Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Samuel 21:15 - Dios Iwene

15 Ja̧danö ju'wi möle yemidanö ölakwabikwawa ji̧nobe, israel jojodökwö, filisteo jojodökwö, ja̧danö Davidma ömöayedö ölakwabikwawa jojodökwö filisteo jojodö tjö̧jobekwö i̧'yinobe, tjölakwabikwawobö. Ja̧danö, tjölakwabikwawonö, Davidma jwiinö ime'dawachibinobe, ujuluwökenanö.

အခန်းကိုကြည့်ပါ။ ကော်ပီ




2 Samuel 21:15
14 ပူးပေါင်းရင်းမြစ်များ  

Jejenö ime'dawachibiökwe, filisteo jojodötjö bakwo̧, inesö ödöbaedö tjitjimu tupadanö jojo Isbibenob mikwo̧ma, Davidnö kwabö loo jö̧a̧linobe. Jo̧bama isabenö nöbo̧, ja̧danö otokwöte kweatötema broncetjö otikwöte wapötakwa kilo bajalekwönönö ömököte kweatinobe.


Ja̧danö, filisteo jojodöma tja̧ja̧kwinobe, —Israel jojodöma Davidnö tjujunajabe, okobe deinö israel jojodötjö inesö la'aka luwo̧ baibanö, —jö̧ba̧lö. Jejenö a̧ja̧kwö, okobe deinö filisteo jojodöma ko̧ko̧kwö, ölakwabikwawa jojodönö wetjinobe, Davidnö tjujuluwobö. Ja̧danö, Davidma tjichakwa̧ wene a̧ja̧kwinobe, ja̧danö a̧ja̧kwö, 'diinö tjöekwobe i̧'yinobe.


Jemi ikenama, ja'yubenö lekwajabetjö, filisteo jojodöma yemidanö Davidnö tjujuluwobö tjichinobe, ja̧danö yemidanö wabeko Refayin ötjabeko ba̧kwemeachibanö tjölakwabikwawobö tjö̧jinobe.


Weökwe, Isabenö Jo̧ weaja̧danö ja̧inobe Davidma, ja̧danö Gabaontjö, Guezerbe ichibenanö kabatö ba̧jȩkwadö filisteo jojodönö kwabawö loinobe.


Ja̧danö, ja'yubeda lekwajabetjö, Davidma filisteo jojodökwö ölakwabikwawinobe, ja̧danö jwiinö ujuluwinobe filisteo jojodönö. Jwiinö filisteo jojodönö ujuluwinobe Davidma, tjitebo niji la'aka luwo̧ baibanö.


Ja̧danö, jemi tupakwö yemidanö filisteo jojodökwö tjölakwabikwawinobe, Gezer comunidadtjö. Ja̧danö jobetjö David ömöayo̧ jusatita jojo Sibecay mikwo̧ma, inesö ödöbaedö tjitjimu tupadanö jojo Saf mikwo̧nö kwabö loinobe. Ja̧danö, jobekwö Filisteo jojodö Gezer comunidadnö ju̧kwadönö tjujuluwinobe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