2 Timoteo 1:6 - Dios Iwene

⁶ Ja̧danö, jejenö chöwaisobetjö̧, kwujuluwachibanö yötawakwö, Dios ja̧bö kwö̧jobö iyinama, ajayitjö bajalekwönönö jwaikwöda ja̧bö kwö̧jo jö̧ba̧lö. Jau Timoteo, damötjö chömamiju kwuunö 'bibeba̧lö ja̧tinenama, Diosma ja̧bö kwö̧jobö iyinobe, ja̧danö ajayitjö bajalekwönönö ja̧ ja̧bö kwö̧jobö yötawakwö.

2 Timoteo 1:6 ပူးပေါင်းရင်းမြစ်များ

Éxodo 35:26

Ja̧danö, 'ya̧dötjö ju'wedöma, chi̧wo̧dö tjöwö'yetjö dölawa waisadö, tjomajade tjösödinö meajawö̧ma dölawijadötö.

Éxodo 36:2

Jo̧kwaobetjö̧ Moisésma jwöbijetö Bezaleelnö, Oholiabnö, ja̧danö, ju'wedö o̧do otikwa waisadönö tjichobö, okobe deinö o̧do otikwa waisadö batjibanö Isabenö Jo̧ pjaatawö̧nöma, ja̧danö, tjomajadenö, Isabenö Jo̧ eju dotidobö dösöda, jö̧ba̧lö, omukwatadönöma.

Isaías 43:26

tajawedö ötjönö kwöpöjödaduwobeda? Kwedaduwemi ökwödönö sulabenö ja̧tinaji̧? Jobekwö kwomukwataduwitjö̧ma, bakobe yöda̧lakwawo, isabenö kwomukwataduwi̧danö, ökwödönö sulabenö ja̧tinojobö, jö̧ba̧lö. Isabenö sulabenö ja̧tinatjö̧ma, yöbawö kwi̧sȩbaduwotjö, —Aaa, jweinö omukwatadö Israel jojodöma, —jö̧ba̧lö chöwaisachibakobetjö̧. Jobekwö kwi̧sȩbaduwobö jo̧beji̧?

Lucas 19:13

Ja̧danö, i̧'yakwa̧ abönö, iteda ömöayedötjö domulatajabedönö jwöinobe, ja̧danö jobadönö bakwo̧nökwena iyinobe, nöinö mikwawapi̧ baladasapi̧ bakwapi̧kwena. Ja̧danö iyö weinobe: Biya̧ baladanö otidaduwi, chȩwa̧jenama ja̧tjö bajalekwönönö chujuna̧lakobetjö̧, jö̧ba̧lö. Ja̧danö webajo̧ laebinobe.

Hechos 19:6

Ikenama Pabloma, ojwenö ubu̧datajawö̧nö, ömamu 'bibeba̧lö Diosnö aebena Dios O̧'wo̧ Luwo̧ma tebachibö jamatijetö jobadö tjo̧'wo̧ luwo̧duwinö. Tebachibö öjamatajawö̧ma wainö ökwöinö yöba̧lijadötö. Ja̧danö, Dios iwenebi yöbawijadötö.

Hechos 6:6

Ja̧danö, jobadönö emö junajadö Jesús webawedö tjöba a'o tjöjamatobö öbibö 'yi̧jadötö, tjemajawö̧nöma. Ikenama Jesús webawedöma ötjibajawö̧ tjuu wamenö 'bibeba̧lö Diosnö abebijadötö. Jejenö jobadönö jwibadönö tju̧kwa iyawa webadö baibanö junijadötö.

1 Tesalonicenses 5:19

Chömöledö, Dios O̧'wo̧ Luwo̧ma kwo̧'wo̧ luwo̧duwinö ja̧nö ökwödönö öba̧ja̧dobe, ¿jö̧tö? Jo̧ba öba̧ja̧di̧ma kwöpöjödaduwa chömöledö.

1 Timoteo 4:14

Ja̧danö, Dios ökwönö ja̧bö kwö̧jo jö̧ba̧lö ökwönö iyinama, iyinadanö ja̧bö kwö̧jo. Damötjö Jesúsnö ösödadönö te'ada̧lakwawa luwedö kwuunö tjömamu 'bibeba̧lö ja̧tjenama, Dios yöawi̧ yöbawadöma ökwö ja̧bö kwö̧jakwa̧ wene yötjawinobe. Ja̧danö, jejenö yötjawenama, Diosma ökwönö iyinobe, jo̧banö ösödö ja̧bö kwö̧jakwa̧ma. Ja̧ ökwönö iyina, biya̧ ja̧bö ötjönö kwösödo jö̧ba̧lö iyinama, ja'yubebi junibökönö ja̧bö kwö̧jo Diosnö ösödö.

