2 Samuel 24:25 - Dios Iwene

²⁵ Ja̧danö, emajo̧, Davidma jobetjö iyawöte otidinobe, ja̧danö Isabenö Jo̧nö jwiinö ubinö iyawabi, jojodö bakobe Dioskwö ösökwö ja̧kwawa jawa iyawabi jobetjö juwö iyinobe. Jejenö iyö, Isabenö Jo̧nö aebinobe, israel jojodönö lȩlöjinö edobö, ja̧danö a̧ebökwe, a̧ja̧kwinobe Isabenö Jo̧ma, ja̧da̧nö lȩlöjinö edö, israel jojodö tjö'wöchi̧ kaatakwawobö weinobe.

2 Samuel 24:25 ပူးပေါင်းရင်းမြစ်များ

Génesis 12:7

Ja̧danö, jobetjö Isabenö Jo̧ Diosma öwawachijetö Abramnöma. Öwawachö jö̧ba̧lijetö: —Abram, bemi nijima chiyocha ökwötjö tupadanö jojodönö— jö̧ba̧lijetö Isabenö Jo̧ Diosma. Ikenama Abramma Isabenö Jo̧ Dios öwawachajena inawiya wanabinö juwö iyawemi otidijetö, juwö iyobö Diosnö ösödö.

Génesis 22:9

Dios weinemi ichibö Abrahamma Diosnö juwö iyawemi otidajo̧ imi wanabijetö jena. Imi wanajo̧ itji̧nö unu'yaja̧ ikena unu'yajökwenöma imiko wame wanijetö.

Génesis 8:20

Latjebaja̧ ikena Noéma Isabenö Jo̧nö juwö iyawemi otidijetö. Otidajo̧ a̧jwi̧mutjö̧, Isabenö Jo̧nö iyawedötjö ju'wedönö bakwo̧nökwena do̧batö tjö̧kwölanö 'wi'wibijetö tjökwösobu ebawinö. 'Wi'wiawö̧nö juwö iyawena wa̧nö juwö iyijetö Noéma Isabenö Jo̧nö ösödö. Ja̧danö, mö köba̧lö ju̧kwadötjö Isabenö Jo̧nö juwö iyawedötjö ju'wedönö do̧batö bakwo̧nökwena juwö iyawena wa̧nö juwö iyijetö Noéma Isabenö Jo̧nöma ösödö.

2 Samuel 21:14

Benjamin niji̧ Zela comunidadtjö, Saul abe'do Quisnö tjödinöla inawa ötölanö Saulnöbi, Jonatannöbi tjödobö weinobe. Weawö̧, okobe jwiinö la'aka luwo̧ weaja̧danö ja̧tjinobe, ja̧danö jemi ikenama, —Chöba a'otjö wene tjujuna̧lina söbebö lotjajabe, —jö̧ba̧lö, Diosma israel jojodö atjebi̧ a̧ja̧kwö pjaatinobe, ja̧danö kwakwawa yemidanö pokwobö weinobe.

2 Samuel 24:14

Yöawökwe, Davidma Gadnö atadinobe, —Jwiinö cho̧'wo tjo̧acha, isabenö waiya omudawö chujunobö. Jo̧kwaijayonö, Isabenö Jo̧nö chöwaisa, jo̧bama inesö lȩlöjinö edo̧, jö̧ba̧lö. Jo̧kwajabetjö̧ bö̧jȩ jojodö ötjönö lȩtjebobö omudawö chujunökö, Isabenö Jo̧ Diosda wapötakwa möle baledibanö dö'wöchinö ökwödönö lȩebobö omudawö chujuna, jo̧bama inesö lȩlöjinö edo̧ jö̧ba̧lö chöwaisobetjö̧, —jö̧ba̧lö atadinobe Davidma, Gadnö.

1 Reyes 1:1

Israel jojodötjö inesö la'aka luwo̧ Davidma, jwiinö pöe baibinobe. Ja̧danö, pöe öwaekwenama, tuba'woi̧ jwibö, jwaikwöda tiyuwo̧da ö̧binobe. Tiyuwiawö̧, ömöayedöma nöinö sabana'wijunö tjuluwo̧nö jwatjebinobe, jo̧kwaijayonö ina jwaikwöda tiyuwo̧da ba̧nö tjö̧bawo̧ ö̧binobe.

Jueces 21:4

Jemi ikena möle, israel jojodöma yȩayi a̧la̧ibö, jobe Diosnö iyawemi tjotidinobe, ja̧danö otidajadö, jwiinö ubinö iyawabi, Dioskwö ösökwö ja̧kwawa iyawabi jobetjö kwabö juwö tjiyinobe.

Jueces 6:24

Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.

1 Samuel 13:9

Jejenö balediökwe, Diosnö juwö iyobö jwiinajayonö, Saulma weinobe, —Diosnö iyawa jwiinö ubinö iyawabi, ju'wi Dioskwö ösökwö ja̧kwawa iyawabi baikwö ichejebaduwi, ötjöda kwabö juwö chiyobö, —jö̧ba̧lö. Weawö̧, tjichejebinobe, ja̧danö Saulda jwiinö ubinö iyawa kwabö juwö Diosnö iyinobe.

1 Samuel 14:35

Ja̧danö, jobetjö Saulma Isabenö Jo̧nö iyawöte mesasöte ujuninobe, Diosnö ösödö. Ja̧danö, jötema, ajayinö Saul otidö ujuninöte.

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.

1 Samuel 7:9

Atjebökwe, Samuelma obeja ja'yuwo̧ ina o̧do'mi owayo̧nö do̧batö, kwabö juwö okobe jwiinö ubinö iyinobe Isabenö Jo̧nö, ja̧danö juwö iyö, Isabenö Jo̧nö aebinobe, pjaatobö. Ja̧danö, jejenö aebökwe, Isabenö Jo̧ma israel jojodönö pjaatinobe, baikwö laeba pjaatina wenema: