2 Timoteo 2:14 - Dios Iwene

¹⁴ Biya̧ yötawaja̧ jawa okobe deinö tjomukwatibobö yökawodönö, ja̧danö Dios öba a'otjö webidönö, ölakwabikwawö jwöjwötjakwawi̧ma katjatibobö, jejenö ölabikwawö jwöjwötjakwawi̧ma mikwawokobetjö̧. Jau Timoteo, ju'wedöma jojodö tjiwȩyudina jawa jwöjwötjakwawobe, laebi̧ma baikwö jö̧ba̧lö laebena, wainö jö̧ba̧lö laebena jö̧ba̧lö. Jejenö jwöjwötjakwawi̧ma pjaatökö ji̧ Timoteo, suli̧ waedakwawa ji̧ jwöjwötjakwawi̧ a̧ja̧kwadönöma, jo̧kwajabetjö̧ jwöjwötjakwawi̧ katjatibobö webidönö.

2 Timoteo 2:14 ပူးပေါင်းရင်းမြစ်များ

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

Hechos 13:10

jö̧ba̧lijetö: —Awetja itji̧ja. Ökwöma jojodö tjoma'apekwönö ja̧bo̧ja. Jojodönö jelobekwö yöba̧lö sulabenö ja̧bo̧ja. Okobe jwiinö Dios jawa, otiwa jawa öpöjödo̧ja. Ökwöma ba̧kwȩlö̧jatebö pjeanö yöawi̧kwö Duluwo̧ jweinö yöawi̧kwö pjabacha̧lö yöbawo̧ja.

Hechos 15:24

Belö da̧ja̧kwijatö dömöledötjö ju'wedöma kwiteboduwi 'ya̧nö, ökwödö judío jojodöböködönö jelobenö yötjawiawö̧ kwo̧'wo̧duwinö tjo̧kekwaduwinobe. Dömöledö, ökwödönö yöda̧la. Jobadöma wainö yötjawinobe. Ökwödöma jobadö wainö yöbawadönö wedijökötö jobekwö tji̧'yoböma. Idödada omukwatö tji̧'yinobe.

Romanos 14:1

Chömöledö, ju'wedö Jesúsnö ösödadöma, Jesúsnö tjösödijayonö, ina me'dawadö tjo̧'wo̧ luwo̧nöma ichejekwa chömöledö. Jejenö tjo̧'wo̧ luwo̧nö me'dawadönö kwöpöjödaduwoko chömöledö, ina kwösödaduwo jobadönö kwömöledöduwinö. Ja̧danö, jobadökwö jwöjwököbakwawaduwa chömöledö, tjomukwati̧ jawama.

Gálatas 1:7

Isabenö ju'wi wene otiwa jawa wenema jwiobe chömöledö, ökwödönö yödawina weneda. Jo̧kwaijayonö ju'wedöma ökwödönö suli̧ waedö, Cristo jawa wene otiwa jawa wene balewö lobö yötjawobe.

Efesios 4:17

Jo̧kwaobetjö̧ chömöledö, Duluwo̧ma ötjönö weinadanö yötawaduwakwö. Diosnö wajwibadö sulabenö omukwatö tjuju̧kwi̧danöma omukwatö kwuju̧kwaduwa. Jobadöma Diosnö wajwitjobetjö̧ mikwa jwii̧ jawada omukwatö ja̧bö ju̧kwadö.

1 Tesalonicenses 4:1

Chömöledö, belö ökwödönö yödawijatö, Dios ösödi̧danö ja̧kwawama, baikwö ja̧bö kwö̧jaduwo jö̧ba̧lö, ¿jö̧tö? Ja̧danö babema Duluwo̧ Jesús iminö budekwödanö wedaduwakwö, yödawinadanö ja̧bö kwö̧jaduwo jö̧ba̧lö. Isabenö jejenö ja̧bö ju̧kwadöja ida̧ökö chömöledö, jo̧kwaijayonö jemi tupakwöbi jejenö ja̧bö kwö̧jaduwo chömöledö.

