjö̧ 'yaa̧lakwawa wene, Dios ökwödökwö ja̧nö yöawi̧ma. Ja̧danö Dios iwenema, do̧'wo̧ luwo̧ okwanö teachobe, ökwödönö öbibö. Chömöledö wanedö yötawaduwakwö: Dios iwenema isa̧pi̧ bakwachekwadanö sȩi̧, jwiinö sȩapi̧danö ji̧. Ja̧danö, Dios iwenema isa̧pi̧ jwiinö sȩapi̧tjö o̧penönö sȩapi̧. Ja̧danö, isa̧pi̧ jwiinö sȩapi̧ tju̧yu̧ju̧ko̧emibi tjiwe'onöbi ichibinö 'wiibi̧danö Dios iwenema teachobe do̧'wo̧ luwo̧ okwanö. Jejenö Dios iwene do̧'wo̧ luwo̧ okwanö teachena ökwödö domukwati̧ma wajuwanö i̧sekwobe. Ja̧danö, Dios iwenema do̧'wo̧ luwo̧ okwanö tebachö Dios yöawi̧danö ökwödönö jweeba̧lobe, Kwomukwati̧ma biya̧ sula, jö̧ba̧lö.