2 Samuel 19:23 - Dios Iwene

²³ Ja̧danö la'aka luwo̧ Davidma Siminö iteda isabenö ja̧akwa̧ wene yöbawö ujuninobe, —Isabenö yötawakwö, ökwönö kwabö lotökakwo̧sa, —jö̧ba̧lö.

2 Samuel 19:23 ပူးပေါင်းရင်းမြစ်များ

2 Samuel 16:10

Jejenö yöa̧liökwe, la'aka luwo̧ Davidma atadinobe, —Bi̧ya baledi̧ma ökwödö Sarvia jitji̧mu jawamaökö Abisai. Jau, wajwida ökwödöma, Isabenö Jo̧ Diosda jo̧banö weajena, Davidnö sulabenö yöka̧lo jö̧ba̧lö, ja̧danö Jo̧bada jejenö weatjö̧ma, kabatibi jö̧ba̧lö wedoböma jwiobe.

2 Samuel 19:24

Ikenama Saul ö'dö̧ Mefibosetma la'aka luwo̧ Davidnö edö ichinobe. Jo̧ba Mefibosetma, David Jerusalentjö laebinelö, yemidanö wene jwiinö ȩwa̧jenanö kabatö ömasapiyabi dichawökönö, ja̧danö ajesa'ye jwobawö lobökönö, ökamiji̧do̧ dichökönö ö̧jinobe, la'aka chuluwo̧ Davidnö cho̧'wo tjo̧acha jö̧ba̧lö.

1 Reyes 2:37

Jau Simi, belö labebö, Cedron wabeko baledö, tupakwö kwi̧'yitjö̧ma, isabenö ö'wö bakibakwo̧ja, ja̧danö ja̧ ö'wö bakibakwa̧ma, ökwöda jawa ja̧kobe, —jö̧ba̧lö yöalinobe Salomonma.

1 Reyes 2:46

Ikenama, jö̧ba̧lajo̧, Salomonma Benaiasnö weinobe, ja̧danö weökwe, Siminö kwabö loinobe. Jobekwö laebobe Salomon öpöjojodönö ujuluwina jawama. Ja̧danö, Salomonma israel jojodö la'aka tjuluwo̧ ja̧nö, otiwanö 'diinö ö̧jinobe, isabenö Salomonda la'aka luwo̧ ja̧nö weinobe.

Hebreos 6:16

Chömöledö ökwödö jojodöbi yöbawö junö jö̧da̧lena jejenö jö̧da̧lobe. Wanedö yötawaduwakwö, ökwödö dö̧jinö wanedöma: Ökwödötjö bakwo̧ yöbawö junö jö̧a̧lobe, Yöbawö junö jö̧ta̧li̧danö isabenö ja̧tocha, jö̧ba̧lö. Ikenama yöbawö junö jö̧ba̧lo̧ma, jo̧banötjö o̧penönö jo̧nö weobe, Ötjö jö̧ta̧li̧danö ja̧tökötjöma lȩkebotjö, jö̧ba̧lö. Jejenö jö̧a̧liawö̧ jojodöma waisadö, Isabenö ite jö̧a̧li̧danö ja̧akwo̧, jö̧ba̧lö. Waisadö, Omönama yöba̧lökö, jö̧ba̧lö.

1 Samuel 11:13

Yötja̧liökwe, Saulma atadinobe, —Ja̧maökö, babe möle dömöledötjö bakwo̧nöbi kwabö lodökakobe, Isabenö Jo̧ma isabenö babe möle otiwanö ökwödönö pjaatajabetjö̧, —jö̧ba̧lö.

1 Samuel 28:10

Ajebökwe, Saulma yöbawö junö atadinobe: —Isabenö yötawakwö, atebaja̧danö wobinanö jwököbitjö̧ma, la'akatjöda lȩtjebökakwujuja. Jobekwö isabenö yötawakwö, ja̧danö omöna yöta̧litjö̧ma Isabenö Jo̧ ötjönö lȩebobö ja̧kobe —jö̧ba̧lö.

1 Samuel 30:15

Yöawökwe, Davidma abebö a̧ja̧kwinobe, —Jobadö kwuluwo̧kwö kwebachadönö dichibobö öbibö pjakatakwa̧ji̧? —jö̧ba̧lö. Aebökwe, atadinobe: —Yetabi, chuluwo̧ ö̧jobe kwichobö pjatatitjö̧ma, ajayi chuluwo̧nö ötjönö tjekatena jö̧ba̧lö, ju'wibi ötjönö kwabö loköbena jö̧ba̧lö yetabi. Jo̧kwajabetjö̧, pjatatobö kwösöditjö̧ma, abönö Dios öba a'otjö yöbawö kwujunobö jo̧be, –La'akatjöda jejenö ja̧tökakwo̧sa, –jö̧ba̧lö. Jejenö yöbawö kwujunitjö̧ma, öbibö pjatatena, —jö̧ba̧lö atadinobe. Ja̧danö, jejenö atadökwe, aebaja̧danö yöbawö ujuninobe Davidma.