2 Samuel 23:12 - Dios Iwene

¹² Jo̧kwaijayonö, ju'wedö dötjibajayonö, Jo̧ba Samama jayunö 'diinö ja̧nö ölakwabikwawinobe, tju̧kwa tjönaukwapji jö̧ba̧lö, ja̧danö tjönaukwo jö̧ba̧ladö filisteo jojodönö kwabawö loinobe. Jejenö Isabenö Jo̧ma jo̧banötjö̧ filisteo jojodönö tjujuluwobö pjaatinobe.

2 Samuel 23:12 ပူးပေါင်းရင်းမြစ်များ

2 Samuel 23:10

jo̧kwaijayonö jo̧ba Eleazarma döbibajökönö 'diinö ja̧nö ölakwabikwawinobe. Lekwe ölakwabikwawö, ba̧jȩkwadö filisteo jojodönö kwabawö loinobe, jobadönö ujuluwenanö kabatö. Lekwe ölakwabikwawö kwölöte'o do̧a̧lajabetjö̧, ömamu bulukanö 'diamachibinobe, kwölöte'o kaatökönö. Ja̧ möle jo̧banötjö Isabenö Jo̧ma jwiinö pjaatinobe israel jojodönö, tjöpöjojodönö tjujuluwobö. Ja̧danö ju'wedö israel jojodö ajayinö döbibajadö tjȩwa̧bijenama, filisteo jojodötjö ina 'yaba̧ladöma detjinobe ida̧ökö, ja̧danö sule Eleazar kwabö loajawö̧ tjiteada tjemobö ji̧nobe.

1 Crónicas 11:13

Jo̧bama Davidkwö ö̧jinobe, Filisteo jojodö Pasdamim comunidadtjö tjölakwabikwawobö ko̧ko̧kwajadö, cebada batjosayutjö israel jojodönö metjibenama. Ja̧danö, ju'wedö israel jojodötjö ölakwabikwawa jojodö dötjibajonö,

Proverbios 21:31

Ja̧danö, ju'wibi yötawa: Isabenö Jo̧da ökwödönö pjabato̧ma, döpöjojodönö dujuluwobö. Isabenö ¿dakwö dujuluwobö Isabenö Jo̧ma ökwödökwö pjabatö ö̧jökötjö̧ma? Juluwöködösa. Wanedö yötawa: Guardia jojodöma tja̧jwi̧mu̧ ka̧ba̧yu̧dönö otidadö, tjöpöjojodö tjö̧jobekwö ölakwabikwawö tji̧'yakwa̧ abönö. Isabenö yötawa: Jobekwö ka̧ba̧yu̧dönö otidö, juluwadönö wa̧matö tji̧'yijayonö Isabenö Jo̧da tjujuluwobö pjabato̧ma.