2 Samuel 19:29 - Dios Iwene

²⁹ Yöa̧lökwe, Davidma yöa̧linobe, —Tjowita, tupakwö yöka̧la ja̧ jawama. Omukwatö chujunajabe, kwujuna̧lina niji̧ma, Sibakwö 'da̧batö kwujunaduwo, ökwö ja'ö, jo̧ba ja'ö kwujuna̧laduwobö, —jö̧ba̧lö.

2 Samuel 19:29 ပူးပေါင်းရင်းမြစ်များ

2 Samuel 19:28

Jau chuluwo̧, cha'dö ökwönö sulabenö ja̧inobetjö̧, okobe deinö ötjönöbi, chömöledönöbi kwabö loköbo jö̧ka̧linobe. Jo̧kwaijayonö kwabö lobökönö, ötjö kwömöayo̧nö kwujunijatö, ökwö inesö la'aka chuluwo̧kwö chukwobö. La'akatjöda jejenö dösölö̧jinö kwedoböma chimikwawijökötö chuluwo̧, ja̧danö tupakwö ötjönö pjakato jö̧ba̧lö ateboböma jwiobe, —jö̧ba̧lö atadinobe Mefibosetma.

2 Samuel 19:30

Yöa̧lökwe, —Okobe jwiinö ja̧ niji̧ wainö emo Sibama, chedemi mikwawökö nijima, inesö mikwawi̧ma bi̧yada, Ökwö la'aka chuluwo̧ma otiwanö wene jwiinö kwȩwa̧jabe, —jö̧ba̧lö atadinobe Mefibosetma.

2 Samuel 9:2

Abebö a̧ja̧kwawö̧, Saul ejunö ajayinö otidinadötjö bakwo̧nö jwötjinobe, Siba mikwo̧no, David öba a'o ichibobö. Ja̧danö, öba a'o ichibiökwe, Davidma abebö a̧ja̧kwinobe, —Ökwöma Siba mikwo̧ kwö̧jiji̧? —jö̧ba̧lö. Abebö a̧ja̧kwökwe, —Jau chuluwo̧, kwömöayo̧ Sibasa, —jö̧ba̧lö atadinobe.

2 Samuel 9:7

Atadökwe, Davidma Mefibosetnö yöa̧linobe, —Yebabökönui chömöledöso̧, kwabe'do Jonatanma yöne chömöledöso̧ chösödökwe ö̧jinobe, jo̧kwajabetjö̧ kwabe'dominenö omukwatö, ökwönö dösölö̧jinö pjatatobö chösöda. Jau Mefiboset, okobe jwiinö kwadömine Saul iteboinemi, ökwönö tjetatobö chösöda ökwö kwitebo baibanö. Ja̧danö ju'wibi, yö̧ne chömöledö tjukwi̧danö, ba̧kwelöjatebö ötjökwö mesasötetjö kwukwobö chösöda, isabenö chömöledöso̧köbobetjö̧, —jö̧ba̧lö.

2 Samuel 9:9

Ikenama la'aka luwo̧ Davidma Saul ömöayo̧ Sibanö jwöinobe, ja̧danö ichibiökwe, Sibanö yöa̧linobe: —Siba, okobe jwiinö Saulmine iteama, okobe jwiinö ömöledö tjiteabi, kwuluwo̧mine Saul ö'dö̧ Mefibosetnö tjebatö chiyajabe.

Proverbios 18:13

Ja̧danö, ju'wibi yötawa, wanedö: Bakwo̧ ina jwaikwöda yöa̧lonö yöa̧lökwema juluwanö atadobe yöba̧lo̧nöma, yöba̧lo̧ma ina okobe jwiinö yöa̧li̧ma kaatakwawököjayonö. Isabenö, jobekwö atado̧ma jweinö omukwatö̧kö̧, ja̧danö ju'wedöma sulabenö tjedökwe, omukwatö̧kö̧ jö̧ba̧lö.

Hechos 18:15

Jo̧kwaijayonö bitema jejenöma sulabenöma ja̧inökena ichejekwa. Cha̧ja̧kwemi ökwödöda bitekwö wene kwujuna̧laduwakwawena, ökwödö kwomukwataduwi̧ma wainö omukwatobetjö̧. Jo̧kwaobetjö̧ yötawaduwakwö. Ökwödöda bite atadi̧ a̧ja̧kwö weawa yökawaduwo. Ökwödöda bite inia tjöinö ja̧köbaduwo. Tjo̧wi̧ta, ötjöma chöpöjöda. Cha̧ja̧kwökakobe. Ökwödöda jawaduwida— jö̧ba̧lijetö Galiónma judío jojodönöma.