2 Samuel 23:16 - Dios Iwene

¹⁶ Ja̧danö, jejenö yöa̧liawö̧, jobadö wamedukwa juluwadöma, filisteo jojodö tju̧ju̧kwemi tebachö, je'dotjö ojwiyo watjinobe, ja̧danö ichejebö, Davidnö tjiyinobe, owobö. Jo̧kwaijayonö jejenö tjiyökwe, owinokobe Davidma, Isabenö Jo̧nö iyawa baibanö nijinö sa̧bö yöa̧linobe,

2 Samuel 23:16 ပူးပေါင်းရင်းမြစ်များ

Génesis 35:14

Ikenama Jacobma jemi, Dios yöa̧lajemima junijetö inawa. Jemima Diosnö ösödö inawa wame tobebijetö ubasobu o̧'do̧bubi, o̧tesobubi Diosnö ösödö.

2 Samuel 23:9

Ikena jojo wamedukwa inesö juluwadötjöbo̧ma, ajojita jojo Dodo itji̧ Eleazar mikwo̧. Jo̧bama Davidkwö ja̧nö, yebabökönö filisteo jojodö jobe ko̧kwo̧kwadönö ölakwabikwawinobe. Ja̧ möle ju'wedö israel jojodö dötjibajinobe,

1 Crónicas 11:18

Ja̧danö, jejenö yöa̧liawö̧, jobadö wamedukwa juluwadöma, filisteo jojodö tju̧ju̧kwemi tebachö, je'dotjö ojwiyo watjinobe, ja̧danö ichejebö, Davidnö tjiyinobe, owobö. Jo̧kwaijayonö jejenö tjiyökwe, owinokobe Davidma, Isabenö Jo̧nö iyawa baibanö nijinö sa̧bö yöa̧linobe,

Hechos 20:24

Jau chömöledö, usula chemawena Jerusalénbe chȩwa̧jobema. Yayonö Jerusalénbe chȩwa̧jocha. Jejenö Jerusaléntjö usula chemawitjö̧ma usula chemawena. Isabenö yöta̧la. Ötjöma böjȩnö chö̧ji̧ wame jawama ba̧wa̧lö̧jinö edökösa. Ja̧ jawa mikwawökö chömöledö. Biya̧da ba̧wa̧lö̧jinö edo̧sa chömöledö: Otiwa wene yötawoböda ba̧wa̧lö̧jökwesa. Dios jojodönö lȩlö̧jino edö tjö̧jibinö pjaatinobe, jö̧ba̧lö, yötawoböda ba̧wa̧lö̧jökwesa chömöledö. Jejenö Duluwo̧ Jesúsma ötjö yötawoböda weijatö. Jo̧kwaobetjö̧ jo̧ba yötawobö weinama ¿dakwö yötawököjö? Yöbawo̧sa chömöledö. Ötjöma wotenanö baibanö yötawocha Dios weinama— yöbawijetö Pabloma.

Romanos 5:7

Jejenö dö̧jibobö midawö woinama isabenö öwaetjöda i̧sebobe Dios inesö ökwödönö ile niebi̧ma chömöledö. Baikwö yötawa: Ökwödö jojodöma jwiinö öpöjödadösa woawama, ¿jö̧tö? Ja̧danö, bakwo̧ ökwödönö jö̧a̧litjö̧ma, Ökwöda balekwo̧da woköbitjö̧ma, bite ö̧jibena, jö̧ba̧lö jö̧a̧litjö̧ma döpöjödena, ¿jö̧tö? Bakwo̧ jwiinö otiwanö ja̧bö jo̧ ö̧jibobö, ju'wedökwena balekwedö wotjobö tjöpöjödökena, jo̧kwaijayonö, sulabedö tjö̧jiboböma la'akatjöda balekwo̧ baibanö wodobö döpöjödena böjȩ jojodöma. Ja̧danö, otiwadö ötjabiwö̧ tjö̧jiboböbi balekwo̧ baibanö wodoböma döpöjödena, ¿jö̧tö?

