2 Samuel 22:33 - Dios Iwene

³³ Isabenö jo̧ba dösödökwe Diosma chöpöjojodötjö chö̧jibobö 'diinö tjöekwi̧danöbo̧, ja̧danö jweinö otiwamanö kwetachobö öbibo̧.

2 Samuel 22:33 ပူးပေါင်းရင်းမြစ်များ

2 Samuel 22:2

Baikwö laebobe David lo̧inama: —Chösödökwe Isabenö Jo̧ma inesö inawa tjöeba̧lawadanö tjöbeba̧lo̧, jo̧bakwö janö, 'diinö tjöekwena chö̧jobedanö ichejekwa, chö̧jibinö pjabata̧lö tjöbeba̧lo̧obetjö̧.

Diosnö ösödo̧ Job mikwo̧ usula emawina jawa 22:3

Ja̧danö otiwanö Dios wei̧ a̧ja̧kwö ja̧nö, jwaikwöda otiwanö ja̧bö kwö̧ji̧tjö̧ma, Okobe Jwiinö Juluwo̧ Dios ajayitjö bajalekwönönö otiwanö ö̧jobö pjakatenaji̧? Kwöwaisa Job, bö̧jȩ jojodöma ja'yubebi Diosnö pjadatoböma juluwöködösa, ajayitjö bajalekwönönö Dios otiwanö ö̧jakobetjö̧, jö̧tö?

Éxodo 15:2

Isabenö Jo̧ma ötjönö chujulu iyo̧. Jo̧banöda omukwatö lo̧ta. Isabenö Jo̧ma chöpöjojodötjö chö̧jibinö pjabato̧. Jo̧bama ötjö Chuluwo̧ Dios, ja̧danö jo̧banö chösöda, jwiinö otiwo̧, jö̧ba̧lö. Ja̧danö, jo̧bama chabe'do Uluwo̧ Dios, ja̧danö jo̧banö chösöda, jwiinö juluwo̧, jö̧ba̧lö.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

2 Corintios 12:9

Jo̧kwaijayonö baikwö atadinobe chömöledö: —Jo̧kwada, ja̧tjö kwö̧jibinö pjatatökö Pablo, jo̧kwaijayonö ja̧ nii̧tjö bajalekwönönö mikwa jwiinö lȩlö̧jinö pjatatakwö, ökwö kwujulu jwienama, ötjöda chujulu öwaetjöda öwawobetjö̧— jö̧ba̧lö atadinobe Duluwo̧ma. Ja̧danö, ötjö chujulu jwiena Duluwo̧ ujuluda öwawobetjö̧, ötjöma isabenö cho̧'wo̧ ösöwanö yöta̧lobe, chujulu jwii̧ma otiwa, jö̧ba̧lö, ötjönötjö Cristoma iteda ujulunö otidakobetjö̧.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

Deuteronomio 18:13

Ökwödöma sulabenö ja̧bökönö, kwuluwo̧duwi Isabenö Jo̧ Dios öba a'otjö wene jwibö kwö̧ja̧duwobö jö̧ba̧ladöja chömöledö, jobadö ja̧tji̧danö ja̧bökönö.

Filipenses 4:13

Jau chömöledö, Cristoma chujuluwachibanö pjaatobetjö̧, okobe jwiinö ja̧ jawa chöbaledobö chujuluwobe.