2 Samuel 22:36 - Dios Iwene

³⁶ Jau chuluwo̧, tjöekwapidanö inesö ji̧bakwawa kwiyajabe, chö̧jibobö, ja̧danö ötjönö dösölö̧jinö edö, inesö juluwo̧, okobe deinö tja̧ja̧kwökwe batibobö pjakatajabe.

2 Samuel 22:36 ပူးပေါင်းရင်းမြစ်များ

Génesis 12:2

Ina jö̧ba̧lijetö Isabenö Jo̧ Diosma Abramnöma: —Abram, ökwötjö tupadanö jojodönöma, tjitebonö ba̧jekwachö juluwadö batjibobö dösölö̧jinö edö pjatatakwo̧sa. Ja̧danö Abram, ökwönö otiwanö kwö̧jobö dösölö̧jinö edö pjatatakwo̧sa. Jejenö pjatatobetjö̧ okobe deinö bö̧jenö ju̧kwadöma jojodö yötjawi̧ a̧ja̧kwö tjöwaisachibakwedö, Abramma Dios dösölö̧jinö edö pjaatökwe, jö̧ba̧lö. Ja̧danö Abram, ökwönö dösölö̧jinö edö pjatatobetjö̧, ökwönödamaö̧kö̧, okobe deinö böjȩnö ju̧kwadönö dösölö̧jinö edö pjatatocha— yöba̧lijetö Isabenö Jo̧ Diosma Abramnöma.

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

Génesis 22:17

Abraham, isabenö ökwönö dösölö̧jinö edö pjatatakwo̧sa. Ja̧danö, ökwötjö tupadanö jojodönö mölejȩbe tjö̧jadö si̧li̧'i̧dödanö, so̧bi̧ya̧pu̧ so̧pja̧danö tjöba̧jekwachinö pjatatakwo̧sa, Abraham. Ja̧danö, ökwötjö tupadanö jojodö tjöpöjojodönöma tjujuluwobö pjatatakwo̧sa.

Efesios 6:16

Ju'wi jawabi tjöbeba̧lakwawö kwö̧jaduwobö yötawaduwakwö. Chömöledö, sulabo̧ Awetjama ökwödönö sulabenö ja̧otö jö̧ba̧lö webo̧ ¿jö̧tö? Jo̧kwaijayonö Jesúsnö kwösödaduwobetjö̧, jo̧banö kwo̧'wo̧duwi wana̧lö tjöbeba̧lakwawö kwuju̧kwaduwobe, Awetja wei̧ teachibökönö. Ju'wi wanedö yötawa: 'Bötjabikwawakwedöma 'dii̧ jawatjö otikwapi do̧ba̧lö tjöbeba̧lakwawö 'ya̧dö, tjöpöjojodö 'bötjena tjöeba̧lapi. Ja̧danö, ökwödöbi Jesúsnö kwo̧'wo̧duwi kwöwana̧laduwi̧nöda tjöbeba̧lakwawö 'ya̧duwi chömöledö, Awetja wei̧ma teachibökönö.

Efesios 6:17

Ju'wibi yötawaduwakwö. Chömöledö, Jesús kwö̧jibaduwinö pjaatina omukwata̧lö ju̧kwaduwi. Ba̧kwȩlö̧jatebö, ja̧ kwomukwataduwi̧ma tjöbeba̧lakwawö ju̧kwaduwi, ju'wi jaye 'dii̧ tjöeba̧linö tjö̧ji̧danö. Ju'wi wanedö yötawa: 'Bötjabikwawakwedöma 'dii̧ jawatjö otikwöse butjawadö, tjuu tjöeba̧linö. Ökwödöbi ja̧danö 'bötjabikwawakwedö tjuu tjöeba̧li̧danö Jesús kwö̧jibaduwinö pjaatina omukwatö tjöbeba̧lakwawö ja̧duwi, Awetja wei̧ma teachibökönö tjöeba̧linö. Ju'wibi chömöledö. 'Bötjabikwawakwedö tjökwölöte'iju tje'ewi̧danö e'ewaduwi Dios iwenema, iteda O̧'wo̧ Luwo̧ öba̧ja̧da̧li̧ma. Ja̧danö, 'böbabikwawadö tjöpöjojodönö dȩdȩbö lotji̧danö Awetjanö kwujuluwaduwo, Dios iwene juluwi̧ wenenöda.