2 Corintios 5:14

Jau chömöledö, ju'wedö ökwödönö tjomukwati̧ma mikwawokobe ökwödönö, tjösödi̧danö ja̧bö dö̧jo jö̧ba̧lö, Cristo ösödi̧da mikwawi̧ma. Jau chömöledö, döwaisa, Cristoma böjȩ jojodönö ösödö, okobe deinö pjaatotö jö̧ba̧lö midawö woinobe jö̧ba̧lö, ¿jö̧tö? Jau chömöledö, dö̧jibinö pjabato̧ Cristoma böjȩ jojodönö pjaatobö ösödo̧, ja̧danö ja̧ ösödi̧ma ja̧bö dö̧jakwa̧ jweebobe chömöledö, jojodönö yödawo jö̧ba̧lö. Jau chömöledö, jo̧banö döwaisobe, okobe deinö pjaatotö jö̧ba̧lö midawö woinobe jö̧ba̧lö, jo̧kwajabetjö̧ Cristo ju'wedönöbi pjaatobö ösödi̧ döwaisobetjö̧ kabatibökönö jojodönö yödawobe. Ja̧danö, ju'wibi chömöledö, okobe deinö jo̧banö ösödadöma, ökwödöbi jo̧bakwö wodinobe, ¿jö̧tö?

Filipenses 2:17

Jau chömöledö, jwiinö cho̧'wo̧ ösöwanö chö̧jobe ökwödö kwö̧jaduwi̧ omukwatö. Ja̧danö, wanedö yötawa chömöledö: Dios yöawi̧ kwösödaduwi̧ma, Diosnö iyawadanö jo̧be, ja̧danö ökwödönö pjatatemi ö'wö batibitjö̧ma, ja̧ iyawa wame ötjö chökwösobu ebawobedanö ichejekwena. Jo̧kwaijayonö, ö'wö batibitjö̧böbi, Dios yöawi̧ kwösödaduwobetjö̧ chösödena, ja̧danö ökwödökwö cho̧'wo̧ ösöwanö chö̧jena.

1 Samuel 19:5

Ja̧danö filisteo jojo Goliatnö kwabö loina omukwati chabe'do, isabenö debö i̧'yo jö̧a̧linobe, Goliatma jwiinö juluwo̧ ö̧jinobetjö̧. Jo̧kwaijayonö iteda otiwanö ö̧jakwa̧ omukwatökönö, Goliatnö kwabö loobö i̧'yinobe, ja̧danö Davidnötjö̧ Isabenö Jo̧ma okobe deinö israel jojodönö dö̧jibanö otiwanö pjaatinobe. Ja̧ möle ökwöbi edö, kwo̧'wo ösödachibanö kwedijatö chabe'do, ¿jö̧tö? Jo̧kwajabetjö̧ tajawedö babe Davidnö kwabö loawa kwösöda chabe'do? Isabenö jo̧banö suli̧ kwöwaedoböma jwiobe chabe'do, isabenö ja'yubebi ökwönö sulabenö ja̧okobetjö̧, —jö̧ba̧lö.

1 Samuel 7:6

Weawö̧, israel jojodöma Mizpa comunidadbe ko̧ko̧kwö tji̧'yinobe. Jobe ko̧ko̧kwajadö, ojwiyo wabö Isabenö Jo̧ öba a'otjö totjebinobe, iyawa baibanö, ja̧danö möle baledibanö tju̧kwa̧ ö̧töchö tjö̧jinobe. Ja̧danö, jobe ja̧nö, jweinö yötjawinobe, —Isabenö Jo̧ öba a'otjö, isabenö sulabenö ja̧bö dö̧jajabe, —jö̧ba̧lö. Ja̧danö, jobe Mizpatjö, Samuelma israel jojodönö jwebaba̧lö yöbawö ö̧jinobe.