2 Samuel 23:19 - Dios Iwene

¹⁹ Jo̧bama Treintabedö ötjabawötjö bajalekwönönö jojodö tja̧ja̧kwökwe, ja̧danö jo̧bama tjuluwo̧ ö̧jinobe. Jo̧kwaijayonö inesö juluwadö wamedukwabedö ötjabawö̧tjö ji̧nö̧kö̧ Abisaima.

2 Samuel 23:19 ပူးပေါင်းရင်းမြစ်များ

2 Samuel 23:13

Ju'wi imiame, jojodö batjo̧ wa̧ji̧ tjemenanö jenanö, David ömöayedö inesö juluwadötjö wamedukwa David ö̧jobekwö tji̧'yinobe, inawa ötöla nööla Adulan ötjaböla ö̧jenama. Ja̧ möle filisteo jojodö ölakwabikwawadöma Refayin wabekonö tjö̧jinobe,

2 Samuel 23:16

Ja̧danö, jejenö yöa̧liawö̧, jobadö wamedukwa juluwadöma, filisteo jojodö tju̧ju̧kwemi tebachö, je'dotjö ojwiyo watjinobe, ja̧danö ichejebö, Davidnö tjiyinobe, owobö. Jo̧kwaijayonö jejenö tjiyökwe, owinokobe Davidma, Isabenö Jo̧nö iyawa baibanö nijinö sa̧bö yöa̧linobe,

2 Samuel 23:18

Ja̧danö David ömöayedö inesö juluwadötjö jelo̧ma, Sarvia jitji̧, Joab öjawo̧ Abisai mikwo̧. Jo̧ba Abisaima, inesö treintabedö ötjabawö̧ tjuluwo̧ ö̧jinobe. Jo̧bama bakwöta möle öpöjojodönö ölakwabikwawö, otokwötenö trescientosbedönö kwabawö loinobe. Jo̧kwajabetjö̧, ajayinö tjimi labebajadönö tja̧ja̧kwi̧danö Abisainöbi tja̧ja̧kwinobe.

2 Samuel 23:20

Ja̧danö, inesö juluwadötjö jelo̧, Cabsel comunidad jojo Joyada itji̧ Benaias mikwo̧. Jo̧babi, nöinö ujulu i̧sȩbinobe. Jo̧bama Moab niji jojodötjö inesö juluwadö, didibadanö juluwadö du̧ju̧tajanö ujuluwinobe. Ju'wibi, ju'wi möle tiyuwena, ojwiyo o̧bidanö nieve jawa mölejebetjö tjoduwenama, laju nöaju okwa a̧jibö, jobe jo̧ didibanö kwabö loinobe.

2 Samuel 23:9

Ikena jojo wamedukwa inesö juluwadötjöbo̧ma, ajojita jojo Dodo itji̧ Eleazar mikwo̧. Jo̧bama Davidkwö ja̧nö, yebabökönö filisteo jojodö jobe ko̧kwo̧kwadönö ölakwabikwawinobe. Ja̧ möle ju'wedö israel jojodö dötjibajinobe,

1 Crónicas 11:25

Jo̧kwaijayonö ju'wedö treintabedö ötjabawö̧tjö bajalekwönönö okobe deinö tja̧ja̧kwökwe ö̧jijayonö, inesö juluwadö wamedukwabedö ötjabiwö̧tjö ji̧nö̧kö̧ Benaiasma. Ja̧danö, jo̧ba Benaias mikwo̧nö ujuninobe Davidma, ömöayedö la'aka luwo̧ Davidnö tjöbeba̧lö teada̧ladö tjuluwo̧ baibanö.

Mateo 13:23

Ja̧danö, niji otiwena meaja̧ ödebiya badekwachi̧ma, otiwanö a̧ja̧kwö, okwa jawa do̧batadönö badekwachobe. Jobadöma Dios la'aka luwo̧ ö̧jakwa̧ wene otiwanö a̧ja̧kwö okwa jawa do̧tjatobe, ja̧danö tjo̧'wo̧ luwo̧ wa̧ji̧ jawama isabenö nöinö wa̧jobe. Wanedö yötawa: Ju'wedöma treintanö ödebiya wa̧jawö̧, ju'wedöma sesentanö wa̧jawö̧, ja̧danö ju'wedöma ciennö wa̧jawö̧— jö̧ba̧lö labebö lobö yöawinobe Jesúsma.

Mateo 13:8

Jo̧kwaijayonö, niji otiwenabi meinobe ikwaja̧ ödebiyama, ja̧danö jobe meajabema, otiwanö pokwinobe, ja̧danö otiwanö wa̧jinobe. Jelö'yebiyama cien jenanö ödebiya wa̧jinobe, ja̧danö jelö'yebiyama sesenta jenanö ödebiya wa̧jinobe, ja̧danö jelö'yebiyama treinta jenanö ödebiya wa̧jinobe.

1 Corintios 15:41

Jau chömöledö, jawo̧ma, iteda otikwi̧ juna̧lo̧, ja̧danö yö̧te jawo̧ma, iteda otikwi̧ juna̧lo̧, ja̧danö si̧li̧'i̧döbi, idöda tjotikwi̧ juna̧ladö. Ja̧danö, si̧li̧'i̧dötjö, wainökwena tjotikwi̧ juna̧ladö.