1 Timoteo 4:6

Jau Timoteo, biya̧ ökwönö yöbawö chiwȩyudaja̧ma dömöledönö Jesúsnö ösödadönö yökawitjö̧ma otiwena, kwuluwo̧ Cristo Jesús ömöayo̧ otiwo̧ kwö̧jena. Ja̧danö, kwo̧'wo̧ luwo̧nö kwöda̧peacho jö̧ba̧lö, kabatökönö waisachö kwö̧jo, isabenö wene, otiwa jawa Jesús jawa wene, a̧ja̧kwö kwösödina wenema.

2 Timoteo 2:14

Biya̧ yötawaja̧ jawa okobe deinö tjomukwatibobö yökawodönö, ja̧danö Dios öba a'otjö webidönö, ölakwabikwawö jwöjwötjakwawi̧ma katjatibobö, jejenö ölabikwawö jwöjwötjakwawi̧ma mikwawokobetjö̧. Jau Timoteo, ju'wedöma jojodö tjiwȩyudina jawa jwöjwötjakwawobe, laebi̧ma baikwö jö̧ba̧lö laebena, wainö jö̧ba̧lö laebena jö̧ba̧lö. Jejenö jwöjwötjakwawi̧ma pjaatökö ji̧ Timoteo, suli̧ waedakwawa ji̧ jwöjwötjakwawi̧ a̧ja̧kwadönöma, jo̧kwajabetjö̧ jwöjwötjakwawi̧ katjatibobö webidönö.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

Hebreos 6:2

Ja̧danö ju'wi la'aka ba̧ja̧dakwawama, ojwe okwa bu̧datakwawa tjöba̧ja̧dinama. Ja̧danö ju'wima, Diosnö ösödadönö tjömamu 'bieba̧lakwawa. Ja̧danö ju'wima, jojodö woawatjö yemidanö tjeachajakwawa. Ja̧danö ju'wima, Dios jojodönö lȩebakwa̧, ba̧kwȩlö̧jatebö lȩebakwa̧ma. Okobe jwiinö ja̧ ba̧ja̧dakwawama la'aka ba̧ja̧dakwawa. Yemidanöbi yemidanöbi ja̧ jawa döwaisachoböma jwiobe chömöledö.

2 Pedro 1:12

Yötawaja̧danö ja̧bö ja̧kwawama isabenö otiwobe, ökwödö Dios ömöledö ja̧bö dö̧jo jö̧ba̧lö chömöledö, jo̧kwajabetjö̧, ba̧kwȩlö̧jatebö ja̧ jawa kwomukwatibaduwobö yötawakobe. Ja̧ jawa ida̧ökö waisadöja, ja̧danö ida̧ökö ja̧ jawa omukwatö 'diinö ja̧döja chömöledö.

2 Pedro 3:1

Chösödawö̧ chömöledö, belö ökwödönö kwialusöja chiwȩyudijatö, ja̧danö babe yemidanö ökwödönö chiwȩyudobe. Ja̧danö ajayisöjabi, böja ikenasöjabi, damötjö baledina jawa kwomukwataduwobö yötawa, bakwainö otiwanö kwomukwataduwobö chömöledö.

Judas 1:5

Isabenö Duluwo̧ lȩebakwawö̧ jobadönö chömöledö, damötjö sulabedönö lȩebinadanö. Jau chömöledö, ida̧ökö kwöwaisaduwijayonö, yayonö yemidanö kwomukwatibaduwobö yötawaduwakwö damötjö baledina jawa, baikwö: Damötjö Duluwo̧ma okobe deinö Israel jojodönö tjö̧jibinö pjaatinobe, Egipto nijitjö latjebobö, ¿jö̧tö? Ja̧danö, ajayinö Egipto nijitjö latjebobö pjaatinajayonö, jemi ikenama jobadö pjaatinajawö̧tjö yöawi̧ öpöjödadönö söbebö loinobe, ¿jö̧tö?