2 Tesalonicenses 2:13 - Dios Iwene

¹³ Chömöledö kabatökönö Diosnö ösödö adebobö jo̧be, ökwödönö pjaatinobetjö̧. Jau chömöledö, ökwödöma Duluwo̧ ile niebawö̧ja, ja̧danö Diosma la'akatjöda ökwödönö omudawö ujuninobe, kwö̧jibaduwobö. Ja̧danö, Dios O̧'wo̧ Luwo̧ ujulunö ökwödönö 'da̧batö ujuninobe, iteda ömöledö bakibaduwanö, isabenö wene kwösödaduwobetjö̧.

2 Tesalonicenses 2:13 ပူးပေါင်းရင်းမြစ်များ

Génesis 1:1

Ajayinöma Dios wa̧pedijetö okobe jwiinö, mölejȩbi böjȩbi.

2 Samuel 12:25

ja̧danö Dios yöawi̧ yöbawo̧ Natannö weinobe, Davidnö yöawobö, —Isabenö Jo̧ ösödökwe kwitji̧nöma, —jö̧ba̧lö. Jo̧kwajabetjö̧ ju'wi imi Jededias jö̧ba̧lö imidinobe, Isabenö Jo̧ ösödökwe jö̧ba̧lö.

Proverbios 8:23

Ajayinöma Isabenö Jo̧ 'yata̧lobö ujuninokosa, böjȩ otidakwa̧ abönö.

Isaías 46:10

tupakwö baledakwa̧ jawa jweinö yöbawo̧ma. Ötjödasa ajayinö möle yöbawinama, löji möle baledakwa̧ jawama. Jau, damötjö ina badekwachakwa̧ abönö, ja̧ jawa yöbawö, —Omukwatö chujunina jawama, isabenö badekwachakobe, isabenö chösödi̧ jawa badekwachinö chotidakwo̧sa, —jö̧ba̧lö yötawijatö, ja̧danö yöbawajo̧, badekwachinö chotidijatö.

Daniel 10:11

Ikenama ötjönö yöawinobe: —Daniel, Dios jwiinö ösödökweja, ja̧danö ökwönö yötawobö weajabe, jo̧kwajabetjö̧ a̧laibö yötawi̧ kwa̧ja̧kwo— jö̧ba̧lö. Jejenö yöa̧li̧tjö̧, cha̧laibijatö, jo̧kwaijayonö ina tjö̧tawijatö.

Daniel 10:19

Ja̧danö ötjönö yöa̧linobe: —Jojoso̧, Dios jwiinö ile niebökweja, yebabökönui, kwo̧'wo̧ ösöwachibanö ja̧wi. Kwujuluwachibanö ja̧nö yebabökönö ja̧wi— jö̧ba̧lö yöa̧linobe. Jejenö yöa̧litjö, chujuluwachibijatö, ja̧danö jo̧banö chatadijatö: —Tjo̧wi̧ ötjönö chujuluwachibanö pjakatajabe, jo̧kwajabetjö̧ yöba̧li̧ chuluwo̧— jö̧ba̧lö.

Daniel 9:23

Ajayinö Diosnö lȩlö̧jinö edobö jamatö akebenama, Diosma iteda yöawi̧ ökwönö weatö, ja̧danö ökwönö yöbawö chichajabe. Jau Daniel, Dios jwiinö ösödökweja, ja̧danö ökwönö yötawobö weajabe. Jo̧kwajabetjö̧ Dios ökwönö yöawi̧ a̧ja̧kwi, ja̧danö Dios i̧sebina jawa kwöwaisachibobö labebö lobö yötawocha— jö̧ba̧lö yöawinobe Gabrielma.

