2 Samuel 19:12 - Dios Iwene

¹² Jau chömöledö juda jojodö, ötjöma kwömöledöso̧ juda jojosa, diwe'ijubi, ditebiyabi bakwaibedösa, okobe deinö Judamine itji̧mu tupadanö jojodödobetjö̧. Jo̧kwajabetjö̧ ju'wedö tjetachajobö atjebaja̧ ikenada akebaduwitjö̧ma otiwenaji̧? Sulena, ökwödöda abönö tjetachakwa̧ kwisakwaduwobö jo̧be, —jö̧ba̧lö judasaso jojodönö yötja̧lobö weinobe.

2 Samuel 19:12 ပူးပေါင်းရင်းမြစ်များ

Génesis 2:23

Ja̧danö, jojoma isujunö edinö jö̧ba̧lijetö: —Bisuma ötjö chiwe'ijudanö, chitebiyadanö ichejekwuju. Ja̧danö, isuju, jö̧ba̧lö ötjabikwuju iso̧tjö otikwujuja̧tjö— jö̧ba̧lijetö jojoma.

Génesis 29:14

Ja̧danö Labánma Jacobnö jö̧ba̧lijetö: —Isabenö ökwöma ötjö chömöledöso̧ja, ötjö chitebiyadanö, ötjö chö̧kwö̧sobudanö— ösödinö jö̧ba̧lijetö. Ikenama Jacobma ja̧wo̧ bakwo̧ ji̧jetö jobadökwö.

2 Samuel 19:41

Ikenama israel jojodöma la'aka luwo̧ David ö̧jobekwö ichö yötja̧linobe, —Bidö dömöledö judasaso jojodöma sulabenö ökwödönö yöbawökönö, jobadöda ökwönö Jerusalenbe tetjatobö tjomukwatajabeta. Ökwödönö yöbawökönö ökwönöbi, okobe deinö kwömöledönöbi, kwömöayedö ölakwabikwawa jojodönöbi, Jordan mikwödö pekibaduwinö tjichejebajabe. Ökwödönö yöbawökönö, ökwö duluwo̧nö tjönaukwajabe ichejekwa, ökwödönö yötjawatjö̧bö, —jö̧ba̧lö.

2 Samuel 19:42

Yötja̧liawö, okobe deinö juda jojodöma tjatadinobe, —Ökwödönö kwomukwataduwoko, doma'apekwönö duluwo̧ Davidnö tjö̧naukwobö omukwatadö jöba̧lö. Kwöwaisaduwa, La'aka duluwo̧ Davidma ökwödö judasaso jojodö yö̧ne dömöledöso̧, jo̧bama judasaso jojo, jo̧kwajabetjö̧ dömöledöso̧nö pjatadotö jö̧ba̧lö jo̧banö otiwanö pjabatö dichejebajabe. Ökwödöma kwödameakwaduwoko. Ju'wibi David ökwödö jelesokwena jojodönö iyi̧tjö bajalekwönönö demotö jö̧ba̧löbi omukwatöködösa. Ökwödöma ja'yubebi duluwo̧ u̧kwa kwöködösa, ja̧danö ja'yubebi iyi̧ emöködösa. Jau dömöledö, ökwödöma sule dömöledöso̧nö dösölö̧jinö edö̧, ȩwa̧jobö pjadatajabe, ja'yubebi sulabenö omukwatökönö, jo̧kwajabetjö̧ kwödameakwaduwoko, —jö̧ba̧lö tjatadinobe.

2 Samuel 5:1

Jemi ikenama, israel jojodötjö okobe deinö sasokwena tjuluwedöma David ö̧jobekwö tji̧'yinobe, Hebronbe. Ja̧danö, ichibö Davidnö yötja̧linobe baikwö: —David, isabenö yö̧ne dömöledöso̧ja, diwe'ijubi, ditebiabi bakwaibedösa, okobe deinö bakwo̧da Israelda i̧tji̧mu tupadanö jojodödobetjö̧.

2 Samuel 8:17

Ajitob itji̧ Sadoc mikwo̧bi, Abiatar itji̧ Ajimelec mikwo̧bi, Diostjö jojodötjö tjö̧'dade pjabatadö otidö tjö̧jinobe. Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe.

Romanos 11:14

Ja̧danö, ötjöma ötjöda chömöledönö pjatato jö̧ba̧lö jwaikwöda ökwödö Israel jojodöböködönö yötawa, ötjöda chömöledö Israel jojodöma ökwödönö edö ö'wiabinö tjedo jö̧ba̧lö. Ja̧danö, jobadö ökwödönö ö'wiabinö tjeditjö̧ma, jobadöbi Diosnö ösödö tjö̧jibena.

Efesios 5:30

Chömöledö ökwödöma, Cristo iteba'obedödobetjö̧ jo̧bama ökwödönö te'ada̧lö jo̧.

Jueces 9:2

—Kwöwaisaduwa, ötjöma yöne kwömöledöso̧sa, chojo'do ökwödötjö jojosujujobetjö̧, jö̧tö? Ja̧danö, ditebo jojodöma Gedeon itji̧mutjö bakwo̧ la'aka luwo̧ ö̧jobö tjösöda, jö̧tö? Jo̧kwajabetjö̧, Siquen comunidad luwedönö yöka̧laduwobö ateba baikwö: –Okobe deinö Gedeon itji̧mu luwedö tjö̧joböma otiwökena, sule bakwo̧da, dömöledöso̧da la'aka duluwo̧ ö̧jobö otiwena, jö̧tö? –jö̧ba̧lö yöka̧laduwobö atebaduwakwö, ötjö yöne kwömöledöso̧nö luwo̧ batibanö tjujunakobetjö̧, —jö̧ba̧lö aebinobe.