2 Samuel 3:38 - Dios Iwene

³⁸ Ja̧danö Davidma iteda yöne ömöayedönö yöa̧linobe, —Kwomukwataduwökiji̧, babe mölȩ bakwo̧ la'aka luwo̧ma ö'wö baibajabe, isabenö israel jojodötjö bakwo̧ inesö juluwo̧ma ö'wö baibajabe, ja̧ kwomukwataduwobö jo̧be, —jö̧ba̧lö.

2 Samuel 3:38 ပူးပေါင်းရင်းမြစ်များ

2 Samuel 2:8

Ja̧danö, Juda jojodö Davidnö la'aka tjuluwo̧ baibanö tjujunijayonö, ju'wedö israel jojodöma jelo̧ ömöayedö baibanö tjö̧jinobe. Saul ömöayedö ölakwabikwawa jojodö tjuluwo̧, Abner mikwo̧ma, Saul itji̧ Isboset mikwo̧nö öbibö, Majanayin comunidadbe i̧'yinobe,

2 Samuel 3:12

Ja̧danö jejenö Isboset Abnernö sulabenö yöa̧laja̧ ikenama Abnerma yöbawadönö weinobe, iteda yöawi̧ Davidnö yötjawobö, baikwö: —David, ditebo niji̧ma, ökwöda yöbawö weköbo jö̧ka̧lemi niji, jö̧tö? Jo̧kwajabetjö̧, baikwö yötawakwö, ökwökwö ötjökwö otiwanö ja̧dakwa̧ wene yöbawö dujunitjö̧ma, isabenö ökwönö pjatatakwo̧sa, okobe deinö israel jojodönö ötibakwo̧sa, ökwöda inesö la'aka tjuluwo̧ bakibobö, —jö̧ba̧lö Davidnö yötjawobö weinobe Abnerma.

2 Samuel 3:37

Ja̧ möle baledi̧ edö, okobe deinö jojodöma edö tjöwaisinobe, —La'aka luwo̧ Davidma Abnernö kwabö lotjobö öpöjödinobe, —jö̧ba̧lö.

2 Samuel 3:39

Tupakwö yöawinobe Davidma, —O̧te tobebö, la'aka luwo̧ baibanö tjujuninökwema ötjödasa, jo̧kwaijayonö babe mölȩma juluwo̧danömabö̧kö̧sa, me'dawo̧danöbo̧sa. Idö Sarvia ji̧tji̧mu Joabbi, Abisaibi isabenö labidö, ja̧danö jobadönö chödöyötobö juluwö̧kö̧sa. Isabenö Jo̧ Diosda jobadönö lȩebakwo̧, sulabenö Abnernö kwabö lotjiökwe, isabenö Diosda balekwa mikwa lȩebakwo̧, —jö̧ba̧lö yöa̧linobe Davidma.

Diosnö ösödo̧ Job mikwo̧ usula emawina jawa 32:9

Jau chömöledö, waisanö omukwatadöma, sule damödamaökö, ja̧danö sule damödamaökö, okwa jawa waisachibajadö, otiwanö ja̧awa waisadöma, Dios o̧'wo luwo̧ ö̧ba̧jadawö̧da.

1 Samuel 26:15

Atadökwe, Davidma yöa̧linobe, —Ökwöma israel jojodötjö inesö juluwo̧ jö̧ba̧lö ötjabökweja, ¿jö̧tö? Israel nijitjö bakwo̧bi ökwödanöjo̧ma deobe, ¿jö̧tö? Jo̧kwajabetjö̧ tajawedö kwuluwo̧ Saulnö tjökeba̧lokobeda? Bakwo̧ ichibö, kwuluwo̧nö kwabö lootö jö̧ba̧lö ichijayonö, tjöbeba̧lökönö kwö̧jajabe.