Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Samuel 19:19 - Dios Iwene

19 ja̧danö aebinobe, —Chuluwo̧, belö Jerusalentjö lakebenama, jwiinö sulabenö yöta̧lijatö ökwö chuluwo̧nö. Jo̧kwaijayonö, jejenö sulabenö yöta̧lijayonö sulabenö yöta̧lina söbebö loköbobö atebakwö, lȩlöinö edö, ja̧ sulabenö yöta̧lina kwomukwatibokobö atebakwö.

အခန်းကိုကြည့်ပါ။ ကော်ပီ




2 Samuel 19:19
17 ပူးပေါင်းရင်းမြစ်များ  

Jejenö ja̧jiökwe, jöpöe Absalonma abebö a̧ja̧kwinobe, —Chöjawuju, kwöpöe Amnonma ökwönö 'da̧bö ujuluwaji̧? Jo̧bama kwöpöeobetjö̧, baledaja̧ yöbawökönui, ja̧danö baledaja̧ omukwatöma kwo̧'wo tjo̧acha chöjawuju, —jö̧ba̧lö. Ja̧danö jemi tupakwö jöpöe Absalon ejunö jö̧jinobe Tamarma, jwiinö o̧'wo tjo̧achuju.


Jo̧kwajabetjö̧, Ayö, okobe deinö chitji̧mu debö tji̧'yajabe jö̧ba̧löma omukwatökönui chuluwo̧, sule bakwo̧da, Amnonda debö i̧'yajabe, —jö̧ba̧lö yöawinobe Jonadabma Davidnö.


Ichibö, ojwe peikwena le'da̧kwobe petjibinobe, la'aka tjuluwo̧nöbi, ömöledönöbi pebibö pjatjatobö, ja̧danö okobe jwiinö tjuluwo̧ David ösödi̧ jawa pjabatö tjotidobö. Ja̧danö, David peibobö ojwe ö'öbö ichibenama, Simima la'aka luwo̧ David öba a'o ichibö nijakwö mebö öbamatinobe,


Ötjöma Isabenö Jo̧ Dioschobetjö, kwusuladuwi̧ söbebö lobo̧sa chömöledö, ötjödachobetjö̧ sulabenö ja̧köbaduwi̧ omukwatökönö, ökwödönö lȩlöjinö edo̧sa chömöledö,


ja̧danö jobadönö yöa̧linobe: —Sulabenö ja̧tajabe, sulabenö ja̧bö̧kö̧nö iyö lotjajabe, jo̧banö kwabö lotjobö— jö̧ba̧lö. Jejenö yöa̧liawö̧ tjatadinobe: —Jo̧kwada, do̧'wo̧ tjo̧achökö. Ja̧ sulabenö ja̧köbaja̧ma ökwöda jawa— jö̧ba̧lö tjatadinobe.


Jau chömöledö, Diosma ökwödönötjö jojodönö yöawobe, jo̧ba ömöledö batjibobö. Ja̧danö, jojodö Dios ömöledö batjibanö yödawi̧ma biya̧: Diosma Cristonötjö ajayinö iteda öpöjojodö böjȩ jojodönö iteda ömöledö batjibanö pjabato̧, sulabenö ja̧tjina omukwatökönö. Jau chömöledö, Diosma ökwödönö ja̧ wene weinobe, ju'wedönö yödawo jö̧ba̧lö, ajayinö jo̧ba öpöjojodö tjö̧jinajayonö, yödawi̧ ösödö jo̧ba ömöledö batjibakobetjö̧.


Kwedemi ja̧ möleda jamatö Diosnö atebinaji̧, jo̧banö pjabatöma? Ja̧maökö, ba̧kwelöjatebö weköbi̧ otidonö ötjönö abebiainobe pjabatö Diosnö atebobö, otiwanö Dios ösödi̧ öwaisobö. Ja̧danö ju'wibi isabenö yötawakwö chuluwo̧, ja'yubebi wajwidatö, ötjöbi yö̧ne chömöledöbi, David kwöba a'otjö wene ujuna̧li̧ma, babeda döwaisachibobe chuluwo̧. Jo̧kwajabetjö̧ ökwödönö kwomukwata, –Chöpöjojodönö pjabatadö, —jö̧ba̧löma, —atadinobe Ahimelecma.


Atebakwö, mikwawö̧kö̧ Nabal yöa̧laja̧ kwomukwatokobö chuluwo̧. Jo̧ba imi Nabal jö̧ba̧löma waisanö omukwatö̧kö̧ jö̧ba̧lö laebobe, ja̧danö imi laebi̧danö isabenö waisanö omukwatö̧kö̧. Jo̧kwaijayonö ötjöma kwömöayujusa, ja̧danö ökwö chuluwo̧ weköbajawö kwömöayedönö chedökötö, otiwanö akebaja̧danö chiyobö.


Yöa̧lökwe, Saulma atadinobe, —Isabenö sulabenö ja̧tajabe. Babe otiwanö ditebobe kwȩwa̧jobe jo̧be, tupakwö ökwönö suli̧ chöwaedoböma chisakwökakwo̧sa. Jau chitji̧ David, ötjönö kwabö loköbobö ji̧jayonö, ötjönö ösödö, Saulma ö̧jobö mikwawo̧ jö̧ba̧lö chö̧jibinö ja̧köbajabe. Isabenö omukwatökönö, sulabenö ja̧tajabe David, —jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