2 Tesalonicenses 3:6

Chömöledö, ökwödö Jesúsnö ösödadötjö ju'wedö tjuju̧kwobe, döba̧ja̧dina a̧ja̧kwökönö 'dö̧wekwachibö ju̧kwadöma. Duluwo̧ Jesucristo iminö wedaduwakwö, okobe deinö jejenö ja̧bö ju̧kwadö Jesúsnö ösödadötjö 'da̧bachibö kwö̧jaduwo jö̧ba̧lö.

1 Timoteo 1:4

Ja̧danö, jobadönö weköbo Timoteo, nöinö tja'dödö yötjawina jawa yötjawoko jö̧ba̧lö. Ja̧danö, jobadönö weköbo jojodö tja'dödönö nöinö tjomukwatokobö, Aaa, ötjötjö ajayinö ji̧nadöma bidö, bidö, jö̧ba̧lö. Ja̧ jawama, sule jojodö jwöjwötjakwawoböda ji̧, mikwawö̧kö̧. Jau Timoteo, Diosnö ösödöda tjöda̧peachobe tjo̧'wo̧ luwo̧nö, ja̧ jawa omukwatömaökö. Jo̧kwajabetjö̧ webidönö ja̧ jawa katjatibobö.

1 Timoteo 1:6

Timoteo, ju'wedöma jweinö yöawakwawa katjatibinobetjö̧, mikwawö̧kö̧ jawada yöba̧lakwawö tjö̧jobe.

1 Timoteo 4:8

Wanedö yötawa: Ju'wedö juluwadö batjibobö isakwadöma, kabatökönö ö'öba̧libadö, ja̧danö ju'wibi ja̧badö, tupakwö juluwadö batjibobö. Ja̧ ja̧tji̧ma ja'yubeda pjaatijayonö, nöinö pjaatokobe, sule böjȩnö ja̧nö tjiteba'o jawada tjujuluwachibobö pjaatobetjö̧. Jo̧kwaijayonö, Dios ösödi̧danö ja̧dobö isawama, ja̧danö Dios ösödi̧danö ja̧bö ja̧kwawama inesö pjaati̧ do̧'wo̧ luwo̧nö dujuluwachibanö. Ja̧danö, böjȩnö ja̧nöbi, mölejȩnö Dioskwö ja̧nöbi pjaatobetjö̧, do̧'wo̧ luwo̧ ösöwachibanö dö̧jakobe.

1 Timoteo 5:21

Dios öba a'otjö, ja̧danö Cristo Jesús öba a'otjö, ja̧danö Dios weawö̧ ángelesdö tjöba a'otjö ja̧nö biya̧ inesö mikwawi̧ jawa wetakwö Timoteo, ökwönö yöbawö wetaja̧ma ja̧bö kwö̧jo jö̧ba̧lö. Ja̧danö, biya̧ wetaja̧ jawa ja̧bö kwö̧jena, ja̧danö biya̧ jawa Jesúsnö ösödadönö weköbena, bakwo̧nöbi ju'wedönötjö o̧penönö omukwatökönuwi, Aaa, biteda otiwo̧, jö̧ba̧lö, ja̧danö bakwo̧nöbi ju'wedönötjö o̧penönö ösödökönuwi, Aaa, biteda jwiinö chösödökwe, jö̧ba̧lö.

1 Timoteo 6:13

Timoteo, okobe deinö ja̧kwawa iyo̧ma Diosda, ja̧danö Cristo Jesúsda otiwanö Pilatonö isabenö wene yöbawinama. Ja̧danö, Dios öba a'otjö, ja̧danö Cristo Jesús öba a'otjö ja̧nö,

2 Timoteo 1:6

Ja̧danö, jejenö chöwaisobetjö̧, kwujuluwachibanö yötawakwö, Dios ja̧bö kwö̧jobö iyinama, ajayitjö bajalekwönönö jwaikwöda ja̧bö kwö̧jo jö̧ba̧lö. Jau Timoteo, damötjö chömamiju kwuunö 'bibeba̧lö ja̧tinenama, Diosma ja̧bö kwö̧jobö iyinobe, ja̧danö ajayitjö bajalekwönönö ja̧ ja̧bö kwö̧jobö yötawakwö.

