2 Samuel 18:33 - Dios Iwene

³³ Jejenö yöawökwe, jwiinö o̧'wo tjo̧achinobe Davidma, ja̧danö o̧'wo tjo̧achö, apjude wamesȩko̧be budekwö önöchinobe. Ja̧danö 'ya̧nö, —Chitji̧ Absalonwe, chitji̧ Absalonwe, ökwö 'yaba̧lo̧ kwö̧jonö ötjöda ö'wö batibatjö̧ma, otiwo jö̧a̧lajena, chitji̧we, chitji̧we, —jö̧ba̧lö o̧'wo tjoachö ubudekwinobe Davidma.

2 Samuel 18:33 ပူးပေါင်းရင်းမြစ်များ

Génesis 21:11

Jejenö jö̧ja̧lökwe jwiinö o̧'wo̧ tjo̧achibijetö Abrahamma, Ismaelbi ötjö chitji̧, jö̧ba̧lö.

2 Samuel 14:1

David öpöo Sarvia jitji̧ Joabma edö öwaisinobe, La'aka luwo̧ Davidma itji̧ Absalonnö edobö jö̧a̧lobe, jö̧ba̧lö.

2 Samuel 19:1

Ja̧danö, David jejenö Absalonnö ubudekwiawö̧, Joabnö yötjawinobe, —Absalon debö i̧'yiökwe, la'aka luwo̧ Davidma o̧'wo tjo̧achö ubudekwobe, —jö̧ba̧lö.

2 Samuel 19:4

Ja̧danö, la'aka luwo̧ Davidma, öba möchekwö, labinö budekwabinö jwöbeba̧liainobe, —Chitji̧ Absalonwe, chitji̧ Absalonwe, chitji̧we, chitji̧we, —jö̧ba̧lö.

Éxodo 32:32

Jo̧kwaobetjö̧ babema ökwönö ateba, jobadö sulabenö ja̧tji̧ söbebö lobi, jö̧ba̧lö, kwösöditjö̧ma. Ja̧danö, jobadö sulabenö ja̧tji̧ söbebö loköbobö kwöpöjöditjö̧ma, ökwö kwömöledö tji̧mi̧ wȩyukwa'yetjö sule ötjö chimi ¡söbebö lobi!— abebijetö Moisésma Isabenö Jo̧nöma.

Proverbios 10:1

Ju'wi Salomón jwebebö yöawina jawa baikwö laebobe: Isabenö yötawa: Tji̧tji̧mu̧ma jweinö omukwatö tjö̧jitjö̧ma tjabe'do tjojo'do tjo̧'wo̧ ösöwanö tjö̧jakwedö. Jo̧kwaijayonö tji̧tji̧mu̧ma jweinö omukwatökönö tjö̧jitjö̧ma tjabe'do tjojo'do tjo̧'wo̧ tjo̧bekwöda tjö̧jakwedö.

Proverbios 17:25

Ja̧danö, ju'wibi yötawa: Tjemu omukwatökönö jo̧ma, omukwatökönö ö̧jobetjö̧ iteda abe'doma o̧'wo̧ tjo̧achöda ö̧jobe. Ja̧danö, ojo'dobi jwiinö o̧'wo̧ tjo̧achöda jö̧jobe, jitji̧ omukwatökönö ö̧jobetjö̧.

Santiago 5:17

Chö̧ja̧wo̧dö döwaisa damötjö Elías mikwo̧ ö̧jinama. Elíasma ökwödödanö ji̧na. Ja̧danö, ökwödö domukwati̧danö omukwatö ji̧na. Isabenö, jo̧kwadabo̧ ö̧jijayonö Diosnö abeböda aebinobe, yemidanö yemidanöbi, o̧'wo̧ luwo̧nö me'dawachibökönö, Diosma ojwiyo o̧binö weokobö. Jejenö aebiökwe Diosma lekwe, o̧ba wa̧pötakwa ja'öbi ojwiyo o̧binö weinokobe böjȩnöma.