2 Samuel 24:21 - Dios Iwene

²¹ Ja̧danö Araunama abebö a̧ja̧kwinobe, —Chuluwo̧ la'aka luwo̧, tajawedö ötjö kwömöayo̧ chö̧jobekwö kwichaja̧da? —jö̧ba̧lö. Abebö a̧ja̧kwökwe Davidma atadinobe, —Kweju trigo sula'wo chabö loaweju midö chemobö chichajabe, jobetjö Isabenö Jo̧nö iyawöte otidö, Isabenö Jo̧nö kwabö juwö chiyobö, jojodö tjö'wöchi̧nö lȩebi̧ma kaatakwawakobetjö̧, —jö̧ba̧lö atadinobe Davidma.

2 Samuel 24:21 ပူးပေါင်းရင်းမြစ်များ

Génesis 50:10

'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

2 Samuel 24:18

Ja̧danö ja̧ möle Gadma David ö̧jobekwö ichibö weinobe, —Jebuseo jojo Arauna miwko̧ trigo sula'wo chabö loawejube nöchö, jobetjö Diosnö iyawöte otidö, kwabö juwö kwiyo Diosnö, —jö̧ba̧lö.

2 Samuel 24:20

ja̧danö Araunama edö, la'aka luwo̧ David ömöayedökwö ö̧jobekwö ichobe edinobe. Tjichobe edö, Araunama labebö, öba nijakwö David öba a'o bȩbachibö ösödinobe, chuluwo̧ja jö̧ba̧lö.

2 Samuel 24:3

Weökwe, Joabma öpöjödinobe, —La'aka chuluwo̧, jejenö dö̧ba̧jadoko. Isabenö dömöledö israel jojodö tjö̧ba̧jekwachobö jo̧be, ja̧danö kwuluwo̧ Isabenö Jo̧ Dios babe tjö̧ji̧tjö jwiinö bajalekwönönö tjö̧ba̧jekwachinö pjaatobö chösöda, ina 'yaba̧lo̧ kwö̧jayi tjö̧ba̧ja̧dökenanö tjö̧ba̧jekwachibobö chösöda. Jo̧kwaijayonö, tajawedö jojodönö dö̧ba̧jadobö kwösöda, dö̧ba̧jaditjö̧ma sulena la'aka chuluwo̧, —jö̧ba̧lö atadinobe.

1 Crónicas 21:22

Ja̧danö Davidma Araunanö yöa̧linobe: —Kweju chabö loaweju kwiyotjö, jobetjö Isabenö Jo̧nö iyawöte chotidakobetjö̧. Jau, mikwanö, ile seökönö, isabenö mikwawi̧danö kwiyobö wetakwö, ja̧danö jobetjö kwabö juwö chiyocha Isabenö Jo̧nö, jojodö tjö'wöchi̧nö lȩebi̧ma kaatakwawakobetjö̧, —jö̧ba̧lö yöa̧linobe Davidma.