2 Samuel 18:14 - Dios Iwene

¹⁴ Atadökwe, Joabma yöa̧linobe, —Tjo̧wita, ökwökwö yöba̧lakwawö chiteada̧lobö chöpöjöda, teada̧lökönö Absalonnö kwabö lodobö jo̧be, —jö̧ba̧lö. Ja̧danö tokwöte wapötekwa emibö, Absalon ö̧lobekwö i̧'yinobe. Ichibö, ina 'yaba̧lo̧ towinö lo̧nö doinobe omajadenö,

2 Samuel 18:14 ပူးပေါင်းရင်းမြစ်များ

2 Samuel 12:10

Jo̧kwajabetjö̧, jejenö ja̧köbi̧tjö̧, baikwö yötawakwö tupakwö baledakwa̧ma: Dios wei̧ma mikwawökö ji̧ jö̧ba̧lö, Hitita jojo Urias ilekwonö 'döbebö, kwilekwo bajibanö kweminobetjö̧, bemi tupakwö kwi̧tji̧mu tupadanö jojodötjö ba̧kwelöjatebö ölakwabikwawa ja̧kobe, —jö̧ba̧lö Dios yöawi̧ yöawinobe Natanma Davidnö.

2 Samuel 14:30

Jejenö öpöjödiökwe, Absalonma iteda ömöayedönö weinobe, —Joab öbatjoma, chöbatjo ö'öbösayu jo̧be, cebada jawa batjoma. Jayu Joab öbatjo juwaduwi, —jö̧ba̧lö weinobe.

2 Samuel 18:15

ja̧danö ju'wibi Joab ömöayedö itea ölakwabikwawa jawa kwebatadötjö domulatajabedöbi Absalonnö kwatjinobe, ö'wö baibenanö.

2 Samuel 18:5

Ja̧danö latjebonö, la'aka luwo̧ Davidma ölakwawabikwawadö tjuluwedönö weinobe, Joabnöbi, Abisainöbi, Itaynöbi, —Ötjönö omukwatö, chitji̧ Absalonnö lȩlöinö edö, kwabö lobökönaduwinö, —jö̧ba̧lö. Ja̧danö okobe deinö jojodöma ja̧ weawa tja̧ja̧kwinobe.

2 Samuel 19:1

Ja̧danö, David jejenö Absalonnö ubudekwiawö̧, Joabnö yötjawinobe, —Absalon debö i̧'yiökwe, la'aka luwo̧ Davidma o̧'wo tjo̧achö ubudekwobe, —jö̧ba̧lö.

2 Samuel 19:11

Jejenö yötja̧lakwawiökwe, la'aka luwo̧ Davidma Diostjö jojodötjö tjö̧'da̧de pjabatadö Sadocnöbi, Abiatarnöbi weinobe, judasaso jojodötjö luwedönö yötja̧lobö: —La'aka luwo̧ Davidma ju'wedö israel jojodö yötja̧lakwawi̧ wene a̧ja̧kwajabe, yemidanö tjuluwo̧ baibobö tjomukwati̧ma, ja̧danö ökwödönö yöa̧lobö jö̧a̧lobe, –Ökwödö judasaso jojodöma ju'wedö ötjönö tjösödakwa̧ abönö, kwösödaduwo jö̧ba̧ladöja, ikenadamaökö.

Mateo 12:40

Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.

Jueces 4:21

Jo̧kwaijayonö, me'dawachibajo̧ bö̧ti̧ söinö abibaja̧ ikenama, wainö ja̧jinobe Jaelma. Sabana'wotjö otikweju di̧a̧takwawa ö̧'i̧ya̧bi, martiyubi do̧bataju, tjo'omanö abibajo̧ ö̧jobekwö 'ya̧wibö, uunö ölakiyu möakwöchobenö nijakwö bajalenö bȩjebi̧nobe. 'Diinö bȩjebinobe, uunöbi, nijinöbi ö̧sö'a okwa söibanö. Jejenö Jaelma Sisaranö kwabö lojinobe.

Jueces 5:26

Ikenama Jaelma sabana'wotjö otikweju di̧a̧takwawa ö̧'i̧ya̧ do̧jatinobe, ja̧danö jöwaisobekwö jömamunö martiyubi do̧jatinobe. Do̧bataju Sisaranö 'diinö bȩjȩbinobe, uu 'dajebinobe, ja̧danö ölakiyusakanö tibatö bȩjebinobe.

Jueces 5:31

Döpöjojo Sisaranö baledinadanö, okobe deinö chuluwo̧ Isabenö Jo̧ öpöjojodö debö tji̧'yobö chösöda, jo̧kwaijayonö Isabenö Jo̧nö ösödadöma möle jawo̧ ujulunö kaekwaji̧danö tjujuluwachibobö chösöda, jö̧ba̧lö lo̧tjinobe Deborabi, Baracbi, Diosnö ösödö. Ja̧danö jemi ikenama cuarenta o̧bia baledibanö israel jojodöma wene jwiinö tjitebonö tjö̧jinobe.