2 Samuel 19:20 - Dios Iwene

²⁰ Jau chuluwo̧, ötjö kwömöayo̧ma chöwaisa, isabenö sulabenö ja̧binasa jö̧ba̧lö. Jo̧kwajabetjö̧ okobe deinö cha'dömine Jose ömöledötjö, ötjöda abönö chichajabe, ökwö inesö la'aka chuluwo̧ kwöba a'o ichibö, otiwanö kwȩwa̧jabe jö̧ba̧lö yöta̧lobö, —jö̧ba̧lö bȩbachibö yöa̧linobe Simima.

2 Samuel 19:20 ပူးပေါင်းရင်းမြစ်များ

Génesis 48:14

Jo̧kwaijayonö Jacobma öja balewibö ömamu waisamunöda bajaliya luwo̧ Efraín uunö 'bibebijetö. Ja̧danö, ömamu wajwiamunö Manasés uunö 'bibebijetö, abönö pöenöma. Efraínma bajaliya luwo̧ijayonö Dios abönö pöenö dösölö̧jinö edö pjaatakwa̧ junijetö Jacobma, ömamu waisamunö uunö 'bibebö.

Génesis 48:20

Jejenö Jacobma ja̧ mölema Efraímnö, Manasésnö Dios ösödanö edö pjaatakwa̧ma yöba̧lö junijetö baikwö: —Ökwödöma jwiinö luwedö kwö̧jiaduwawö̧ jojodöma Diosnö ösödanö edö pjaatobö atjebena ökwödönö omukwatö atjebakobe. Ökwödönö omukwatö, Dios ösödanö pjabati Efraímnö, Manasésnö ösödanö pjakatinadanö, jö̧ba̧lö, atjebakobe— yöba̧lijetö Jacobma. Ja̧danö jejenö yöa̧lena Efraím imi abönö yöba̧lijetö. Jejenö Efraímnö junijetö inesö jo̧ baibanö, öpöe Manaséstjö̧ o̧penönö inesö jo̧.

2 Samuel 16:5

Ja̧danö, la'aka luwo̧ David Bajurin comunidadbe ichibenama, Saulmine ömöledötjö bakwo̧ Guera mikwo̧ itji̧ Simi mikwo̧ma, comunidadtjö labebö, sulabenö yöba̧lö jwöeba̧linobe Davidnö.

2 Samuel 19:21

Jejenö yöa̧liökwe, Sarvia jitji̧ Abisaima yöa̧linobe, —Bite Simima, Isabenö Jo̧ omudawö ujuninökwenöda sulabenö öpöjödö yöa̧linobe, jo̧kwajabetjö̧ isabenö balekwa mikwa jo̧banö kwabö lodobö jo̧be, —jö̧ba̧lö.

2 Samuel 19:9

Ja̧danö, israel niji ba̧kwemeachibanö jojodöma ja̧tja̧kwa̧ jwöjwöbakwawö yötja̧lakwawinobe, Absalon ö'wö baibajabema dakwö ja̧dakwajö jö̧ba̧lö. Jwöjwöbakwawö, ju'wedö yötja̧linobe, —Döpöjojodö filisteo jojodö tjujulutjöbi, ju'wedö döpöjojodötjöbi dö̧jibinö pjabatinama, la'aka luwo̧ Davidda, jo̧kwaijayonö jo̧bama Absalon öba a'otjö döbibajö, ditebotjö laebinobe.

1 Reyes 12:20

Ja̧danö, Salomon itji̧ Roboannö kabatibajadö, okobe deinö israel jojodötjö u'dakwö ju̧kwadöma Nebat itji̧ Jeroboannö tja̧ja̧kwinobe, —Egipto nijibetjö ȩwa̧jabe Jeroboanma, —jö̧ba̧lö, ja̧danö a̧ja̧kwajadö, jo̧banö jwötjinobe, ko̧ko̧kwö tjö̧jobe ichobö. Ikenama, Nebat itji̧ Jeroboannö 'da̧batö tjujuninobe, okobe deinö israel jojodötjö inesö la'aka luwo̧ ö̧jobö. Israel jojodötjö, sule Judasaso jojodöda David itji̧mu tupadanö jojodönö tjösödinobe, —David itji̧mu tupadanö jojodö tjömöayedösa, —jö̧ba̧lö.

1 Reyes 12:25

Israel jojodötjö inesö la'aka luwo̧ babibajo̧, efrain niji mösa'iju jȩmi comunidad Siquen 'diinö tjöbebö otidinobe Nebat itji̧ Jeroboanma, ja̧danö jobe ö̧jinobe, iteda webö ö̧jemi comunidad baibanö. Ikenama, ja'yubenö lekwajabetjö̧, jobetjö labebö, Peniel comunidadbe i̧'yinobe, ja̧danö Peniel comunidadbi 'diinö tjöbebö otidinobe.