2 Samuel 19:39 - Dios Iwene

³⁹ Ikenama okobe deinö jojodöbi, la'aka luwo̧ Davidbi Jordan mikwödö petjibinobe. Ja̧danö pebibajo̧, Davidma Barzilaynö du̧atinobe, yöne chömöledöso̧ja jö̧ba̧lö, ja̧danö Diosnö aebinobe Barzilaynö pjaatobö. Ikenama Barzilayma itebobe ȩwa̧jinobe.

2 Samuel 19:39 ပူးပေါင်းရင်းမြစ်များ

Génesis 14:19

Ikenama Abramnö badekwö Melquizadekma, Abramnö o̧'wo ösöwanö yöba̧lijetö: —Abram, La'aka Inesö Diosnö, mölejebi, böjȩbi otidinanöma ateba ökwönö dösölöjönö edö pjaatobö.

Génesis 28:3

Ikenama Isaacma Jacobnö Dios dösölö̧jinö pjaatakwa̧ jawa yöba̧lö junijetö: —Jwiinö Juluwo̧ Diosma kwi̧tji̧munö ba̧jekwadö 'yakebobö, ja̧danö ökwötjö tupadanö jojodöma tjöba̧jekwachobö dösölö̧jinö edö pjaatakobe. Jejenö ökwötjö tupadanö jojodöma ba̧jekwadö tjuju̧kwakwedö tjitebokwenia.

Génesis 31:55

Ju'wi dewachö Labánma ö'dö̧dönö i̧tji̧munö, tjo̧wi̧ chȩwa̧ja, jö̧ba̧lö du̧batijetö. Du̧batajo̧ma ȩwa̧jijetö.

Génesis 45:15

Ikenama okobe deinö öpöedönö tjibekasa'wijunö du̧batö budekwijetö. O̧'wo̧ jwiinö ösöwanö budekwijetö Joséma, ömöledönö ösödö. Jejenö ösödiawö̧ öpöedöma bajaliyanö yebabökönö yöba̧lijadötö tjö̧ja̧wo̧ Josénöma.

Génesis 47:10

Ikenama, faraónnö, Diosnö ateba ökwönö ösödinö pjaatobö, jö̧ba̧lö, Jacobma labebijetö faraón ö̧jelöma.

Génesis 47:7

Ikenama Joséma abe'do Jacobnö tebatijetö faraón ö̧bȩkonö, faraón öba a'otjö ujunobö. Jacob, tebachajo̧ faraónnö yöba̧lijetö, Diosnö ateba ökwönö ösödinö pjaatobö, jö̧ba̧lö.

2 Samuel 13:25

Aebökwe, la'aka luwo̧ Davidma atadinobe, —Ja̧maökö chitji̧, okobe deinö di̧'yobö jwiobe, dö̧ba̧jȩkwobe, ja̧danö okobe deinö di̧'yitjö̧ma, ömökobedanö ichejekwena, —jö̧ba̧lö atadinobe. Ichobö aeba̧lijayonö, öpöjödinobe, jo̧kwaijayonö yöa̧linobe, —Chi̧'yököjayonö Diosnö ateba otiwanö kwo̧'woduwi ösöwanö ja̧ ba'ali kwukwaduwobö, —jö̧ba̧lö.

2 Samuel 14:33

Atadökwe, Joabma la'aka luwo̧ David ö̧jobekwö i̧'yinobe, ja̧danö Absalon yöa̧laja̧ yöawinobe. Yöawiökwe, Absalon öba a'o ichibobö weinobe, ja̧danö David öba a'o ichibö, öba nijakwö öbamatinobe, isabenö la'aka chuluwo̧ja jö̧ba̧lö. Ja̧danö, la'aka luwo̧ Davidma Absalonnö ösödö du̧atinobe, ökwönö edö chösöda, jö̧ba̧lö.

2 Samuel 19:38

Yöa̧lökwe, la'aka luwo̧ Davidma atadinobe, —Jau, kwatjö̧ma Quimanma ötjökwö i̧'yakwo̧, ja̧danö ökwö kwösödi̧danö jo̧banö pjatatocha. Jau Barzilay, okobe jwiinö kwösödi̧danö pjatatocha kwitji̧nö, —jö̧ba̧lö atadinobe.

2 Samuel 6:20

Ja̧danö, Davidbi ejube ȩwa̧jinobe, jojodönö pjaatobö Diosnö aebaja̧danö ömöledönöbi aebobö. Jo̧kwaijayonö ejube ichibenama, Saul itjiju Micalma jilekwe ichobekwö lajebinobe, ja̧danö jilekwe Davidnö sulabenö obö yöja̧linobe: —Ayö, Isabenö israel niji la'aka luwo̧nö obö tjomukwatobö kwalewajabe, baile döbö kwisȩbaja̧ma. Omukwatöködö taba jwiinö tjalewi̧danö, kwömöayedö midö tjeminawö̧ tjömöayedö ya̧dö tjeda̧lonö, kwö̧ka̧miji̧do kaekwa̧linö baile dököbajabe, tjöba a'otjö kwökamiji̧do̧ 'yobekwö loköbi̧danö, —jö̧ba̧lö Davidnö obö yöja̧linobe Micalma.

1 Reyes 19:20

Jejenö öwanajökwe, a̧jwi̧mu pakayadönö junibö, Elias ökömanö lubö ö'öakwawinobe Eliseoma, ja̧danö Eliaskwö ichibö aebinobe, —Chuluwo̧, ökwökwö chichakwa̧ abönö, –Tjo̧wi chi̧'ya, –jö̧ba̧lö chabe'donöbi, chojo'donöbi du̧batö chösödobö atebakwö, ja̧danö jemi ikenama kwömöayo̧ baibanö ökwökwö chichakwo̧sa, chichakwa̧ abönö jobekwö yötawobö weköbakwa̧ji̧? —jö̧ba̧lö. Aebökwe, —Jau, daji̧. Jo̧kwaijayonö kwo̧'wo jwibibökönuwi chi̧sȩbaja̧ma, isabenö yöka̧laja̧danö ötjökwö kwichobö jo̧be, —jö̧ba̧lö atadinobe.

Lucas 2:34

Jemi ikenama Simeonma Diosnö aebinobe, jobadönö pjaatobö, ja̧danö tjemu ojo'do Maríanö yöawinobe baikwö: —Bite tjemuma Dios 'da̧batö ujuninökwe, Israel jojodötjö ba̧jekwadö jo̧banö öpöjödö mebö metjakobetjö̧, ja̧danö ju'wedö jo̧banö ösödö tjo̧'wo̧ ösöwachibakobetjö̧. Jojodönö i̧sebotö jö̧ba̧lö Dios weinökwe bitema, jo̧kwaijayonö ba̧jekwadö jo̧banö tjöpöjödakobe.

Hechos 20:37

Ikenama te'ada̧lakwawa jojodöma Pablonö wo̧batöbi, du̧batöbi budekwabijadötö.

1 Tesalonicenses 5:26

Okobe deinö kwömöledöduwi Jesúsnö ösödadönö du̧batö kwösödaduwo, dömöledö Jesúsnö ösödadönö du̧dati̧danö.

1 Samuel 24:22

—Aebökwe, Davidma Saul i̧tji̧munö dösölö̧jinö ja̧akwa̧ wene yöbawö ujuninobe, Saul aebaja̧danö. Ikenama Saulma ejube ȩwa̧jinobe, ja̧danö Davidbi ömöayedöbi tjuju̧kwawajemibe tjȩwa̧jinobe.