2 Samuel 23:6 - Dios Iwene

⁶ Ja̧danö ökwödönö pjaatonö, sulabedö Diosnö öpöjödadönöma ikwö loakobe. Jobadö sulabedöma sȩaka sulabakadanö labidö, jojodö matjoko jö̧tja̧lakadanö.

2 Samuel 23:6 ပူးပေါင်းရင်းမြစ်များ

Génesis 3:18

Ja̧danö, nijitjö sȩi̧bi sula'wobi pokwakobe kwujunemima. Ja̧danö, tebonö jo̧kwada pokwi̧ma kukwakwo̧ja— jö̧ba̧lijetö—.

2 Samuel 20:1

Ja̧danö, israel jojodö judasaso jojodökwö jejenö jwöjwöbakwawö tjö̧jenama, jobe bakwo̧ sulabo̧ Saba mikwo̧ ö̧jinobe. Jo̧ba Sabama, Benjaminsaso jojo, ja̧danö Bicri mikwo̧ itji̧. Jo̧ba Sabama, israel jojodö judasaso jojodö jwöjwötjakwawi̧ a̧ja̧kwö, trompeta pjubö, yöa̧linobe, —Judasaso jojodö yötja̧li̧danö, jobadöda David ömöledöma, ökwödö israel jojodöma David ömöledöböködösa, ja̧danö jo̧ba Isai itji̧ David iyi̧tjö la'akatjöda demökakwedösa. Jo̧kwajabetjö̧ jo̧banö kabatibö, bakwo̧nökwena dejube dȩwajaduwo, —jö̧ba̧lö yöa̧linobe.

Isaías 27:4

dameakwö̧kö̧sa, chöbatjobedönö. —Chöbatjobedönö pjatatobö jö̧ta̧la, tjöpöjojodö sȩakadanö ichejekwadönöbi, ju'wi sula'wodanö ichejekwadönöbi chölakwabikwawobö jö̧ta̧la. Ja̧danö jobadökwö chölakwabikwawobö ji̧tjö̧ma, jobadönö ja̧tö lotena, ja̧danö juluwajo̧, jobadönö juwö lotena.

Isaías 33:12

Ökwödö tjitebokwena jojodöma, juwö lotakwawö̧ja, ökwölaso̧pja̧da bakibaduwanö, ösötje sȩötje 'wibö, juwö lotjidanö bakibaduwakwedöja.

Mateo 13:41

ötjö jojo baibanö jeminökwema chömöayedö ángelesdönö wetocha. Ja̧danö, jobadöma yöbawö wetena jojodötjö okobe deinö jojodö sulabenö ja̧tjobö ja̧badönöbi, okobe deinö ju'wedö sulabenö ja̧badönöbi ko̧ko̧dö,

Deuteronomio 13:13

–Ökwödötjö ju'wedö sulabedöma ja̧ comunidad jojodönö sulabenö öbibö yötja̧lajabe, -Ju'wedö tjösödawö̧nö ökwödöbi dösödo, -jö̧ba̧lö, ja̧danö yötja̧li̧ ösödö, sulabenö ajayinö wajwiköbaduwinawö̧nö sulabenö tjösödobe ja̧ comunidad jojodöma, –jö̧ba̧lö kwa̧ja̧kwaduwena.

1 Samuel 2:12

Eli i̧tji̧muma, isabenö sulabenö otidö tjö̧jinobe. Diostjö jojodötjö tjö'da̧de pjabatö tjotidinajayonö, Isabenö Jo̧nö otiwanöma tjomukwatinokobe, ja̧danö wei̧ma tja̧ja̧kwinokobe.

1 Samuel 25:17

Ja̧ wene kwöwaisobö jo̧be chuluwuju, ja̧danö otiwanö ja̧köbakwa̧ omukwatö kwujuno. Isabenö chuluwo̧ kwilekwe sulabenö ja̧ajabetjö̧, wene baibakobe. Chöwaisa, isabenö chuluwo̧nöbi, okobe deinö ömöledönöbi suli̧ tjöwaedobö ja̧kobe. Jo̧kwaijayonö, jejenö chöwaisijayonö, chuluwo̧nö lȩbebö yötawobö jwiobe, jo̧ba kwilekwema isabenö mikwawö̧kö̧ sulabo̧obetjö̧, ja̧danö jo̧banö pjabatö yötja̧li̧ma a̧ja̧kwö̧kö̧, —jö̧ba̧lö yöa̧linobe.