2 Tesalonicenses 2:11 - Dios Iwene

¹¹ Ja̧danö, isabenö wene tjöpöjödobetjö̧, Diosma weakobe, wajwibö tjomukwatobö, ja̧danö omöna wene tjösödobö.

2 Tesalonicenses 2:11 ပူးပေါင်းရင်းမြစ်များ

Génesis 39:19

Ja̧danö Potifarma, ilekwo yöjawi̧, Kwömöayo̧ma sulabenö ja̧atö ötjönöma, jö̧ba̧lö, yöjawi̧ a̧ja̧kwö jwiinö labijetö Josénöma.

Isaías 44:20

Jau chömöledö, jobekwö omukwatö otido̧ma, wajwibö ja̧bo̧. Otiwi̧ kwakwawa kwökönö, ökwölaso̧pja̧da kwo̧ ichejekwa, ja̧danö sulabenö omukwati̧ma, jelobekwö ö'öbönö öibökwe. Jo̧bajayo̧ma la'akatjöda iteda ö̧jibinö ja̧oböma jwibo̧, ja̧danö iteda ösödökwe, ömamunö do̧'alökwe o̧'wo jawanö omukwatö̧kö̧, —Bite chösödökwema, diosbö̧kö̧, omöna jawa, —jö̧ba̧lö omukwatö̧kö̧.

Isaías 66:4

Isabenö labinö lȩtebakwo̧sa jobadönö. Weti̧ öpöjödö, idöda tjösödi̧ ja̧tjobö omudawö tjujuninobetjö̧, jobadönö lȩtebakwa̧ omudawö chujunakwo̧sa, inesö yetjabi̧ jawa jobadönö baledobö omudawö chujunakwo̧sa. Isabenö jobekwö lȩtebobö jo̧be, baikwö yöta̧la: Jobadönö jwötenama, atadinöködö, ja̧danö yötawenama, a̧ja̧kwinöködö. A̧ja̧kwökönö, ju'wida omudawö juninadö, chöba a'otjö sulabenö ja̧tjoböda omudawö tjujuninobe. Ötjö chösödi̧ jawa tjöwaisijayonö, ja̧ jawa ja̧bökönö, inesö chöpöjödi̧ jawada sulabenö ja̧badö, jo̧kwajabetjö̧ isabenö jobadönö lȩtebobö jo̧be, jö̧ba̧lö laebobe Isabenö Jo̧ yöawi̧ma.

Mateo 24:11

Ja̧danö, ba̧jekwadö sulabenö yöbawadöma sulabenö yötjawakobe, ja̧danö ba̧jekwadö jobadö yötjawi̧ a̧ja̧kwö tjösödakobe,

Mateo 24:5

Ba̧jekwadö chiminö ichö yötjawakwedö, Ötjödasa Dios weakwo̧ jö̧a̧linökwesa, jö̧ba̧lö. Ja̧danö, ba̧jekwadö jobadö omöna yötjawi̧ tjösödakobe.

Romanos 1:28

Chömöledö, bidöma, Diosnö tjomukwatoböma tjöpöjödobe. Ja̧danö, sulabeda tjomukwatiökwe jobadönö kaatibobe Diosma, Wainö sulabenö tjomukwati̧da ja̧bö ju̧kwadö, jö̧ba̧lö. Jo̧kwajabetjö̧, taba lö̧ji̧ jojodö ja̧awökö jawada i̧sebö ju̧kwadö.

1 Tesalonicenses 2:3

Chömöledö, ökwödönö yödawinama, omöna wene ösödajadöma yödawijökötö, ja̧danö sulabenö omukwatöma yödawijökötö, ja̧danö omöna wene kwösödaduwo jö̧ba̧löma yödawijökötö chömöledö.

1 Timoteo 4:1

Timoteo, Dios O̧'wo̧ Luwo̧ma wajuwanö yöawobe, 'dö̧ibaji̧ möle, ju'wedöma Dios iwene, Jesús jawa wene junibö, Awetja ömöayedö ángelesdö omöna yötjawi̧da tja̧ja̧kwakwedö jö̧ba̧lö, jobadö yötjawi̧da ösödö.

2 Timoteo 4:4

Ja̧danö isabenö wene yöawakwawa a̧ja̧kwö kabatibö, böjȩ jojodö tja'dödöminetjö tja̧ja̧kwina jawada ösödö tjö̧jakobe.