2 Samuel 22:25 - Dios Iwene

²⁵ Jejenö ja̧bö chö̧jiökwe, balekwa mikwa otiwanö pjaatajabe Isabenö Jo̧ma, öba a'otjö otiwanö ja̧bö ja̧nö, wene jwiinö chö̧jiökwe balekwa mikwa otiwanö pjaatajabe.

2 Samuel 22:25 ပူးပေါင်းရင်းမြစ်များ

2 Samuel 22:21

Otiwanö ja̧bö chö̧jiökwe, Isabenö Jo̧ma balekwa mikwa otiwanö pjaatijatö, öba a'otjö wene jwibö chö̧jinobetjö̧.

1 Reyes 3:6

Abebö a̧ja̧kwökwe, Salomonma atadinobe, —Chuluwo̧ Dios, jwaikwöda kabatibökönö kwösödi̧ wene kwi̧sebijatö chabe'dominenö. Otiwanö isabenö wene ösödö, omajadenö jweinö omukwatö, weköbi̧ a̧ja̧kwö ja̧nö, ökwönö ösödö ö̧jinobe, ja̧danö balekwa mikwa, jwiinö otiwanö jo̧banö kwiyijatö chuluwo̧. Jau chuluwo, chabe'donö ösödö, ötjö jo̧ba itji̧da, israel jojodönö webö ba̧kwawakanö chö̧bobö weköbijatö, ja̧danö jejenö kwiyi̧tjö̧, babe möle israel jojodö la'aka tjuluwo̧ bo̧sa.

Proverbios 11:31

Ja̧danö, ju'wibi yötawa: Dios wei̧ a̧ja̧kwadöma, bö̧jenö ja̧nö otiwanö tjö̧ji̧ mikwa baibanö iyawa emadö. Jobekwö Dios wei̧ a̧ja̧kwadö otiwanö tjȩmitjö̧ma sulabenö omukwatadöma ¿tajida tjȩmakwa̧jö? Isabenö yötawa: Sulabenö ja̧badöma sulabenö tjö̧ji̧ mikwa baibanö lȩekwada tjȩmakwedö.

Proverbios 5:21

Isabenö Jo̧ma okobe jwiinö ja̧dobema edo̧. Ja̧danö, di̧'yobema edö waiso̧, chitji̧.

Isaías 3:10

Dios wei̧ a̧ja̧kwö ja̧dönö yökawaduwo, —Kwö̧jaduwi̧ma, isabenö otiwanö kwö̧jaduwakwedöja, —jö̧ba̧lö. Jau, jobadöma otiwanö Dios wei̧ a̧ja̧kwö tjö̧jobetjö̧, a̧ja̧kwö tjö̧ji̧ mikwa isabenö otiwanö tjemakwedö, tjo'wo ösöwachibanö.

2 Corintios 5:10

Jau chömöledö, Duluwo̧ ösödi̧danö ja̧dobö disakwobe, döwaisobetjö̧, okobe deinö Cristo ba̧nö yöawelö dö̧jakwedösa, jo̧bada böjȩnö ja̧nö ja̧dina yöawobö, otiwojobö, sulojobö jö̧ba̧lö. Ja̧danö jo̧bada ja̧dina mikwa baibanö iyakwo̧ chömöledö.

1 Samuel 26:23

Isabenö Jo̧ma isabenö otiwanö pjabato̧, otiwanö ja̧bö ju̧kwadö, jwaikwöda Dios ösödi̧danö ja̧bö ju̧kwadönö. Ja̧tji̧ edö, balekwa mikwa otiwanö iyö pjabato̧. Jau chuluwo̧, babe möle Diosma ökwönö iyajabe, chösöditjö̧ma ökwönö chujuluwobö, jo̧kwaijayonö ökwönö suli̧ chöwaedobö chöpöjödatö, Isabenö Jo̧ omudawö ujuninökwenö suli̧ waedö̧kö̧sa jö̧ba̧lö.