2 Tesalonicenses 2:12 - Dios Iwene

¹² Jo̧kwajabetjö̧, okobe deinö isabenö wene öpöjödö sulabenö ja̧awa ösödadönöma lȩebakwo̧ Diosma.

2 Tesalonicenses 2:12 ပူးပေါင်းရင်းမြစ်များ

Marcos 14:11

Jobadöma, Judas yöa̧li̧ a̧ja̧kwö ösödijadötö yelösöda, Pjakatajobetjö̧ balada dimidakobe, jö̧ba̧lö. Jemi tupakwöma Judasma Jesúsnö iyö loakwa̧ kabatökönö omukwa̧lö te'ada̧lijetö ju'wi möle Jesúsnö iyö loobö.

Marcos 16:16

Bakwo̧, ja̧ otiwa jawa wene ösödö, Jau Jesúsma dö̧jibinö otido̧, jö̧ba̧lö, ösödo̧nö, ojwenö ubu̧datajökwenöma jo̧ba ö̧jibinö otidökwe Diosma. Jo̧kwaijayonö, Jesúsnö öpöjödo̧ma Dios lȩebi̧ baibenama baledakwo̧.

Juan 3:36

Bakwo̧, Dios Itji̧nö ösödo̧ma ba̧kwȩlö̧jatebö ja̧kwawa juna̧lo̧. Ja̧danö, Dios Itji̧nö öpöjödö, jo̧ba wei̧ a̧ja̧kwö̧kö̧ma jwibo̧, ba̧kwȩlö̧jatebö ja̧kwawama. Jo̧bama Dios lȩebakwo̧— jejenö yöawinobe Juan Ojwenö Bu̧dato̧ma ömöayedönö.

Romanos 1:32

Chömöledö, bidöma Dios jö̧a̧linama waisadö, Jejenö ja̧badöma wobalenöda tjimidawakwedö, jö̧ba̧lö. Ja̧ wene tjöwaisijayonö, jwaikwöda sulabenö ja̧bö ja̧kwawada ösödadö. Jemi tupakwöbi, ju'wedöbi sulabenö ja̧tjobö ösödadö.

Romanos 12:9

Ju'wedönö isabenö kwösödaduwo, wamedama kwösödaduwoko, okwanö kwösödaduwo. Jau chömöledö, sulabe jawa Dios öpöjödi̧ jawama kwöpöjödaduwo. Ja̧danö wanedö yötawa: Otiwa jawa 'diinö do̧ka̧laduwo, ja̧da kwösödaduwo.

Romanos 2:8

Jo̧kwaijayonö, isabenö wene öpöjödibö, sulabeda ösödadönöma, idöda tjomukwati̧da ja̧badönöma lȩebakwo̧ Diosma. Jwiinö labi̧ jawa lȩebakwo̧ jobadönöma, sulabenö ja̧tjina öpöjödö lȩebakwo̧ chömöledö.

1 Corintios 13:6

Ja̧danö, jojodönö ösödabikwawö ja̧kwawama, sulabenö jawa baledobö ösödökönö, otiwa jawa isabenö wene jawada ösödö ji̧.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.

1 Tesalonicenses 5:9

Jau chömöledö, Diosma ökwödönö omudawö ujuninokobe, iteda lȩebakwawö̧ badibanöma, Duluwo̧ Jesucristonötjö ji̧badö badibanö omudawö ujuninobe chömöledö.

2 Tesalonicenses 2:10

Ja̧danö, okobe jwiinö sulabenö omöna yöa̧lakwawama omöna yöa̧lakwo̧, Dios lȩebakwawö̧ jo̧banö tjösödakobetjö̧. Jau chömöledö, jobadö Dios lȩebakwawö̧ma isabenö wene tjösödinatjö̧ma tjö̧jibo jö̧tja̧linena, jo̧kwaijayonö tjöpöjödinobetjö̧ Dios lȩebakwawö̧ tjö̧jobe.

2 Pedro 2:3

Ja̧danö, idöda tjemotö jö̧ba̧lö tjösödobetjö̧, jobadö sulabenö yöbawadöma ökwödönö omöna yötja̧lakobe, ökwödötjö balada tjemo jö̧ba̧lö. Jo̧kwaijayonö Diosma damötjö jobadönö lȩebobö omukwatö ujuninobe chömöledö, ja̧danö isabenö jobadönö lȩebakobe.

3 Juan 1:11

Gayo, chöjawo̧ chösödökwe, yötawakwö. Suli̧ jawa ja̧badö tjö̧ji̧danö kwö̧joko. Otiwi̧ jawa ja̧badö tjö̧ji̧danöda kwö̧jo. Otiwi̧ jawa ja̧bö ja̧döma tji̧sekwobe, Ökwödöma Dios i̧tji̧mu babibinadösa, jö̧ba̧lö. Jo̧kwaijayonö suli̧ jawa ja̧bö ja̧döma wainö tji̧sekwobe, Ökwödöma Diosnö wajwibadösa, jö̧ba̧lö. Gayo, otiwi̧ ja̧wa ja̧bö kwö̧jo, dö̧ja̧wo̧dönö pjabatö.