Juan 1:1

Ajayima, Dios ina böjȩ otidajapjii, ida̧ökö Dios Iwene Jo̧, jö̧ba̧lö, ötjabökwema ji̧jetö. Ja̧danö, Dios Iwene Jo̧, jö̧ba̧lö, ötjabökwema Dioskwö ji̧na, ajayinöma. Ja̧danö, Dios Iwene Jo̧, jö̧ba̧lö, ötjabökwema Diosbina.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Hechos 13:48

Ikenama judío jojodöböködöma ja̧ yötjawi̧ a̧ja̧kwö ösödijadötö, Diosma webijetö ökwödönöbi iteda iwene, ji̧bakwawa wenema da̧ja̧kwobö, jö̧ba̧lö. Ja̧danö, Dios iwene jwiinö otiwa, jö̧ba̧lö, ösödijadötö. Jobadötjö ju'wedöma, Dioskwö ba̧kwȩlö̧jatebö tjö̧jakwedöma, Jesúsma dö̧jibinö pjabato̧, jö̧ba̧lö, Jesúsnö ösödö do̧batö emijadötö.

Hechos 15:9

Chömöledö, Diosma judío jojodönöbi ja̧danö, judío jojodöböködönöbi bakwainö edo̧. Ja̧danö, bakwainö edobetjö̧ Diosma judío jojodöböködö tjo̧'wo̧ luwo̧nö dewinö baibanö tjusuli̧ma söbebö lobijetö, Jesúsnö tjösödobetjö̧, ökwödö dusuli̧ söbebö loinadanö.

Romanos 6:17

Ja̧danö, ökwödöma ajayinöma suli̧ ömöayedödanö kwuju̧kwinaduwobe. Jo̧kwaijayonö, suli̧ ömöayedödanö kwuju̧kwaduwemi ja'ötjö, Dios iwene kwa̧ja̧kwinaduwobe. Ja̧danö, isabenö wene a̧ja̧kwibö, jwaikwöda Dios iwene kwösödinaduwobe chömöledö.

Romanos 8:33

Ja̧danö, ¿bakwo̧bi ö̧jobeji̧, ökwödö Dios omudawö ujuninawö̧nö wanedö yöawakwo̧ma? ¿Diosma ökwödönö wanedö yöawenaji̧, Bidöma sulabedö, jö̧ba̧lö? Yöbawö̧kö̧ chömöledö, Diosda ida̧ökö yöbawina, Bidöma sulabe jwibadö, jö̧ba̧lö.

Romanos 9:11

Ja̧danö, jobadönö jemakwa̧ abönö, otiwanöbi, sulabenöbi ina ja̧tjakwa̧ abönö, Diosma jobadönö yöawinobe Rebecanöma. Baikwö laebobe Dios iwene, Rebeca ji̧tji̧munöma: Abönö pöema öjawo̧ wei̧da ja̧akwo̧, jö̧ba̧lö laebobe, Dios Rebeca ji̧tji̧munö yöawina, ina jemakwa̧ abönö. Jejenö yöbawö, Diosma i̧sebö yöawinobe, Ötjödasa omudawö juno̧ma, jö̧ba̧lö. Ja̧danö, iteda omukwati̧danöda, jobuju ji̧tji̧mutjö, bakwo̧nö omudawö ujuninobe. Jau chömöledö, jobadö ja̧tji̧ jawa omukwatökönö, Diosma itedada omukwati̧danöda omudawö ujuninobe.

1 Corintios 1:21

Jau chömöledö, Diosma iteda waisanö omukwati̧ma i̧sebobe, baikwö yötawa. Böjȩ jojodö idöda waisanö tjomukwati̧ omukwatö Diosnö tjöwaisachibinokobe, ¿jö̧tö? Ja̧danö, böjȩ jojodö tjedemi, yödawi̧ wene Jesús midawö woina wenema waisakwawa jwii̧ wene jo̧be, ¿jö̧tö? Jo̧kwaijayonö Diosma waisanö omukwatö, ja̧ Jesús midawö woina wene ösödadönöda dö̧jibinö ja̧bo̧ chömöledö.