2 Timoteo 2:16

Ja̧danö, jejenö yöbawö kwö̧jonö, jojodö mikwawökö ji̧ sulabenö yötja̧li̧ma a̧ja̧kwökönuwi Timoteo. Jau Timoteo, jejenö yötja̧li̧ma, wanedö yötawa, jojodönö le'dedö loobedanö ichejekwa, ja̧danö ju'wibi, tupakwö Dios öpöjödi̧ jawa jwaikwöda ja̧tjobö ji̧.

2 Timoteo 2:23

Ja̧danö kwöwaisa Timoteo, jojodö wajwibö omukwatökönö yötja̧lakwawi̧ma, Aaa, biya̧daena, ju'widaena, jö̧ba̧lö yötja̧lakwawi̧ma mikwawokobe, sule jojodö jwöjwötjakwawobö ja̧i̧ ji̧, ¿jö̧tö? Jo̧kwajabetjö̧ ja̧ jaye yöa̧lakwawama kwöpöjödo, jojodökwö jwöjwöbakwawö kwö̧japji jö̧ba̧lö.

2 Timoteo 4:1

Kwöwaisa Timoteo, Cristo Jesúsda wobinadönöbi, ina yaba̧ladönöbi yöawakwo̧, ja̧bö tjö̧jina otiwojobö sulojobö jö̧ba̧lö, ja̧danö yöbawajo̧ lȩebakwo̧, ¿jö̧tö? Jau Timoteo, 'dö̧ibaji̧ möle, böjȩtjö yöbawö weobö ichenama, jejenö yöawakwo̧ Cristo Jesúsma, ja̧danö ja̧ omukwatö Dios öba a'otjöbi, Cristo Jesús öba a'otjöbi baikwö wetakwö:

Tito 3:1

Tito, belö yödawina tjomukwatibobö yöbawi Cretanö ju̧kwadö Jesúsnö ösödadönö, la'aka tjuluwedö wetji̧bi, ju'wedö tjuluwedö wetji̧bi ja̧bö tjö̧jobö. Jau Tito, öpöjödabökönö tjo̧'wo̧ ösöwanö tjuluwedö wetji̧ ja̧bö tjö̧jobö jo̧be. Ja̧danö, okobe jwiinö otiwanö ja̧awa ja̧bö dö̧jo jö̧ba̧ladö batjibanö tjö̧jobö,

Hebreos 13:9

Isabenö, chömöledö ajayinö Jesúsnö, bakwo̧danö yöbawinadö yötjawina kwomukwataduwo. Babe mölema ju'wedö ba̧jekwadö jelobekwö omukwatö yötjawi̧ma jo̧be, ju'wi jawabi, ju'wi jawabi. Ja̧danö, jelobekwö omukwatö yötjawobe, Moisésnö weina a̧ja̧kwö dö̧jobö jo̧be, dukwobö wei̧ma, jö̧ba̧lö. Ja̧danö, Moisésnö weina kwukwaduwobö a̧ja̧kwö kwö̧jaduwitjö̧ma juluwachibanö kwi̧'yaduwena kwo̧'wo̧ luwo̧duwinö, jö̧ba̧lö, jelobekwö omukwatö yötjawobe. Chömöledö, kwakwawamaökö ökwödönö do̧'wo̧ luwo̧nö juluwachibanö kwi̧'yaduwoböma, Dios jawada. Diosma ökwödönö pjabatö lȩlö̧jino edobetjö̧ do̧'wo̧ luwo̧nö juluwachibanö di̧'yobe. Chömöledö ju'wedö jelobe omukwatö yötjawi̧ma öpöjödaduwi. Ajayinö yöbawinadö Jesúsnö isabenö ji̧ yötjawinada omukwatö kwuju̧kwaduwo.

2 Pedro 1:13

Jo̧kwaijayonö yayonö ina yaba̧lö chö̧jayi, ba̧kwȩlö̧jatebö ja̧ jawa yemidanö kwomukwataduwo jö̧ba̧lö yöbawo̧sa chömöledö.

1 Samuel 12:21

Jau chömöledö, jalachibö, mikwa jwii̧ jawa o̧'wo jawa kwösödaduwoko, jobadöma isabenö o̧'wo jawada, isabenö jo̧ma deobe, ökwödönö otiwanö tjiyoböbi, kwö̧jibaduwanö pjatjatoböbi.