2 Samuel 22:2 - Dios Iwene

² Baikwö laebobe David lo̧inama: —Chösödökwe Isabenö Jo̧ma inesö inawa tjöeba̧lawadanö tjöbeba̧lo̧, jo̧bakwö janö, 'diinö tjöekwena chö̧jobedanö ichejekwa, chö̧jibinö pjabata̧lö tjöbeba̧lo̧obetjö̧.

2 Samuel 22:2 ပူးပေါင်းရင်းမြစ်များ

2 Samuel 22:32

Jelo̧ Diosbo̧ma ö̧jenaji̧? Deobe, Isabenö Jo̧ Diosda, ja̧danö jo̧ba inawa tjöeba̧lawadanöbo̧ma deobe, dösödökwe Diosda.

2 Samuel 22:33

Isabenö jo̧ba dösödökwe Diosma chöpöjojodötjö chö̧jibobö 'diinö tjöekwi̧danöbo̧, ja̧danö jweinö otiwamanö kwetachobö öbibo̧.

2 Samuel 23:3

Jau, israel jojodö dösödökwe Dios, ökwödö israel jojodönö tjö̧beba̧linö teada̧lo̧ma yöawajabe, baikwö yötawobö: Jojodö inesö la'aka tjuluwo̧, Diosnö yebabinö omukwatö, Dios ösödi̧danö ömöayedönö yöbawö webo̧ma, isabenö otiwanö ömöayedönö pjabato̧.

Proverbios 18:10

Ja̧danö, ju'wibi yötawa: Isabenö Jo̧ma jo̧banö tjo̧'wo̧ wa̧na̧ladönöma te'ada̧lo̧. Wanedö yötawa: Isabenö Jo̧ma o̧do möeju, 'diinö otikwejudanö wanekwacho̧. Jo̧banö tjo̧'wo̧ wa̧na̧ladöma labi̧ jawa ichena jeju jo̧bekwö juluwanö ö'öbakwawö tetjachi̧danö tjö̧jibobö tebachadö.

Mateo 16:18

Ja̧danö baikwö yötawakwö: Ökwöma inawa jö̧ba̧lö Pedro mikwo̧ja, ja̧danö wanedö yötawa, ötjöma biwa inawa wame chejudanöbedö chömöledönö chujunocha. Ja̧danö, isabenö yötawakwö, chejudanöbedöma isabenö 'diinö tjö̧jakwedö, ja̧danö woawama jobadönö juluwökakobe.

Deuteronomio 32:4

Jo̧ba Diosma inesö tjöeba̧la̧wa inawadanöbo̧, ja̧danö okobe jwiinö ja̧bö ö̧ji̧ma, otiwanö ja̧bö jo̧. Jojodönö wainökwena edökönö, bakwainö jweinö edo̧ jojodönö. Jo̧ba dösödökwe Diosma omöna yöba̧lö̧kö̧, ba̧kwelöjatebö jö̧a̧li̧danö ja̧bo̧, ja̧danö la'akatjöda sulabenö ja̧bö̧kö̧.

1 Samuel 2:2

Isabenö bakwo̧bi deobe ökwödanö suli̧ jwibo̧ma Isabenö Jo̧ chuluwo̧, isabenö ökwödajayo̧ tjösödökwema deobe. Isabenö ökwödajayo̧ inawa 'diawa tjöbeba̧lö kwöji̧danöbo̧ma deobe Chuluwo̧ Dios.

1 Samuel 23:25

Ja̧danö, Saulma ömöayedönö öbibö jobe Davidnö isakwö i̧'yinobe, jo̧kwaijayonö ichibakwa̧ abönö, juwedö Davidnö yötjawinobe. Jo̧kwajabetjö̧, Davidma inawa jojodö deobe Maon nijinö ba̧wa bo̧bekwö i̧'yinobe, ja̧danö jobe jojodö deobe Maontjö ö̧jinobe. Jejenö i̧'yiökwe, Saul a̧ja̧kwinobe, ja̧danö Davidnö lubö i̧'yinobe, jojodö deobe Maon nijitjö.

1 Samuel 24:2

Ja̧danö, jejenö a̧ja̧kwö, okobe deinö israel ölakwabikwawa jojodötjö, Saulma tres milbedönö omudawinobe, ju'wedötjö bajalekwönönö ölakwabikwawa jawa waisadönö. Ikenama, jobadönö öbibö, Davidnö isakwö i̧'yinobe, tebonö ju̧kwadö chivodö inawa ötjabawa badeibö.