Gálatas 3:1

Chömöledö Gálatas jojodö, tjo̧'wo̧ jwibadö ichejekwadöja. Ja̧danö wanedö yötawa: Mea botjajawö̧danö kwichejekwaduwobe chömöledö, omöna wene kwösödaduwobetjö̧. Jau chömöledö, öwaetjöda kwöba a'oduwitjö i̧sebö yötawijatö, Jesucristo towisa'onö midawö woina wenema, ¿jö̧tö? Jo̧kwaijayonö yayonö omöna wene ösödadöja chömöledö, tjo̧'wo̧ jwibadödanö.

Efesios 2:8

Isabenö chömöledö, Diosma lȩlö̧jino edobetjö̧, Jesúsnö kwösödaduwenama, Jesúsma dö̧jibanö pjabato̧, jö̧ba̧lö, ökwödöma ji̧bakwawanö kwö̧jibinaduwobe. Chömöledö ji̧bakwawanö kwö̧jibaduwoböma ¿ökwödöda ja̧köbakwawinaduwaji̧, kwujuluduwinö? Jejenöma ja̧awakwawinöködöja. Ja'yubebi ji̧bakwawanö kwö̧jibaduwobö ja̧köbakwawaduwoböma jwiobe. Diosda mikwa jwiinö otiwa jawa iyö kwö̧jibaduwinö pjaatinobe chömöledö, otiwanö ja̧bö kwö̧jaduwököjayonö.

Deuteronomio 33:12

—Ja̧danö Benjaminsaso jojodönö baikwö yöta̧la: Isabenö Jo̧ ösödawö̧ Benjaminsaso jojodöma, ja̧danö otiwanö jobadönö tjöeba̧lobe. Ba̧kwelöjatebö jobadönö tjösawinö tjöeba̧lobe, ja̧danö jobadönö a̧pjö̧alö iteada̧lobetjö̧, otiwanö tju̧ju̧kwobe Benjaminsaso jojodöma.

Colosenses 1:5

Jau chömöledö, isabenö wene otiwa jawa wenema kwa̧ja̧kwinaduwobe, ja̧ wene ösödadöma mölejȩbe otiwanö tjö̧jakwedö jö̧ba̧lö. Jo̧kwajabetjö̧, mölejȩbe dö̧jakwedösa jö̧ba̧lö Cristo Jesúsnö kwösödinaduwobe, ja̧danö kwömöledö Jesúsnö ösödadönö ösödabikwawö kwö̧jaduwobe.

Colosenses 3:12

Ökwödöma Dios ömöledöbedöja chömöledö, jo̧bama ökwödönö ösödö omudawö ujuninobe, iteda ömöledö bakibaduwanö. Jo̧kwajabetjö̧ wanedö yötawa: Lȩlö̧jinö edawabi, otiwanö pjabatö ja̧awabi, ju'wedönötjö o̧penönö jö̧kö̧sa jö̧ba̧lö omukwatakwawabi, dösölö̧jinö ja̧awabi, tjo̧'wo̧ 'dibachibö me'dawachibökönö ja̧awabi kamijido̧ 'dutjawi̧danö 'dukawaduwo chömöledö.

1 Tesalonicenses 1:4

Jau chömöledö, ökwödönö otiwa jawa wene yödawenama, sule yöbawödama yödawinokobe, yöbawöbi yödawinobe, ja̧danö Dios O̧'wo̧ Luwo̧ ujulu i̧seböbi di̧sebinobe, yödawi̧ma isabenö wene jö̧ba̧lö. Jejenö öwaetjöda öwawinobe, yödawi̧ wenema isabenö wene jö̧ba̧lö. Ja̧danö, jejenö Diosma iteda ujulu i̧sebinobetjö̧, ökwödönö Tesalónica ju̧kwadö döwaisa, Dios ösödawö̧ja jö̧ba̧lö, ja̧danö Dios omudawö ujuninawö̧ja jö̧ba̧lö. Jau chömöledö, ökwödökwö dö̧jinama kwöwaisaduwa, ökwödönö pjadatotö jö̧ba̧lö dö̧jinobe.

