2 Samuel 18:21 - Dios Iwene

²¹ Ikenama Joabma David ömöayedötjö jelo̧, cusita jojonö weinobe, —Babe baledaja̧ kwedaja̧ma, la'aka luwo̧nö yöbawaji, —jö̧ba̧lö. Weökwe, Jau chuluwo̧, jö̧ba̧lö, Joab öba a'o bȩachibinobe cusita jojoma, ja̧danö bȩbachibajo̧, David ö̧jobekwö ö'öakwawinobe.

2 Samuel 18:21 ပူးပေါင်းရင်းမြစ်များ

2 Samuel 18:20

Aebökwe, Joabma atadinobe, babe möle ökwönö wetökö, baledaja̧ wene yökawoböma. Ju'wi möle yemidanö baledi̧ wene ö'öbakwawö yökawena, jo̧kwaijayonö babe möle la'aka luwo̧ David itji̧ ö'wö baibajobetjö̧, jelo̧nöda wetobö chösöda, —jö̧ba̧lö atadinobe Joabma, Ajimaznö.

2 Samuel 18:22

Ikenama Ajimazma yemidanö Joabnö aebinobe, —Jo̧ba cusita jojo ö'öakwawijayonö, ötjönöbi weköbobö jö̧ta̧la, ökömanö ötjöbi ö'öbakwawö yötawobö, —jö̧ba̧lö. Aebökwe, Joabma atadinobe, —Chömöledöso̧ möayo̧, tajawedö ö'öbakwawö yökawobö kwösödobeda? Ö'öbakwawö yöbawö kwi̧'yitjö̧ma, mikwa jwiinö ö'öbakwawö yökawena, —jö̧ba̧lö atadinobe.

2 Samuel 18:23

Jo̧kwaijayonö, jejenö atadijayonö, Ajimazma ina aeba̧linobe, —Yayonö, ö'öchakwawaja̧ mikwa jwiijayonö, yayonö ö'öbakwawö yötawobö jö̧ta̧la, —jö̧a̧lökwe, bajaliyanö, —Jau, ö'öbakwawaji, —jö̧ba̧lö weinobe Joabma. Weökwe, Ajimazma David ö̧jobekwö ö'öakwawinobe, jelema ba̧ba̧lawobe 'ya̧kwawamabenö, ja̧danö ja̧manö ö'öbakwawö, cusita jojotjö bajalekwönönö juluwanö ö'öakwawinobe.

2 Samuel 18:31

Ikenama cusita jojoma juluwanö ichibinobe, ja̧danö ichibö yöawinobe, —La'aka chuluwo̧, otiwa jawa wene ökwönö yöbawö chichajabe. Babe möle okobe deinö ökwönö tjujuluwobö isakwadötjö kwö̧jibanö pjaatajabe Isabenö Jo̧ma, —jö̧ba̧lö.