2 Samuel 18:19 - Dios Iwene

¹⁹ Ja̧danö, ölakwabikwawö katjatibajabema, Sadoc itji̧ Ajimazma Joabnö aebinobe, —La'aka luwo̧ Davidnö baladaja̧ wene yötawobö webitjö, öpöjojodötjö ö̧jibinö Isabenö Jo̧ma pjaatajabe jö̧ba̧lö, yötawobö, —aebinobe Ajimazma.

2 Samuel 18:19 ပူးပေါင်းရင်းမြစ်များ

2 Samuel 15:27

Tukwakwö yöa̧linobe la'aka luwo̧ Davidma tjö̧'da̧de pjabato̧ Sadocnö: —Sadoc, ökwöma tupakwö baledakwa̧ yöbawo̧ja, ¿jö̧tö? Jo̧kwajabetjö̧ baikwö atebakwö, wene jwiinö Jerusalenbe kwȩwa̧jo, kwitji̧ Ajimazkwöbi, Abiatar itji̧ Jonatankwöbi.

2 Samuel 15:36

Sadoc itji̧ Ajimazbi, Abiatar itji̧ Jonatanbi jobadökwö tjö̧jobe, ja̧danö jobadönötjö̧ okobe jwiinö kwa̧ja̧kwaja̧ wene weköbo, chöwaisobö, —jö̧ba̧lö weinobe Davidma, Husaynö.

2 Samuel 17:17

Tjö̧'da̧de pjabatadö tji̧tji̧mu Ajimazbi, Jonatanbi Jerusalen comunidad okwa tetjachobö jwiinobe, tetjachena Absalon ömöayedö jobadönö tjedapji jö̧ba̧lö, jo̧kwajabetjö̧ jobadöma Enroguel comunidadnö tjiteada̧linbe, wene tja̧ja̧kwena, tupakwö la'aka luwo̧ Davidnö yöbawö tji̧'yobö. Ja̧danö, omukwatö tjujuninobe, Sadocbi Abiatarbi baledi̧ wene tja̧ja̧kwenama, bakwuju tjömöayujunö wetjobö, Jonatannöbi, Ahimaznöbi wene yöjawobö, yöjawaja̧ tupakwö Davidnö yötjawobö.

2 Samuel 18:20

Aebökwe, Joabma atadinobe, babe möle ökwönö wetökö, baledaja̧ wene yökawoböma. Ju'wi möle yemidanö baledi̧ wene ö'öbakwawö yökawena, jo̧kwaijayonö babe möle la'aka luwo̧ David itji̧ ö'wö baibajobetjö̧, jelo̧nöda wetobö chösöda, —jö̧ba̧lö atadinobe Joabma, Ajimaznö.

2 Samuel 18:23

Jo̧kwaijayonö, jejenö atadijayonö, Ajimazma ina aeba̧linobe, —Yayonö, ö'öchakwawaja̧ mikwa jwiijayonö, yayonö ö'öbakwawö yötawobö jö̧ta̧la, —jö̧a̧lökwe, bajaliyanö, —Jau, ö'öbakwawaji, —jö̧ba̧lö weinobe Joabma. Weökwe, Ajimazma David ö̧jobekwö ö'öakwawinobe, jelema ba̧ba̧lawobe 'ya̧kwawamabenö, ja̧danö ja̧manö ö'öbakwawö, cusita jojotjö bajalekwönönö juluwanö ö'öakwawinobe.

2 Samuel 18:31

Ikenama cusita jojoma juluwanö ichibinobe, ja̧danö ichibö yöawinobe, —La'aka chuluwo̧, otiwa jawa wene ökwönö yöbawö chichajabe. Babe möle okobe deinö ökwönö tjujuluwobö isakwadötjö kwö̧jibanö pjaatajabe Isabenö Jo̧ma, —jö̧ba̧lö.

Romanos 12:19

Chömöledö, ju'wedö ökwödönö sulabenö ja̧tjenama, balekwa mikwa yelösöda ja̧bökönaduwi sulabenöma. Diosda sulabenö ja̧badönö lȩbebo̧ chömöledö, ökwödömaökö. Baikwö laebobe Dios iwenema: Duluwo̧ma baikwö yöawobe: Ötjödasa balekwa mikwa lȩbebo̧ma, ötjöda lȩtebocha jojodö sulabenö ja̧tji̧ mikwa, jö̧ba̧lö laebobe Dios iwenema.