1 Tesalonicenses 2:12

Jau chömöledö, Diosma ökwödönö jwöinobe salöobe iteda webö ö̧jobe ökwödöbi kwö̧jaduwobö, ¿jö̧tö? Jo̧kwajabetjö̧, kabatökönö bakwo̧nökwena ökwödönö yödawijatö, ja̧danö kwujuluwachibaduwanö yödawijatö, ja̧danö ökwödönö wedijatö Dios ömöledö ja̧tjo jö̧tja̧li̧danö ja̧bö kwö̧jaduwo jö̧ba̧lö.

1 Tesalonicenses 4:7

Diosma ökwödönö jwöinokobe kwi̧lȩkwa̧muböködökwö ja̧köbaduwoböma chömöledö, sulabe jwiinö kwö̧jaduwo jö̧ba̧lö jwöinobe.

1 Tesalonicenses 5:9

Jau chömöledö, Diosma ökwödönö omudawö ujuninokobe, iteda lȩebakwawö̧ badibanöma, Duluwo̧ Jesucristonötjö ji̧badö badibanö omudawö ujuninobe chömöledö.

2 Tesalonicenses 1:3

Chö̧ja̧wo̧dö, Diosma ökwödönö pjaatobetjö̧, jo̧banö dösödobö jo̧be, ja̧danö dösödo jö̧da̧li̧danö kabatökönö otiwanö Diosnö ösödö yöda̧lobe, otiwanö Tesalónicanö ju̧kwadönö pjabato̧ja jö̧ba̧lö. Jau chömöledö, ökwödönö pjaatobetjö̧, Jesúsnö kwösödaduwi̧ma nöachobedanö ichejekwa, ja̧danö kwömöledö Jesúsnö ösödadönö kwösödabikwawaduwi̧bi nöachobedanö ichejekwa. Ja̧danö jejenö pjaatinobetjö̧, otiwanö pjabato̧ja jö̧ba̧lö yöta̧lanö chömöledö.

2 Tesalonicenses 2:10

Ja̧danö, okobe jwiinö sulabenö omöna yöa̧lakwawama omöna yöa̧lakwo̧, Dios lȩebakwawö̧ jo̧banö tjösödakobetjö̧. Jau chömöledö, jobadö Dios lȩebakwawö̧ma isabenö wene tjösödinatjö̧ma tjö̧jibo jö̧tja̧linena, jo̧kwaijayonö tjöpöjödinobetjö̧ Dios lȩebakwawö̧ tjö̧jobe.

2 Tesalonicenses 2:12

Jo̧kwajabetjö̧, okobe deinö isabenö wene öpöjödö sulabenö ja̧awa ösödadönöma lȩebakwo̧ Diosma.

2 Tesalonicenses 2:16

Chömöledö, Dabe'do Diosma otiwa jawa mikwa jwiinö iyö ökwödönö ile niebinobe, ja̧danö ba̧kwȩlö̧jatebö do̧'wo̧ ösöwachibanö pjaatinobe, ja̧danö jo̧banö otiwanö do̧'wo̧ döwana̧lobö pjaatinobe. Jo̧ba Dabe'do Diosbi, Duluwo̧ Jesucristobi

2 Timoteo 1:9

Jau Timoteo, Diosda ökwödönö dö̧jibinö pjabatinama, jo̧bada iteda ömöledö badibobö jwöbinama, jo̧kwajabetjö̧ usula emawö jwaikwöda otiwa jawa wene yöbawö kwö̧jo iteda ujulunö. Ja̧ Dios ökwödönö pjaatinama, otiwanö ja̧bö dö̧jiökwema pjaatinokobe, itedada la'akatjöda jejenö omukwatö ujuninobetjö̧ jejenö pjaatinobe. La'akatjöda Diosma omukwatö ujuninobe, Cristo Jesúsnötjö otiwa jawa mikwa jwiinö ökwödönö iyobö.

2 Timoteo 2:15

Timoteo, jwaikwöda isakwö kwö̧jo, Dios öba a'otjö isabenö wene otiwanö yöbawö kwotidobö. Jejenö otidö kwö̧jitjö̧ma, Dios öba a'otjö kwi̧sebakwo̧ja, Dios wei̧ otiwanö otido̧sa jö̧ba̧lö, ja̧danö kwötabakwoböma jwiena, kwuluwo̧ wei̧ otiwanö ja̧bö kwö̧jobetjö̧.

2 Timoteo 3:15

ja̧danö ju'wibi Dios iwene kwöwaisa, ina tjemu kwö̧jayi ökwönö tjöba̧ja̧dinobetjö̧. Ja̧danö, jejenö kwöwaisobetjö̧ 'diinö do̧ba̧lö kwösödobö jo̧be, chösödi̧ wenema isabenö wene jö̧ba̧lö. Jau Timoteo, ökwönö tjöba̧ja̧dina jawa Dios iwene jawama, waisanö kwomukwatobö ba̧ja̧dakwawa jawa tjöba̧ja̧dinobe, ¿jö̧tö? Ja̧danö, waisanö kwomukwatobö tjöba̧ja̧dinama, otiwa jawa wene waisanö kwomukwatobö pjaatinobe, Cristo Jesúsnö ösödö kwö̧jibobö, ¿jö̧tö? Jau Timoteo, jejenö waisanö kwomukwatobö pjaatinobe tjöba̧ja̧dinama, jo̧kwajabetjö̧ ja̧ laebi̧ kwöwaisachibinobetjö̧ isabenö wene 'diinö do̧ba̧lö kwö̧jobö jo̧be.

Hebreos 1:10

Ju'wibi jö̧a̧linobe Diosma iteda Itji̧nöma. Baikwö laebobe Dios iwenetjö: Chuluwo̧, ökwöma ajayinöma böjȩ kwotidinobe. Ja̧danö mölejȩbi kwotidinobe.

Santiago 1:18

Jau chö̧ja̧wo̧dö, Diosma otiwanöda iyo̧. Ja̧danö, jo̧ba otiwanöda iyo̧ma ökwödönö otiwanö pjabatö weinobe iteda iwene, isabenö ji̧ wenema. Ja̧ iwenema ökwödö dö̧jibinö pjaati̧ wene, chö̧ja̧wo̧dö. Ja̧danö, ja̧ wene a̧ja̧kwö dösödinobetjö̧ yemidanö döbötjachijatö do̧'wo̧ luwo̧nö, iteda i̧tji̧mu, jwiinö mikwawadö babibö. Jejenö ösödinobe Diosma, iteda isabenö iwene a̧ja̧kwö dösödobö, iteda i̧tji̧mu babibö. Yelösöda Diosma otiwanö pjaatinobe ökwödönö, jo̧ba otidinatjö o̧penönö mikwawadö badibinö. Ja̧danö, Diosma iteda okobe jwiinö otidinatjö ökwödönö edö yöa̧lobe, Bidö chi̧tji̧muma jwiinö mikwawadö, jö̧ba̧lö. Isabenö chö̧ja̧wo̧dö, okobe jwiinö Diostjö ichi̧ma otiwobe.

1 Juan 4:10

Chö̧ja̧wo̧dö, Diosma ökwödönö jwiinö ile niebobetjö̧ iteda itji̧nö weinobe ökwödönö dusula dumusidi̧ imidawobö. Jau chö̧ja̧wo̧dö, jejenö Diosma i̧sebinobe inesö ile niekwama. Jejenö Diosma jojodö ile nitjebi̧tjö o̧penönö ile niebi̧ i̧sebinobe. Jau chö̧ja̧wo̧dö, Diosda inesö ile niebi̧ i̧sebo̧ma.

1 Juan 4:19

Ja̧danö chö̧ja̧wo̧dö, Diosma ökwödönö ajayitjöda ile niebinobetjö̧ jo̧banöbi dö̧ja̧wo̧dönöbi ile nibebö dö̧jobö jo̧be.